Plastilin yoki loydan xarakterli kayfiyatdagi portret ishlash 5 - sinf - Изобразительное искусство - Учебники (по школьные предметы)

Plastilin yoki loydan xarakterli kayfiyatdagi portret ishlash 5 - sinf

Загружено в:

20.05.2022

Скачано:

0

Размер:

1104.5 KB

5-sinf tasviriy san’at darsligi asosida 30-mavzu:Plastilin yoki loydan xarakterli kayfiyatdagi portret ishlash

Buyumning konstruktiv xususiyatlari va nisbatlarining xarakterli shakllarini qurish, o‘quvchilarning ko‘z bilan chamalash, qo‘lning harakatini o‘stirishga, vazifani izchillikda bajarish ko‘nikmasini tarbiyalashga, materiallar xususiyati to‘g‘risidagi bilimini egallashga ko‘maklashadi.

Haykaltaroshlik uchun ishlatiladigan xomashyo – loy va plastilin hisoblanadi. Tayyorlangan yaxlit loy yoki plastilin bo‘lagi olinadi. Xarakterli kayﬁyatdagi portretni ishlash uchun haqiqiy suratiga qarab portret nusxasi yasaladi.

Uning o‘lchamiga moslab loy yoki plastilin bo‘lakchalari tayyorlanadi.

Xarakterli kayﬁyatdagi portretni ishlash uchun simdan boshning nisbatlari hisobga olinib, sxematik karkasi tayyorlab olinadi. Avval tuxumsimon shaklning ichini sim yog‘ochlar bilan tugib, temir ushlagichga karkas tayyorlanadi.

Temir ushlagichning pastki tomoni dumaloq yoki to‘rtburchak shaklida bo‘lib, uni oldindan tayyorlangan taxtachaga mahkamlanadi. Karkasga loy yoki plastilin shakl bo‘yicha yopishtiriladi. Yog‘ochdan tayyorlangan stekdan foydalanish o‘rinli hisoblanadi.

So‘ng tanlangan xarakterli kayﬁ yatdagi portretning qismiga dastlabki shakl beriladi. Bunda boshning bo‘laklari burun, ko‘z, lab, quloq va soch qismlari belgilanib, o‘z o‘rniga o‘rnatib chiqiladi. Ulangan joylar yaxshilab silliqlanib, umumiy boshga ishlov beriladi.

Keyin tayyor portretning sirti suvda namlangan latta yoki barmoq bilan silliqlab chiqiladi. Endi tayyor bo‘lgan xarakterli kayﬁ yatdagi portretga steklar yordamida badiiy ishlov beriladi.

Loydan ishlangan bo‘lsa, soyada yaxshilab quritiladi. Xarakterli kayﬁyatdagi portret jihatlarini ishlashda berilgan rasmlardagi haykaltaroshlar tomonidan yaratilgan haykallardan unumli foydalanish mumkin.

Buyum yasashda ko‘proq kulrang loy qo‘llaniladi. Loy quyidagicha tayyorlanadi: quritilgan kesakni mayda bo‘laklarga bo‘lib, ularni plastmassa idishga qatlam bilan joylashtiriladi, har bir qatlamga suv solib turiladi.

Bir kundan keyin loy puxtalik bilan xamirsimon holatigacha aralashtiriladi, agarda qo‘lga yopishmasa, demak, loy ishlatish uchun tayyor holatga kelgan hisoblanadi.

Loydan yasalgan modelni guash bo‘yog‘ida xohlagan rangda bo‘yash mumkin. Loyning qayishqoqligi, bo‘yash imkoniyatining borligi, ayniqsa, bolalar uchun juda ham qiziqarli va qulaydir.

Plastilin – uzoq qurimaydigan, egiluvchan va yumshoq material. Bir xil rangdagi buyumlarni yasash uchun har doim tayyor material. Yasalgan buyumlarning shakli buzilmaydi va yorilmaydi, faqat ma’lum darajadagi issiqlikda plastilin yumshaydi va eriydi, sovuqlikda esa qattiqlashadi.

Похожие

Tarixiy mavzuda portret ishlash 6-sinf

«Men sevgan qahramon» mavzusida portret ishlash. 4- sinf

22-23-mavzu Tarixiy portret ishlash 6-sinf

Rangtasvir yoki qalamtasvirda 2-3 figurali mavzuli kompozitsiya ishlash 6-sinf

Tasviriy san’atning turlari va janrlari. 4- sinf