Milliy g‘oya – ezgu orzu-intilishlar ifodasi 7 - sinf - Идея национальной независимости - Учебники (по школьные предметы)

Milliy g‘oya – ezgu orzu-intilishlar ifodasi 7 - sinf

Загружено в:

08.12.2019

Скачано:

0

Размер:

2129.9892578125 KB

Milliy g‘oya – ezgu orzu-intilishlar ifodasi 7-sinf Milliy istiqlol g’oyasi va ma’naviyat asoslari fani asosida 1-mavzu

Dunyodagi har bir xalqning milliy g‘oyasi uning orzu-intilishlari, qalbi, ong-u tafakkurining ifodasi sifatida paydo bo‘ladi. Ayni vaqtda milliy g‘oya o‘z- o‘zidan shakllanib, amalga oshib qolmaydi. Buning uchun, avvalo, qulay tarixiy sharoit zarur bo‘ladi.

Mustaqillik milliy g‘oyaning shakllanishi uchun eng muhim tarixiy sharoitdir. Shuning uchun ham «mustaqillik» va «milliy g‘oya» tushunchalarini bir-biridan ajratib bo‘lmaydi.

Faqat mustaqil mamlakatdagina xalq erkin va ozod yashash, o‘z oldiga buyuk maqsadlar qo‘yib, ularni amalga oshirish uchun butun kuch-qudrati, aql-zakovatini safarbar etish imkoniyatiga ega bo‘ladi.

Milliy g‘oyamizda mujassam bo‘lgan ezgu orzu-intilishlar asrlar davomida xalqimizning qalbida yashab, uning amaliy ishlarida ma’lum darajada aks etib kelgan.

XX asr boshlarida yurtimizda katta ma’rifiy ishlarni amalga oshirgan jadidlar ilm- ma’rifat tarqatish, yangicha usuldagi maktablar, kutubxonalar, teatrlar ochish, gazeta- jurnallar tashkil etish orqali Vatanimizni ravnaq toptirish, xalqimiz hayotini obod va farovon qilishga intilgan edilar.Munavvar qori Abdurashidxonov yurtimizda katta ma’rifiy ishlarni amalga oshirishga hissa qo’shgan jadidlardan biri

Prezidentimiz Islom Karimovning «O‘zbekiston mustaqillikka erishish ostonasida» kitobini o‘qib, bu fikrga to‘la ishonch hosil qilasiz.

1989-yil 23-iyunda – Islom Karimov O‘zbekiston rahbari sifatida ish boshlagan paytda sobiq SSSR tarkibida bo‘lgan yurtimiz juda og‘ir vaziyatga tushib qolganini siz mazkur kitobdan bilib olasiz.

1989- yilning may oyida Farg‘ona viloyatida janjal-to‘polonlar boshlanib, yurtimizda o‘ta og‘ir vaziyat vujudga keladi. Ana shunday murakkab sharoitda Islom Karimov butun mas’uliyatni o‘z zimmasiga olib, xalqimizni mustaqillik sari boshlaydi.1989- yilning may oyida Farg‘ona voqealari

Xalqimizning ma’naviy hayotida ham ulkan o‘zgarishlar yuz berdi. O‘zbek tiliga davlat tili maqomining berilishi, Navro‘z umumxalq bayramining, Ramazon va Qurbon hayiti kabi diniy ayyomlarning, milliy qadriyatlarimiz, buyuk ajdodlarimizning muborak nomlari, merosi tiklanishi shular jumlasidandir.

2000-yili «Milliy istiqlol g‘oyasi: asosiy tushuncha va tamoyillar» risolasi tayyorlanib, nashr qilindi. Unda milliy g‘oyamizning ma’no- mazmuni atroflicha bayon qilinib, asoslab berildi.

Har bir xalq mustaqillikka erishishi bilan o‘z milliy davlatini tiklaydi yoki uni yangitdan qurishni boshlaydi. Biz ham Vatanimiz istiqlolidan so‘ng qariyb uch ming yillik tarixga ega bo‘lgan milliy davlatchiligimi zni tikladik.

Ana shu milliy davlatchilikka, uning boy tajriba va an’analariga asoslanib, shu bilan birga, dunyodagi taraqqiy topgan davlatlar tajribasini hisobga olib, yurtimizda huquqiy demokratik davlat, fuqarolik jamiyati barpo etishga kirishdik.

Davlatimiz rahbarining 2008-yilda nashr qilingan «Yuksak ma’naviyat – yengilmas kuch» kitobida milliy g‘oyamizning asosiy tushuncha va tamoyillari yanada keng yoritildi.

Savol va topshiriqlar 1. Milliy g‘oyaning paydo bo‘lishi uchun avvalo nima zarur? 2 . Milliy g‘oyamiz nima uchun milliy istiqlol g‘oyasi deb ataladi? 3. Milliy g‘oyaning to‘liq shakllanishi va ro‘yobga chiqshi uchun eng muhim tarixiy sharoit deganda nimani tushunasiz? 4. XX asr avvalida jadidlar boshlagan ishlar nima uchun oxiriga yetmasdan qoldi? 5. Prezidentimiz Islom Karimovning «O‘zbekiston mustaqillikka erishish ostonasida» kitobini o‘qib, nimaga ishonch hosil qilamiz?

Похожие

Fikr va g‘oya 7 - sinf

Insonparvarlik – xalqimizning ezgu fazilati 7 - sinf

Milliy g‘oya va taraqqiyot 9 - sinf

Milliy o‘zlik va an’analar 7 - sinf

Milliy g‘oyamiz 8 -sinf