Fransiyada Birinchi imperiya va uning halokati. 8- sinf - История - Учебники (по школьные предметы)

Fransiyada Birinchi imperiya va uning halokati. 8- sinf

Загружено в:

08.10.2019

Скачано:

0

Размер:

3245.5439453125 KB

Fransiyada Birinchi imperiya va uning halokati 8-sinf Jahon tarixi darsligi asosida 25-mavzu

Fransiyada Birinchi imperiya. 1799- yilgi davlat to'ntarishidan so'ng Fransiyaning Birinchi konsuliga aylangan Napoleon Bonapart endi yakka hokimlikka intila boshladi. 1802- yilda u o'zining umrbod konsul deb e'lon qilinishiga erishdi.

1804- yilda esa u Senatdan o'zini «Fransuzlar imperatori Napoleon I» deb e'lon qilinishini talab etdi va unga erishdi. Shu tariqa, Fransiyada monarxiya qayta tiklandi. Napoleon I

Istilochilik urushlari. N. Bonapart katta istilochilik urushlari olib bordi. Chunonchi, 1805- yilda Avstriya poytaxti Vena ishg'ol etildi. 1806- yilda Prussiya poytaxti Berlinni egalladi. O'z g'alabalaridan ruhlangan Napoleon endi Buyuk Britaniyaga nisbatan qit'a qamali e'lon qilinganligi haqidagi dekretni imzoladi.

Imperiyaning zaiflashuvi. Deyarli butun Yevropani bo'ysundirgan Napoleon Buyuk Britaniya va Rossiyani bo'ysundira olmadi. Buyuk Britaniya harbiy flotining g'oyatda qudratliligi Napoleonga qit'a qamali siyosatidan ko'zlangan maqsadiga erishish imkonini bermadi.

Rossiya-Fransiya o'rtasidagi 1812- yil urushi . 1812- yilning 24- iyunida Napoleon armiyasi Rossiyaga hujum boshladi. Bu urush Rossiya uchun milliy mustaqillik urushi edi.

Imperiyaning qulashi. Rossiya, Buyuk Britaniya, Prussiya, Avstriya va boshqa davlatlardan iborat Yevropaning ittifoqchi davlatlari hamda Fransiya o'rtasidagi hal qiluvchi jang 1813- yil oktabrda Leypsig ostonasida bo'lib o'tdi va bu jang tarixga «Xalqlar janggi» nomi bilan kirdi.

Burbonlar sulolasi hokimiyatining tiklanishi. Ittifoqchi davlatlar Fransiyada Burbonlar sulolasi hokimiyatini tiklashga qaror qildilar. Inqilob yillari qatl etilgan qirol Lyudovik XVI ning ukasi Lyudovik XVIII Senatning qarori bilan taxtga o'tqazildi. Lyudovik XVIII

Napoleon 1815- yilning mart oyida Elbadan Fransiyaning janubiga yetib keldi. Qirol Lyudovik XVIII ning Napoleonga qarshi yuborgan 30 ming kishilik qo'shini ham Napoleon tomoniga o'tib Napoleon 20- mart kuni Parij shahrini egallab, yana imperatorlik taxtiga o'tirdi.

Vena Kongressi. G'olib davlatlar Kongress chaqirdilar. Bu Kongress 1814- yilda Avstriyaning poytaxti Vena shahrida bo'lib o'tdi. Kongressning asosiy maqsadi - Yevropani g'oliblar manfaati yo'lida qayta taqsimlash edi. Vena kongressi

1815- yilda Yevropaning 8 davlati: Buyuk Britaniya, Avstriya, Prussiya, Rossiya, Ispaniya, Shvetsiya, Portugaliya va Fransiya Kongressning yakunlovchi hujjatini imzoladilar.

Fransiya ikkinchi darajali davlat maqomiga tushib qoldi. Shu tariqa Vena Kongressi Yevropa siyosiy xaritasini kuch bilan o'zgartirib tashladi. Ayni paytda, Vena Kongessi qora tanli qullar savdosini taqiqlovchi deklaratsiya ham qabul qildi.

Avstriya Shimoliy Italiyada mustahkamlanib oldi. Belgiya Gollandiyaga qo'shib berildi. Shveytsariyaning mustaqilligi tiklandi va u abadiy betaraf davlat maqomiga ega bo'ldi. Fransiya hududi o'zining avvalgi chegarasigacha qisqartirildi.

«Muqaddas Ittifoq». Yevropada kelgusida ro'y berishi mumkin bo'lgan inqiloblarga qarshi birgalikda kurash maqsadida uch davlat - Rossiya, Avstriya va Prussiya monarxlari ittifoq tuzdilar. U tarixga «Muqaddas Ittifoq» nomi bilan kirdi.

Savol va topshiriqlar 1. Fransiyada Birinchi imperiya qay tariqa vujudga keldi? 2. «Birinchi imperiya halokati sabablari» matn tezisini tayyorlang. 3. Fansiyada Burbonlar hokimiyati qay tariqa tiklandi? 4. «Vaterloo jangi» haqida nimalarni bilib oldingiz? 5. Vena Kongressi qanday masalalarni hal etdi? 6. «Muqaddas Ittifoq» qanday maqsadni ko'zlab tuzildi?

Похожие

Fransiyada mutlaq monarxiya. 8- sinf

Fransiyada Ikkinchi imperiyaning o'rnatilishi. 8- sinf

Angliyaning dunyoda birinchi sanoat mamlakatiga aylanishi. 8- sinf

Fransiyada mutlaq monarxiya. 7- sinf

Angliyada fuqarolar urushi va uning oqibatlari. 8- sinf