Vatanparvarlik 6 -sinf - Идея национальной независимости - Учебники (по школьные предметы)

Vatanparvarlik 6 -sinf

Загружено в:

16.12.2019

Скачано:

0

Размер:

3789.5810546875 KB

Vatanparvarlik 6-sinf Vatan tuyg’usi fani darsligi asosida 13-mavzu

Har bir inson ona yurtiga bo‘lgan muhabbati va sadoqatini turli shakllarda ifoda etadi.

Kimdir sidqidildan mehnat qilib, Vatanning moddiy va ma’naviy boyliklarini oshirishga harakat qiladi. Kimdir Vatan sarhadlarida tun-u kun sergak turib, uning har qarich yerini ko‘z qorachig‘idek asraydi.

Bularning barchasi vatanparvarlik deb ataladigan aziz va noyob tuyg‘uning amalda namoyon bo‘lishidir.

Odam o‘z yurtining dard-u tashvishi, shodlig-u quvonchi bilan hamisha hamnafas yashasa, hatto, Vatan uchun jonini ham fido qila olsa, vatanparvarlik shunchaki tuyg‘uga emas, yuksak insoniy fazilatga aylanadi.

Vatanparvarlik deb, o‘z yurtini sevish, unga sadoqat bilan xizmat qilish, uning mustaqilligi, tinchligi va taraqqiyoti yo‘lida fidoyilik ko‘rsatib yashashga aytiladi.

Vatanni haqiqiy vatanparvar farzandlar dunyoga tanitadi. Vatan tuprog‘i shunday jonkuyar insonlar tufayli ulug‘ va muqaddas bo‘ladi.

Vatanparvarlik Vatan tuyg‘usini anglashdan boshlanadi. Bu tuyg‘u insonni Vatan manfaatlari yo‘lida jasorat va qahramonlik ko‘rsatib yashashga undaydi.

Amerika Qo‘shma Shtatlarining birinchi Prezidenti Jorj Vashington XVIII asrda Shimoliy Amerikadagi ozodlik harakatlariga boshchilik qiladi. Jorj Vashington

Jasur ajdodimiz Jaloliddin Manguberdi mo‘g‘ul bosqinchilariga qarshi o‘n ikki yil davomida uzluksiz kurash olib boradi. Yov yurtimizga bostirib kirgan paytda Jaloliddin yigirma yoshli navqiron yigit edi.Jaloliddin Manguberdi

Alouddin Muhammad Xorazmshoh uzoqni o‘ylamasdan ish tutgani uchun mamlakatning harbiy qudrati susayib, kuchlar bo‘linib ketadi, buning natijasida uning qo‘shini mag‘lubiyatga uchraydi.

Jaloliddin Manguberdiga bunchalik g‘ayrat-shijoat va jasorat baxsh etgan kuch Vatan tuyg‘usi, ona yurtga bo‘lgan muhabbat, xalqning unga nisbatan ishonchi edi.

Mamlakatimizda «Jaloliddin Manguberdi» ordeni ta’sis etilgan. Bugungi kunda yuksak vatanparvarlik fazilatlari bilan elyurt hurmatini qozongan yurtdoshlarimiz ana shu orden bilan taqdirlanadi.

1999-yili Jaloliddin Manguberdining 800 yilligi yurtimizda keng nishonlandi. Xorazm viloyatining markazi bo‘lgan Urganch shahrida uning muazzam haykali barpo etildi. Jaloliddin Manguberdining Urgenchdagi haykali

Savol va topshiriqlar: 1. Vatanparvarlik insonning qanday harakatlarida namoyon bo‘ladi? 2. Vatanparvarlik tuyg‘usi qachon fazilatga aylanadi? 3. Bu tuyg‘u qanday tarbiyalanadi? 4. Buyuk vatanparvar ajdodlarimiz haqida gapirib bering. 5. Ushbu haykallarda qaysi buyuk ajdodlarimizning siymolari aks ettirilgan?

Похожие

Umumbashariy qadriyatlar 6 -sinf

Qadimiy Registon 6 -sinf

Vatanni ulug‘lash 6 -sinf

O‘tda yonmaydigan meros 6 -sinf

Biz – O‘zbekiston fuqarosimiz 6 -sinf