Qozog‘iston Respublikasi . 9 - sinf - География - Учебники (по школьные предметы)

Qozog‘iston Respublikasi . 9 - sinf

Загружено в:

06.10.2019

Скачано:

0

Размер:

4823.1298828125 KB

Qozog‘iston Respublikasi 9-sing Geografiya darsligi asosida 39 § - mavzu

Reja: 1. Qozog‘iston Respublikasi 2. Qozog‘iston tabiiy resurslari 3. Yoqilg‘i-energetika sanoati 4. Kimyo va neft-kimyo sanoati 5. Yengil sanoati

Markaziy Osiyo mintaqasining shimoliy va markaziy hududlarida joylashgan. Qozog‘iston Respublikasining milliy mustaqilligi 1991- yilning 16-dekabrida e’lon qilingan.

Maydoniga ko‘ra jahonning 9-yirik mamlakatidir. U mintaqa hududining 2/3 qismini egallaydi.

Qozog‘iston yer resurslariga ham juda boy. Jami hududining 80% dan ko‘prog‘i qishloq xo‘jaligida foydalaniladi. Unda, ayniqsa, yaylov va pichanzorlar hissasi eng katta.

Qozog‘iston aholisining soni jihatidan mintaqada O‘zbekistondan keyinda turadi. Uning aholisi 1997- yildagi 16,7 mln. kishidan 2013-yilda 18,0 mln. kishiga yetdi. Qozog‘iston mintaqada aholisi eng siyrak joylashgan respublikadir.

Yoqilg‘i-energetika sanoati tarmoqlari respublika sanoatining eng yirik ishlab chiqarish majmuasidir. Ayniqsa, ko‘mir, neft qazib chiqarish va elektr energiyasi ishlab chiqarish hajmi bo‘yicha Qozog‘iston Markaziy Osiyoda eng yirik mamlakat hisoblanadi.

Neft konlari, asosan g‘arbida, yirik elektrostansiyalar esa shimolida joylashganligi respublikaning boshqa rayonlarini yoqilg‘i va elektroenergiya bilan ta’minlashda katta qiyinchiliklarni keltirib chiqarmoqda.

Metallurgiya tarmoqlari respublika sanoatining ikkinchi yirik majmuasidir. Respublikada qora metallurgiya va rangdli metallurgiya sanoatlari yaxshi rivojlangan.

Kimyo va neft-kimyo sanoati ham tog‘-kon sanoati bilan bog‘langan bo‘lib, asosan, neftni qayta ishlash, mineral o‘g‘itlar, avtomobil shinalari va rezina, texnika, sulfat kislotasi mahsulotlari ishlab chiqarishga ixtisoslashgan.

Respublikada yetakchi o‘rinni oziq-ovqat sanoati tashkil qiladi. Tarmoqning yetakchi yo‘nalishi go‘sht-sut yetishtirish sanoatidir.

Respublika chorvachiligining yetakchi tarmog‘i qo‘ychilik va echkichilikdir. Hozirgi vaqtda unda 25 mln. boshdan ziyod qo‘y va echkilar bor. Qo‘ychiligi, asosan, jun va qorako‘l teri berishga ixtisoslashgan.

Dehqonchiligi. Ekin maydoni 34 mln. ga bo‘lib, 2/3 qismida donli ekinlar (bahorgi bug‘doy, arpa, tariq, makkajo‘xori, sholi), qolgan qismida texnik (paxta, qandlavlagi, kartoshka va yem-xashak) ekinlar ekiladi.

Qozog‘istonda davlatlararo va rayonlararo yuk tashishda temiryo‘l transportining ahamiyati katta. U barcha ichki rayonlarini bir-birlari bilan bog‘lab turadi. Ahamiyatiga ko‘ra avtomobil transporti ham muhimdir.

Iqtisodiy rivojlanish darajasi va ishlab chiqarish ixtisosiga ko‘ra nisbatan yaxshi (Shimoliy, Sharqiy va Janubiy Qozog‘iston) va nisbatan kam o‘zlashtirilgan (G‘arbiy va Markaziy Qozog‘iston) rayonlari ajralib turadi.

Похожие

Qirg‘iziston Respublikasi . 9 - sinf

Eron Islom Respublikasi, Afg‘oniston Islom Respublikasi, Pokiston Federativ Islom Respublikasi . 9 - sinf

Xitoy Xalq Respublikasi tabiiy-demografik salohiyati . 9 - sinf

Xitoy Xalq Respublikasi xo‘jaligi, transporti, ichki tafovutlari . 9 - sinf

Hindiston . 9 - sinf