Navro‘z – eng qadimiy, asl milliy bayram 8 - sinf - Идея национальной независимости - Учебники (по школьные предметы)

Navro‘z – eng qadimiy, asl milliy bayram 8 - sinf

Загружено в:

19.12.2019

Скачано:

0

Размер:

3664.734375 KB

Navro‘z – eng qadimiy, asl milliy bayram 8-sinf Milliy istiqlol g’oyasi va ma’naviyat asoslari fani darsligi asosida 15-mavzu

Aslida Navro‘z siyosatga, mafkuraga, dinga aloqasi bo‘lmagan tabiat bayrami hisoblanib, u kun bilan tunning o‘zaro teng kelgan mahalini, yangi yil va bahorning boshlanishini nishonlash hisoblanadi.

Bu hol bahorgi tengkunlik hisoblanib, kuzgi tengkunlik 21- sentabrga to‘g‘ri keladi.21-martda aynan bir kecha-kunduzning roppa-rosa 12 soati yorug‘, 12 soati esa qorong‘i bo‘ladi.

Mustaqillik yillarida esa Navro‘z bayrami ilgari hech qachon ko‘rilmagan ko‘lam va shukuh-la madaniy hayotimizdan munosib joy oldi.

Darhaqiqat, har qanday an’ana, urf-odat hamda rasm-rusumlar hayotiy zarurat tufayli paydo bo‘ladi.

Aksariyat an’analar mazmun- mohiyatida xalqni, elatni ezgulikka, insonparvarlikka, yaxshilikka chorlashdek o‘lmas g‘oyalar yotadi.

«Navro‘z» forscha so‘z bo‘lib, «yangi kun» degan ma’noni anglatadi. U dehqonlar uchun ekin-tikin ishlarining boshlanish pallasiga to‘g‘ri keladi.

Buyuk mutafakkir bobomiz Alisher Navoiy bu kunni shunday ta’riflaydi: Bu misralardan «Visolga erishgach, ko‘rdimki, mahbubamning bo‘yi (kundek oq vujudi) bilan uzun sochi (tundek qora sochi) Navro‘zdagi kecha bilan kunduzdek teng ekan», degan ma’noni anglaymiz.Vasl aro ko‘rdum, teng emish bo‘yi- yu sochi, Tun-kun teng ekan, zohir o‘lur bo‘ldi chu Navro‘z.

Bizning ajdodlarimiz amal qilgan shamsiy yil hisobi bo‘yicha Hamal yilning birinchi oyi hisoblanadi. U aynan Navro‘zdan – 21-martdan boshlanadi.

Dehqonlar uchun esa Navro‘z yilning o‘ziga xos belgi – chegarasi, sarhadi hisoblanadi. Shu kundan boshlab dehqon yerga bexavotir urug‘ qadashi, uning bexato o‘sib chiqishidan ko‘ngli xotirjam bo‘lishi mumkin.

Demak, Sharq xalqlari qariyb to‘rt ming yildan beri nishonlab keladigan Navro‘z tabiat va inson hayoti uyg‘unligining, ular o‘rtasidagi azaliy taqdirdoshlikning ham e’tirofi, tantanasidir, desak, xato qilmagan bo‘lamiz.

Navro‘z do‘stlik, birodarlik tantanasidir. Sharq xalqlari bayrami, balki millati, dini, e’tiqodidan qat’i nazar, shu yurtlarda yashaydigan barcha millatlar undan bahra oladilar, bir-birlarini yaxshiroq tanib, ko‘ngillariga yo‘l topadilar.

Navro‘z – tan sihatlik bayrami. Yilning bu pallasida tayyorlanadigan tabiiy va to‘yimli taomlar qishning uzoq va ilikuzdi tunlaridan eson- omon chiqib olgan inson vujudi uchun koni shifodir.

Navro‘z yoshlarning o‘z xalqini yanada yaqinroq bilishi, uning ruhiyatini tushunishi, shu xalqqa chambarchas bog‘lanib ketishi omili hamdir.

Savol va topshiriqlar: 1. Mustaqillik yillarida qayta tiklangan qanday xalq bayramlarini bilasiz? 2. Navro‘z bayramining xosiyati nimalarda ko‘rinadi? 3. Bahor ne’matlaridan yana qaysilarini bilasiz? 4. Bolalar o‘yinlaridan qaysisi sizga ko‘proq yoqadi? Siz yashaydigan joyda yana qanday o‘yinlar bor? 5. Sumalak va halimning inson salomatligini mustahkamlashdagi ahamiyati nimada? 6. Navro‘zning kishiga ruhiy, jismoniy, tarbiyaviy jihatdan keltiradigan foydalarini izohlab bera olasizmi?

Похожие

Milliy g‘oyamiz 8 -sinf

Qadimiy Registon 6 -sinf

Eng ulug‘, eng aziz ayyom 6 - sinf. Vatan tuyg'usi

Eng ulug‘ maqsad 9 - sinf

Milliy qadriyatlarimiz 6 - sinf. Vatan tuyg'usi