Mamlakat ishlab chiqarish salohiyatining oshirilishi va jahon iqtisodiy tizimiga integratsiyalashuvi 11- sinf - История - Учебники (по школьные предметы)

Mamlakat ishlab chiqarish salohiyatining oshirilishi va jahon iqtisodiy tizimiga integratsiyalashuvi 11- sinf

Загружено в:

10.10.2019

Скачано:

0

Размер:

3037.5 KB

Mamlakat ishlab chiqarish salohiyatining oshirilishi va jahon iqtisodiy tizimiga integratsiyalashuvi 11-sinf O’zbekiston tarixi fani darsligi asosida 6-mavzu

Iqtisodiyotni modernizatsiyalashtirish. 2002- yildan boshlab import o‘rnini bosuvchi mahsulotlar ishlab chiqarish hamda ishlab chiqarishni mahalliylashtirish dasturi amalga oshirila boshlandi.

2001-yildan boshlab xususiy tadbirkorlikni, ayniqsa, kichik va o‘rta biznes korxonalarini rivojlantirish orqali iqtisodiyotni tarkibiy qayta qurish amalga oshirildi.

2000-yilda qabul qilingan O‘zbekiston Respublikasining “Tadbirkorlik faoliyati erkinligining kafolatlari to‘g‘risida”gi qonun kichik va xususiy tadbirkorlikning rivoji uchun yanada keng imkoniyatlarni ochib berdi.

2002-yil “Sug‘urta faoliyati to‘g‘risida” gi qonunning qabul qilinishi va Prezident farmoni asosida 2002-yil fevraldan boshlab sug‘urta tashkilotlarining 3 yil muddatga daromad solig‘idan ozod qilinishi mamlakatimizda sug‘urta bozorini yanada erkinlashtirish va rivojlantirishga xizmat qilmoqda.

Kichik biznes va xususiy tadbirkorlikning shakllanishi va rivojlanishi. Mustaqillikning qo‘lga kiritilishi O‘zbekistonning tadrijiy taraqqiyot yo‘liga qaytishiga imkoniyat yaratdi. “O‘zbek modeli” konsepsiyasi asosida boshlangan iqtisodiy va ijtimoiy islohotlar respublikada tadbirkorlikning rivojlanishiga keng imkoniyatlar ochib berdi.

Kichik biznes va xususiy tadbirkorlikni rivojlantirish bir necha bosqichlarda olib borildi. Birinchi bosqich – 1991–1996-yillar. Bu bosqichda mulkni davlat tasarrufidan chiqarish va xususiylashtirish hamda bozor iqtisodiyotini barpo etishning asosi bo‘lgan kichik mulkdorlar sinfining shakllantirilishidan boshlandi Ikkinchi bosqich – 1996–2000-yillar. Ushbu bosqichda keng qamrovli xususiylashtirish amalga oshirildi, iqtisodiyot sohalariga xususiy kapitalni jalb qilish imkoniyatlari kengaytirildi Uchinchi bosqich – 2000–2016-yillar. Mazkur bosqichda xususiy tadbirkorlikni keng ko‘lamda rivojlantirish uchun shart-sharoitlar yaratish va uni kafolatlashga qaratilgan qator huquqiy-me’yoriy hujjatlar qabul qilindi. To‘rtinchi bosqich – 2016-yildan boshlandi. Davlat dasturida tadbirkorlik subyektlarining moliya-xo‘jalik faoliyatini tekshirishga ikki yil muddatga moratoriy (to‘xtab turish) e’lon qilindi.

1996-yilda O‘zbekiston Respublikasining “Erkin iqtisodiy zonalar to‘g‘risida” gi qonuni qabul qilindi.

Prezidentimizning 2008-yil “Navoiy viloyatida erkin industrialiqtisodiy zona tashkil qilish to‘g‘risida”gi farmoni asosida “Navoiy” xalqaro intermodal logistika markazi bunyod etildi.

2013-yilda O‘zbekiston Respublikasi Prezidentining “Jizzax” maxsus industrial zonasini barpo etish to‘g‘risida” va “Angren” maxsus industrial zonasini barpo etish to‘g‘risida”gi farmonlari qabul qilindi.

2017–2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida soliq solish tizimini izchillik bilan soddalashtirish, soliq solinadigan bazani kengaytirish orqali soliq yukini pasaytirish kabi vazifalar belgilangan.

Soliq tizimi . O‘zbekiston soliq organlari 1991- yilda qabul qilingan “Korxonalar, birlashmalar va tashkilotlardan olinadigan soliqlar to‘g‘risida”gi qonun, 2008-yilda yangi tahrirda qabul qilingan O‘zbekiston Respublikasining “Soliq kodeksi” asosida ish yuritmoqda.

Tibbiyot, ta’lim va sport obyektlarini saqlash xarajatlari korxonalarning soliqqa tortiladigan bazasidan chiqarilib, savdoda ilgari to‘lab kelingan uchta to‘lov o‘rniga esa yagona soliq to‘lovi joriy etildi.

Prezidentining “Soliq ma’muriyatchiligini tubdan takomillashtirish, soliqlar va boshqa majburiy to‘lovlarning yig‘iluvchanligini oshirish chora-tadbirlari to‘g‘risida” gi farmoni qabul qilindi.

Savol va topshiriqlar: 1. 2017-yil mamlakatimizda valuta sohasida qanday o‘zgarishlar bo‘ldi? 2. O‘zbekistonda xususiylashtirish jarayonlari va mulkdorlar sinfining shakllanishi borasida davlat tomonidan amalga oshirilgan siyosatga baho bering. 3. O‘zbekistonda qishloq xo‘jaligiga oid islohotlardagi muvaffaqiyatlar va muammolar nimalardan iborat? 4. Mamlakatning iqtisodiy taraqqiyotida transport tizimi, temir yo‘llar va havo yo‘llarining ahamiyati haqida fikr bildiring. 5. Iqtisodiy taraqqiyotda xorij investitsiyasini jalb etish siyosatining ahamiyatini tushuntiring. 6. Erkin iqtisodiy zona deganda nimani tushunasiz?

Похожие

O‘zbek modelining ishlab chiqilishi. Iqtisodiy islohotlarning boshlanishi 11- sinf

Ishlab chiqarish texnikasining paydo bo‘lishi. 5 - sinf

O‘zbekiston va jahon. 5 - sinf

O‘zbekistonda madaniyat va san’at 11- sinf

Birinchi jahon urushi va Turkiston. 5 - sinf