XVI - XVIII asrlarda Yaponiya. 8- sinf - История - Учебники (по школьные предметы)

XVI - XVIII asrlarda Yaponiya. 8- sinf

Загружено в:

08.10.2019

Скачано:

0

Размер:

4432.078125 KB

XVI - XVIII asrlarda Yaponiya 8-sinf Jahon tarixi darsligi asosida 21-mavzu

Siyosiy ahvol. XVI asrda Yevropada yangi jamiyat - kapitalizmning tarkib topish jarayoni davom etayotgan bir sharoitda Osiyo davlatlarida hamon o'rta asr davri feodal jamiyati munosabatlari davom etardi.

XVI asr boshlarida Yaponiya o'zaro ichki urushlar oqibatida amalda qator mayda-mayda davlatlarga bo'linib ketgan. O'zaro ichki urushlar faqat 1573- yilda ikkinchi syogun Asikaga sulolasi hokimiyatining ag'darilishi bilan nihoyasiga yetdi.

Yaponiyani yagona davlatga birlashtirishdek tarixiy vazifani amalga oshirish ishiga qudratli xonadon yetakchilaridan biri Oda Nobunaga rahbarlik qildi. Shiddatli va shafqatsiz kurashlardan so'ng Oda Nobunaga 1573- yilda Asikagani syogunlikdan mahrum etdi. Oda Nobunaga1B 21 09 0E 2C0B 2D 20 2C0B 03

Yevropaliklarning kirib kelishi. XVI asrning 40- yillaridan boshlab Yaponiyaga birinchi bo'lib Portugaliya savdogarlari kirib keldilar. 1543- yilda portugaliyalik Mendish Pintu Bungo viloyati hukmdori bilan Yaponiyaga turli tovarlar qatori qurol-aslaha, porox olib kelish va ularni oltin hamda kumushga ayirboshlash to'g'risida shartnoma imzoladi.

Yevropaliklarning Yaponiyaga kirib kelishining eng ahamiyatli jihati, o'qotar qurolning Yaponiyaga keltirilishi hamda shu yerda ishlab chiqarishning yo'lga qo'yilishi bo'ldi. Mendish Pintu yaponlarga o'qotar qurollar yasash san'atini o'rgatdi.

Yaponiyani birlashtirish uchun kurashning davom etishi. 1582- yilda Oda Nobunaga fitna qurboni bo'ldi. Yaponiyani birlashtirish yo'lidagi ishni uning yaqin yordamchisi Toyotomi Xidayosi davom ettirdi. Toyotomi Xidayosi

Xidayosi Yaponiyani to'la birlashtirishga erisha olmagan bo'lsada, bu borada katta muvaffaqiyatlarga erishdi. Xidayosi 1587- yilda barcha xristian ruhoniylarining Yaponiyani tark etishi haqida qonun chiqardi.

Yaponiyani birlashtirishning tugallanishi. 1598- yilda Xidayosi vafot etdi. Uzoq kurashlardan so'ng syogunlik hokimiyatini Tokugava Iayasu egalladi. Tokugava Iayasu

Tokugava Xidayosining xristianlikni ta'qib etish siyosatini davom ettirdi. 1614- yilda syogun xristian dinini taqiqlovchi qonun chiqardi.

Bu hol Yaponiyaning Yevropa bilan munosabatlariga ta'sir etmay qolmadi. Natijada Yaponiya tashqi dunyodan o'zini- o'zi ajratib qo'ydi.

Yosimune islohotlari. Yosimune Tokugava sulolasining eng mashhur davlat arbobi sifatida tanildi. U bu suloladan chiqqan sakkizinchi syogun bo'lib, 1716-1745- yillarda hukmronlik qildi. Yosimune Tokugava

U qo'riq yerlarni o'zlashtirish hisobiga dehqonchilik qiluvchilarni rag'batlantirish siyosatini yuritdi. Sug'orish inshootlari tizimini takomillashtirdi. Yerni sotish, sotib olish yoki garovga qo'yishni taqiqlovchi qonun chiqardi.

Mamlakat va jamiyat hayotini tartibga solishda u joriy etgan «100 moddali Farmon» deb ataluvchi qonunlar to'plami katta ahamiyatga ega bo'ldi.

Savol va topshiriqlar 1. «Kurashuvchi viloyatlar davri» iborasining mazmunini izohlab bering. 2. Oda Nobunaganing Yaponiya tarixidagi xizmatiga baho bering. 3. Toyotomi Xidayosi va Tokugava Iayasularning Yaponiya oldidagi xizmatlarini taqqoslang. 4. Nega Xidayosi va Tokugava Yaponiyada xristian dinini taqiqlash siyosatini yuritganlar?

Похожие

XVI-XVIII asrlarda Xitoy. 8- sinf

XVI - XVIII asrlarda Hindiston. 8- sinf

XVI-XVIII asrlarda Eron. 8- sinf

XVI - XVIII asrlarda Usmonli turklar imperiyasi. 8- sinf

XVI-XVIII asrlarda O'rta Osiyo davlatlarining xalqaro munosabatlari 8-sinf