Vatanimiz poytaxti 6 - sinf. Vatan tuyg'usi - Идея национальной независимости - Учебники (по школьные предметы)

Vatanimiz poytaxti 6 - sinf. Vatan tuyg'usi

Загружено в:

10.12.2019

Скачано:

0

Размер:

2637.1552734375 KB

Vatanimiz poytaxti 6-sinf Vatan tuyg’usi fani darsligi asosida 3-mavzu

Vatanimiz, uning go‘zal va obod qiyofasi, ulkan salohiyati haqida so‘z borganda, avvalo azim poytaxtimiz Toshkent shahri ko‘z oldimizga keladi.

Toshkent – nafaqat mamlakatimiz, balki O‘rta Osiyo mintaqasining eng yirik ma’muriy, iqtisodiy va madaniy markazi.

U Vatanimizning shimoli-sharqiy qismida, Tyanshan tog‘ tizmalarining g‘arbiy etagida, Chirchiq vodiysida joylashgan. Shahar 335 kvadrat kilometrga yaqin maydonni egallagan bo‘lib, bu yerda qariyb ikki yarim million aholi istiqomat qiladi.

Toshkent shahar 11 ta tumanga – Bektemir, Mirzo Ulug‘bek, Mirobod,b Olmazor, Sergeli, Uchtepa, Chilonzor, Shayxontohur, Yunusobod, Yakkasaroy, Yashnobod tumanlariga bo‘lingan.

Qadimda shahar Choch, Shosh, Binkat degan nomlar bilan atalgan. Shahar hududida Shoshtepa, Mingo‘rik, Chilonzor Oqtepasi, Yunusobod Oqtepasi singari ko‘hna shahar qoldiqlari saqlanib qolgan.

Toshkent 1930-yildan buyon O‘zbekiston poytaxti hisoblanadi.

Bular – Labzak, Taxtapul, Qorasaroy, Sag‘bon, Chig‘atoy, Ko‘kcha, Samarqand, Kamolon, Beshog‘och, Qo‘ymas, Qo‘qon, Qashqar darvozalaridir.Qadimda Toshkent shahrining 12 ta darvozasi bo‘lgan.

Sharq darvozasi Bugungi kunda Toshkåntnin g o‘zi ulkan darvoza hisoblanadi. Chunki dunyoning g‘arbiy o‘lkalaridan Sharq mamlakatlariga, Sharqdan esa G‘arbga boradigan samolyotlar, avtomobil karvonlari Toshkent orqali o‘tadi.

Toshkentning yana bir muhim xususiyati – bu yerda irrigatsiya tarmoqlari – ariq va kanallarning ko‘pligidir. Biron-bir ko‘cha yoki guzar yo‘qki, undan suv to‘la ariqchalar oqib o‘tmasa.

Qadimiy Toshkentning ko‘cha va mahallalari, guzarlari Temirchi, Miskarlik, Degrezlik (qozon yasovchilar), O‘qchi, Egarchi, Taqachi, Mahsido‘zlik, Ko‘nchilik, Parchabof degan nomlar bilan mashhur bo‘lgan. Ko‘kaldosh madrasasi

Poytaxtimizda O‘zbekiston Respublikasi Prezidenti devoni, Oliy Majlis Qonunchilik palatasi, Senat, Vazirlar Mahkamasi singari davlatimizning oliy hokimiyat organlari, markaziy vazirlik va idoralar, siyosiy partiyalar, fuqarolik tashkilotlari, xorijiy davlatlarning elchixonalari faoliyat yuritmoqda.

O‘zbekiston davlat konservatoriyasiToshkent – yoshlar shahri. Bu yerda sizdek o‘g‘il-qizlarning bilim olishi, zamonaviy kasb-hunarlarni o‘rganishi, sport, badiiy ijod bilan shug‘ullanishi, madaniy dam olishi uchun barcha qulayliklar mavjud.

Mustaqillik yillarida Toshkentning qiyofasi tanib bo‘lmas darajada o‘zgarib ketdi. Shaharning Mustaqillik maydoni va markaziy qismida, Eski shahar hududida keng ko‘lamdagi qurilish- obodonchilik ishlari amalga oshirildi.

Savol va topshiriqlar: 1. Sizning shahringiz yoki tumaningizda keyingi paytda qanday o‘zgarishlar bo‘lmoqda? 2. Ota-onangiz yoki yaqinlaringizning Toshkent shahri haqidagi fikrlarini eshitganmisiz? 3. O‘zingiz Toshkent shahrida bo‘lganmisiz? 4. Toshkent qadimda qanday nomlar bilan atalgan? 5. Rasmlarga qarab, Toshkent yoshlar shahri ekani haqida gapirib bering.

Похожие

Vatanimiz timsollari 5 - sinf. Vatan tuyg'usi

Buyuk qadamjolar 6 - sinf. Vatan tuyg'usi

Tarixiy xotira 6 - sinf. Vatan tuyg'usi

Milliy qadriyatlarimiz 6 - sinf. Vatan tuyg'usi

Mustaqilligimiz abadiy bo‘lsin! 6 - sinf. Vatan tuyg'usi