Jinoyat protsessi ishtirokchilari 11-sinf - Юриспруденция - Учебники (по школьные предметы)

Jinoyat protsessi ishtirokchilari 11-sinf

Загружено в:

05.02.2020

Скачано:

0

Размер:

2078.0859375 KB

Jinoyat protsessi ishtirokchilari 11-sinf Davlat va huquq asoslari fani darsligi asosida 27-mavzu

Jinoyat protsessida surishtiruvchi, tergovchi, sudya, sud majlisi kotibi, prokuror ishtirok etadi.

Jinoyat ishini yuritishda jamoalar va ularning vakillari ham ishtirok etishi mumkin.

Shuningdek, jinoyat protsessida o‘z manfaatlarini himoya qiladigan shaxslar, himoyachilar va vakillar ishtirok etadi.

Bularga ayblanuvchi, gumon qilinuvchi, himoyachi, jabrlanuvchi, fuqaroviy da’vogar, fuqaroviy javobgar, gumon qilinuvchining, ayblanuvchining, sudlanuvchining, jabrlanuvchining qonuniy vakillari, jabrlanuvchining, fuqaroviy da’vogarning va fuqaroviy javobgarning vakillari kiradi.

Jinoyat protsessida ishtirok etuvchi boshqa shaxslar sifatida guvoh, guvohning advokati, ekspert, mutaxassis, tarjimon, xolislarni olishimiz mumkin.

O‘zbekiston Respublikasi Jinoyat- protsessual kodeksida jinoyat protsessida ishtirok etuvchilarning huquq va majburiyatlari alohida qayd etilgan.

Sudya ilgari shu ishni yuritishda tergovga qadar tekshiruvni amalga oshiruvchi organning mansabdor shaxsi, surishtiruvchi, tergovchi, prokuror, sud majlisining kotibi sifatida ishtirok etgan bo‘lsa, o‘sha ishni kelgusida ko‘rishda qatnasha olmaydi.

Birinchi instansiya, apellatsiya yoki kassatsiya instansiyasi sudida yoxud nazorat tartibida ishni ko‘rishda ishtirok etgan sudya uning ishtirokida chiqarilgan hukm, ajrim (qaror) bekor qilinganidan keyin o‘sha ishni ko‘rishda ishtirok eta olmaydi.

Jinoyat ishini birinchi instansiya sudida ko‘rishda ishtirok etgan sudya shu jinoyat ishini apellatsiya yoki kassatsiya instansiyasida yoxud nazorat tartibida ko‘rishda ishtirok eta olmaydi.

Jinoyat ishini apellatsiya instansiyasi sudida ko‘rishda ishtirok etgan sudya shu jinoyat ishini birinchi instansiya yoki kassatsiya instansiyasi sudida yoxud nazorat tartibida ko‘rishda ishtirok eta olmaydi.

Jinoyat ishini kassatsiya instansiyasi sudida ko‘rishda ishtirok etgan sudya shu jinoyat ishini birinchi instansiya yoki apellatsiya instansiyasi sudida yoxud nazorat tartibida ko‘rishda ishtirok eta olmaydi.

Jinoyat ishini nazorat tartibida ko‘rishda ishtirok etgan sudya shu jinoyat ishini birinchi instansiya, apellatsiya yoki kassatsiya instansiyasi sudida ko‘rishda ishtirok eta olmaydi.

Surishtiruvchining, tergovchining, shuningdek sud majlisi kotibining o‘z protsessual majburiyatini bajarishi, basharti, ushbu ish qo‘shimcha tergov yuritish yoki sudda yangidan ko‘rish uchun yuborilgan bo‘lsa, ular tomonidan tegishlicha surishtiruv, dastlabki tergov yuritishga, shuningdek sud majlisi bayonnomasini tuzishga monelik qilmaydi.

Savol va topshiriqlar 1. Mazkur jinoyatlar jinoyat protsessining qaysi bosqichida hisoblanadi? 2. Ular qaysi bosqichlardan o‘tib bo‘lgan? 3. Jinoyat protsessida qaysi shaxslar ishtirok etgan deb o‘ylaysiz? Fikringizni O‘zbekiston Respublikasi Jinoyat protsessual kodeksining moddalari asosida asoslang. 4. Ushbu jinoyat protsessida o‘z manfaatlarini himoya qiladigan shaxslarni ajratib ko‘rsating. 5. Qanday hollarda sudya, shuningdek, xalq maslahatchisi, prokuror, tergovchi, surishtiruvchi, tergovga qadar tekshiruvni amalga oshiruvchi organning mansabdor shaxsi, sud majlisining kotibi jinoyat ishini yuritishda ishtirok etishga haqli emas va uni rad qilishi lozim?

Похожие

Jinoyat belgilari 11-sinf

Jinoyat-protsessual qonun hujjatlari 11-sinf

Jinoyat huquqining maqsadi, vazifasi va tamoyillari 11-sinf

Jinoyat protsessual qonunchilikda aniqlanishi lozim bo‘lgan holatlar 11-sinf

Iqtisodiyot sohasidagi jinoyatlar 11-sinf