Ўзгармас ток генераторлари - Transport - Referatlar

Ўзгармас ток генераторлари

Yuklangan vaqt:

20.09.2019

Ko'chirishlar soni:

0

Hajmi:

465.5 KB

Ko'chirib olish

Ўзгармас ток генераторлари Режа: 1. Ў згармас ток генераторларининг ишлаш принципи 2. Ўзгармас ток генераторларининг тузилиши ва ишлаши 3. Ўзгармас ток генраторларига техникавий хизмат кўрсатиш ва уларнинг нуқсонлари 4. Ўзгармас ток генераторларининг реле-ростлагичлари 5. Реле-ростлагичга техникавий хизмат кўрсатиш ва уларнинг нуқсонлари

1. Ўзгармас ток генераторларининг ишлаш принципи Ўзгармас ток ишлаб чиқарувчи оддий магнит, рамка, коллектор ва чўткалардан иборат бўлади. Рамка 1 валга ўрнатилган бўлиб, у билан бирга айланади. Рамканинг учлари валдан ва бир-биридан изоляцияланган ярим цилиндрларга уланган. Бу қурилма коллектор деб аталади. Ярим цилиндрларга, одатда, графитдан ясалган чўткалар сиқилган бўлиб, улардан бири мусбат, иккинчиси манфийдир. Рамка магнит ёки электромагнит ёрдамида ҳосил қилинган магнит майдонида айланади. Электромагнит индукцияси қонунига кўра рамка магнит майдонини кесиб ўтганда унда индукцияланган э.ю.к. ҳосил бўлади. Унинг қандай содир бўлишини кўриб чиқамиз. Рамканинг ён ўтказгич-лари магнит куч чизиқлари бўйлаб сирпанади ва шу пайтда рамкада э.ю.к. ҳосил бўлмайди. Рамка расмдагидек ҳолатни эггалаганда э.ю.к. аста орта боради, чунки ўтказгичлар борган сари магнит куч чизиқларининг кўп қисмини кесиб ўта бошлайди. Индукцияланган э.ю.к. нинг йўналиши ўнг қўл қоидаси билан аниқланади (расмда стрелкалар билан кўрсатилган). Расмда кўрсатилган ҳолатда э.ю.к. ҳосил бўлмайди, чунки ўтказгичлар яна магнит куч чизиқлари бўйлаб сирпанади. Рамка вертикал ҳолатга яқинлашганда, унда э.ю.к. қайтадан ҳосил бўла бошлайди. Рамка айланганда, шунингдек ярим ҳалқа ҳам айланади, чўткалар эса қўзғалмайди, бинобарин, ташқи занжирда бир томонга йўналган, бироқ катталиги ўзгарувчан ток ҳосил бўлади. Бундай ток пульсовчи ток деб аталади. Унинг диаграммаси ҳам расмда кўрсатилган. Ўзгармас ток ҳосил қилиш учун вақт бирлиги ичида пульсланиш сонини камайтириш ёки токни текислаш керак. Бунинг учун бир неча рамка ва уларга мос равишда шунча ярим цилиндрлар ўрнатилади. Автотрактор генераторларида 14 дан 20 тагача, рамка, 28 дан 44 тагача ярим цилиндр бўлади. Генератордаги рамкалар секциял ар , ярим цилиндрлар коллектор пластиналари, барча айланувчи қисм якорь деб аталади.

Ўзгармас ток генераторларидаги электромагнитларнинг ўзаклари генератор ишлай бошлаш вақтида уни уйғотиш учун зарур бўлган қолдиқ магнетизмни сақлаши лозим. Сўнгра магнит майдонини генераторларда уйғотиш чулғами деб аталувчи электромагнит чулғами ҳосил қилади. Автотрактор генератор-ларидаги уйғотиш чулғами чўткаларга параллел уланган, яъни унинг бир учи мусбат чўткага, иккинчиси эса манфий чўткага уланади. Бундай чулғамли генераторлар шунтли ёки шунт ёрдамида уйғотиладиган генераторлар деб аталади. Улар қуйидаги хусусиятларга эга: нагрузка уланганми ёки узилганми, бунга қарамай уйғонади; ташқи занжирдаги қисқа туташиш уларнинг ишига таъсир этмайди; якорнинг айланиш йўналиши ўзгарганда уйғонмайди, чунки электромагнит ўзаги йўналиши бўйича тескари ток билан магнитсизланади. Кейинги вақтда ўзгармас ток генераторларидан борган сари кам фойдаланилмоқда, чунки улар уч фазали ўзгарувчан ток генераторларига нисбатан тузилиши жиҳатидан мураккаброқ ва қуввати бир хил бўлган ҳолда габарит ўлчамлари катта, уларнинг чулғамларини ясашга тахминан 2,5 марта кўп мис сарфланади. Ўзгармас ток генераторларининг солиштирма қуввати, одатда 45 Вт  кг массадан ошмайди. Бундан ташқари, чўткалар билан коллектор орасида кўп учқун чиқиши якор сонини чеклаб, двигател салт ишлаганда батареяларни зарядлашга имкон бермайди; ўзгармас ток генераторлари реле-ростлагичларининг тузилиши ўзгарувчан ток генераторлариникидан мураккаброқ. Бироқ ишончли ва чидамли ярим ўтказгичли асбоблар бўлмаганлиги сабабли узоқ вақт ўзгармас ток генераторларидан кенг фойдаланиб келинди. Сўнгги ўн йилда мамлакатимизда ишлаб чиқарилган ярим ўтказгичли асбоблар анча такомиллаштирилди. Бу уларни анча оддий ўзгарувчан ток генераторларига ўрнатишга имкон беради. Ўзгармас ток генераторлари қишлоқ хўжалигида ишлатиладиган кўп машиналарга (Т-75 ва ДТ-75 тракторлари, СК-4 ва ГАЗ- 52 автомобиллар) ўрнатилган, шунинг учун уларнинг тузилиши билан танишиб чиқамиз.

РР315-Б реле ростлагичи:1- корпус; 2-ич=и=; 3-резина амор тизатор; 4-кучланиш ростла гич; 5-ток чеклагич; 6-тескари ток релеси; 7-резина =истирма; 8-КР пружинасининг таранглигини ростлаш винти; 9-генератор кучланишини даврий ростлаш винти. 2. Ўзгармас ток генераторларининг тузилиши ва ишлаши Автотрактор ўзгармас ток генераторларининг тузилиши кўп жиҳатдан умумийдир. Шунинг учун улардан бири, яъни кўпгина тарктор ва дон ўриб- йиғиш комбайнларига ўрнатиладиган Г214-А1 генераторининг тузилишини кўриб чиқамиз. Г214-А1 генераторининг (номинал кучланиш 12 В да) қуввати 180 Вт. Электромагнит, якор 3 ва қопқоқлар 1 ва 18 унинг асосий қисмлари ҳисобланади. Электромагнит ёки индуктор корпус 13, икки қутбли бошмоқ 12 ва иккита ғалтак 11 дан иборат. ғалтаклар уйғотиш чулғамини ҳосил қилади. Корпус қолдиқ магнетизмни сақлаш қобилиятига эга бўлган кам углеродли пўлатдан ясалган. Корпусда зичлаш қистирмали ҳимоя лентаси 19 билан беркитиладиган дарча бор. Лента уларни винт билан тортиб маҳкамланган. Қутбли бошмоқлар корпусга винт 14 ёрдамида маҳкамланади. Қутбли бошмоқларга ўрнатилган ғалтаклар кетма-кет уланган бўлиб (яъни ғалтакнинг охирги учи иккинчисининг бошига уланган), уйғотиш чулғамини ташкил этади. Корпусга қисма Я (якор), Ш (шунт) ва М (масса) жойлашган. Қисмалар Я ва Ш корпусдан изоляцияланган, қисма Я генератор ичидан мусбат чўткага сим билан, сиртидан эса реле-ростлагич қисмаси Я га уланган. Қисма Ш ичидан уйғотиш чулғамининг учига, сиртидан эса реле-ростлагичнинг бир хилишорали қисмасига уланган. Қисма М фақат сиртидан шу реле-ростлагич қисмасига уланган.

Генератор якори вал, ўзак, чулғам ва коллектордан тузилган. Ўзак магнит ўтказгич вазифасини бажаради, шунинг учун у алоҳида (бир-биридан изоляцияланган) пўлат пластиналардан йиғилган. Бу генераторда сиртсимон чулғамдан фойдаланилади. Сиртсимон чулғам ҳар бир секциясининг учи коллекторнинг иккита ёнма-ён пластиналарига кавшарланган. Чулғамда ҳаммаси бўлиб 36 та секция бор. Булар ўзакнинг 18 та пазига жойлашган. Генератор коллектори мос равишда 36 та мис пластинадан тузилган бўлиб, улардан ҳар бир пластмасса асос билан улаш учун қалдирғоч думисимон бўртиққа эга. Пластиналар орасига миканит (прессланган слюда) изоляция қўйилган, у пластинадан 0,5-0,8 мм пастроқ ўрнатилган. Изоляция да иккита ёнма-ён пластина лар орасидаги бундай чуқур коллектор ишлаётганда вақтда унинг юзасини ейилишдан ва чўткаларни анча қаттиқ миканитга тегиб ейилишидан сақлайди. Генератор қопқоқлари 1 ва 18 таранглаш болтлари 2 билан бириктирилган. Ҳар бир қопқоқнинг пастки қисмида генераторни двигател крон штейнига ўрнатиш учун чиқиқ бор. Олд қопқоқнинг юқориги қисмида қўшимча чиқиқ бўлиб, унинг резьбали тешигига болт бураб киргизилган. Бу болт кесикли ростлаш планкаси орқали ўтади. Болтни бураб генераторни бўшатиш ва уни юритиш тасмасининг таранглигини ростлаш учун буриш мумкин. Ростлагич болт бураб маҳкамланади. Олд қопқоқда олд шарикли подшипникка мой берувчи канални беркитиб турувчи винт-мойдон 15 бор. Шарикли подшипникларда кигиз ҳалқа ва иккита пўлат шайба бор. Кетинги қопқоққа қалпоқча 7 винт билан маҳкамланади. Қалпоқча подшипникни мойлашда ва якор валининг бўйлама силжишини бартараф қилиш учун гайка 8 ни бурашда олинади. Якор валига юритиш шкиви 16 шпонка ва гайка ёрдамида ўрнатилган бўлиб, шкивда понасимон тасма учун ариқча қилинган.

Кетинги қопқоққа чўткалар остидан чиқадиган учқунни камайтириш хусусиятига эга бўлган реактив типдаги иккита чўтка туткич ўрнатилган (25- расм). (Чўткалар электрографитдан ясалган). Ўзгармас ток генераторларига техникавий хизмат кўрсатиш ва уларнинг нуқсонлари Генератор ҳар сменада чанг ва ифлосдан тозаланади, унинг маҳкамланиш жойлари ва симларнинг уланганлиги текширилади, зарур бўлса, қисмалар тозаланади, юритиш тасмасининг таранглиги текширилади. Унинг таранглиги вентилятор ва генератор шкивлари орасидаги тасма тармоғига 4-6 кгк билан босилганда эгилиши 12-15 мм бўлиши лозим. Таранглик планка болти бўшатилган, генераторни буриб ростланади. 2-техникавий хизмат кўрсатишда (двигател 240 соат ишлагач) биринчи навбатда генератор подшипниклари мойланади. Олд подшипникни мойлаш учун винт бураб чиқарилади ва ариқча ЦИАТИМ-221, ЦИАТИМ-202 ёки 158-номерли мой билан тўлдирилади. Винт бураб маҳкамланаётганда мой баравар тарқалиши учун якорь шкив орқасига бурилади. Кетинги подшипникни мойлашда ундан қалпоғи олинади ва подшипник ҳажмининг 2  3 қисмича мой қуйилади. Сўнгра ҳимоя лентаси олинади ва генераторнинг ички юзасидаги чанг насос билан тозаланади. Кейин коллектор сирти ва чўткаларнинг ҳолати текширилади, коллектор сирти силлиқ ва ялтироқ оч жигар ранг ёки тўқ жигар ранг тусда бўлиши керак. Коллектордаги ифлос бензин шимдирилган тоза латта билан артиб тозаланади, бунда уколлектор сиртига сиқилади, якор эса қўлда айлантирилади. Тозалангач, коллекторда тирналиш ёки куюнди борлиги маълум бўлса, у ҳолда улар майда донли шиша жилвир қоғоз билан тозаланади. Жилвир қоғоздан бир бўлак олиб корпусдаги дарчага тиқилади, уни қўл билан коллектор сиртига тақаб ушлаб, якорь айлантирилади. Коллектор юзидаги чуқурроқ чизиқлар токарлик станогида йўнаб, йўқотилади ва силлиқланади.

Чўткалар коллектор сиртига зич тақалиши керак, бунда уларнинг бўйи 14 мм бўлиши лозим. Чўткаларнинг бўйи кичик бўлганда уларга тушадиган пружиналар босими камаяди. Янги чўткани коллектор сиртига шиша жилвир қоғоз воситасида албатта ишқалаш керак. Бунинг учун жилвир қоғоз листидан коллектор энга мослаб қирқилади ва қумли қисмини чўтка остидан тиқилади. Жилвир қоғоз полосасининг учлари корпусдаги дарчага тиқилиб, тортиб чиқарилади. Пружина сими таъсирида чўтка коллектор сирти шаклига мослашади. Пружинанинг чўткага босими илмоғи чўтка тутқич билан қамралган динамометр ёрдамида текширилади. 3-техникавий хизмат кўрсатишда генератор қисмларга ажратилади, ейилган детал ва подшипниклардаги мой алмаштирилади. Генератор йиғилгач текширилади, бунинг учун ўзаро туташган қисмлар Я ва Ш батареянинг мусбат чиқишига уланади, қисма М эса батареянинг манфий чиқишига амперметр орқали уланади. Шу тахлитда уланган генератор 6 А дан ошмайдиган ток истеъмол қилиши, генератор якори эса шовқинсиз равон айланиши керак. Ўзгармас ток генераторларининг характерли нуқсонлари: юритиш тасмасининг шатаксираши, қисмаларнинг оксидлани-ши, чўткаларнинг катталашиб қолиши ёки ейилиши, чўтка тутқичлари пружиналарининг бўшашиши ёки синиши, коллекторнинг ифлосланиши ёки ейилиши, уйғотиш чулғамида ўрамларнинг масса билан туташиши, қутдли бошмоқларнинг магнитсизланиши. Коллекторнинг ифлосланиши ёки ейилиши чўткалар остидан кўп учқун чиқишига сабаб бўлади. Коллекторнинг ейилишини якорни токарлик станогида йўниб ва коллектор сиртини силлиқлаб бартараф этилади. Уйғотиш чулғами ўрамларининг массага туташиши генераторда э.ю.к. нинг камайишига олиб келади. Туташиш жойини аккумулятор батареяси ва лампа ёрдамида аниқлаш мумкин. Батареянинг қутбларидан бири генератор корпусига, иккинчиси лампа орқали унинг қисмаси Ш га уланади. Агар лампа чақнаб

Ызгармас ток генераторлари кучланиши ростлагичининг соддалаштирилган схемаси:ёнса, бу ўрамларнинг очилиб қолган сим орқали массага туташганини билдиради. Қутбли бошмоқларнинг магнитсизланиши генераторининг уйғонмаслигига олиб келади (бу магнетометр билан аниқланади). Қутбли бошмоқларни магнитлаш учун қисма Ш батареянинг мусбат чиқишига, қисма М эса 2-3 сек манфий чиқишига уланади. Аккумуляторлар батареясидаги ток бунда қутбли бошмоқларни магнитлайди. 4. Ўзгармас ток генераторларининг реле-ростлагичлари Ўзгармас ток генераторларининг реле-ростлагичлари электромагнитавий вибрация асбоблари группасига киради. Улар контакт- транзисторли реле-ростлагичлардан ток чеклагич ва тескари ток релеси борлиги билан фарқ қилади. Г214-А1 генератори билан ўрнатиладиган РР315-, реле-ростлагичининг тузилиши ва ишлаши билан танишиб чиқамиз. РР315-Б реле-ростлагичи (25-расм) қуйидаги учта алоҳида электромагнитавий асбоблардан ташкил топган: тескари ток релеси 6 (ТТР), кучланиш регулятори 4 (КР) ва ток чеклагич 5 (ТЧ). Корпус 1 ичига 60,30 ва 13 Ом қаршиликка эга бўлган учта резистор ўрнатилган. Корпус чиқиқ 2 ли бўлиб, унинг тешикларида металл втулкали резина амортизаторлар 3 жойлашган. Амортизаторлар двигател ишлаганда асбоб титрашини сўндиради. Реле- ростлагични машина корпусига маҳкамловчи болтлар амортизатор тешигидан ўтказилади. Асбоб қопқоқ билан беркитилиб, қопқоқ остига резина қистирма 7 қўйилади. Корпусда Б (батарея), Я (якорь), Ш (шунт) белгилари қўйилган учта қисма ва винт М

(масса) бор. Барча қисмлар ва винт генераторнинг мос равишдаги қисмларига уланган. ТТР генераторни аккумулятор батареясига автоматик улаш ёки узиш ва генераторни истеъмолчиларга улашга хизмат қилади. Агар генератор қисмларидаги кучланиш 12 В га чиқса (двигател ўрта ёки катта тезликларда ишлайди), ТТР генераторни аккумулятор батареясини зарядлаш учун унга электрик жиҳатидан улайди, агар бу кучланиш 12 В дан кам бўлса (двигател кичик тезликдаишлайди ёки бутунлай ишламайди) узади. Бу иш батареяни зарядсизлашдан сақлаш ва генератор чулғамларининг батарея токидан қизимаслиги учун қилинади. ТТР ярмо, ўзак, якорь, якорь кўтарилишини чеклагич ва контактлар тузилган. Ўзакка магнитловчи (параллел) ва магнитсизловчи (кетма-кет) чулғам жойлашган. Магнитловчи чулғам учларининг бир массага, иккинчиси эса ўзакка уланган, яъни у генератор якорига параллел уланган. Магнитсозловчи чулғам учларининг бири ТТР ярмосига кавшарланган, яъни массага уланган, иккинчиси ток чеклагич чулғамига уланган. Уланган барча истеъмолчилар токи магнитсозловчи чулғамдан ўтади. Реле-ростлагичнинг ишлашини кузатамиз . Агар генератор қисмаларидаги кучланиш 12В дан ошса, якорь магнитланган ўзакка тортилади ва ТТР контактлари туташади. Магнитловчи чулғам занжири қуйидаги кўринишига эга: генераторнинг мусбат чўткаси - қисма Я-ТЧ-асосий чулғами ТТР-магнитсозловчи чулғами-генераторнинг манфий чўткаси.ТТР контактларининг туташиши натижасида қуйидаги заряд токи занжири ҳосил бўлади: генераторнинг мусбат чўткаси-қисма Я-асосий чулғам ТЧ-магнитсозловчи чулғам ТТР-ярма-якорь ва ТТР контактлари- қисма Б-амперметр аккумулятор батареяси-генераторнинг манфий чўткаси. Амперметр стрелкаси бунда  20 томонга оғиб, заряд токи миқдорини кўрсатади. Агар бир оз вақтдан сўнг у ноль ҳолатни эгалласса, бу

батареянинг тўла зарядланганлигини билдиради. Шу билан бир вақтда (ТТР контактлари туташганда) генераторга бошқа истеъмолчилар ҳам уланади. Агар генератор кучланиш аккумулятор батареяси кучланишидан қамайса, унда батареядан генераторга келувчи ток ҳосил бўлади. Бу ток тескари ток деб аталади. Тескари ток занжири қуйидагича бўлади: батареянинг мусбат чиқиши амперметр реле-ростлагич қисмаси Б, туташган контактлар, якорь ярмо-ТТРмагнитсозловчи чулғами-ТЧ чулғами-қисма Я – генераторнинг мусбат чўткаси генератор якорининг чулғами-генераторнинг манфий чулғами масса батареянинг манфий чиқиши. Тескари токнинг бир қисми параллел занжир ҳосил қилган ҳолда генераторнинг уйғотиш чулғамидан ўтади. Тескари ток ҳосил қилган магнит оқими ТТР магнитловчи чулғамига қарама-қарши таъсир этади. Бу магнит оқисмларининг қарама- қарши таъсири натижасида ТТР ўзагининг умумий магнитловчанлиги камаяди, якорнинг ўзакка тортилиши сусаяди ва якорь пружинаси таъсирида ТТР контактлари ажралади. Бу ҳол батареяни генератордан узувчи тескари ток занжири ҳосил бўлгандан сўнг 3-5 сек ўтгач содир бўлиши лозим. ТТР контактлари ажралгач, тескари ток тез йўқолади, уланган истеъмолчилар эса электр энергияни фақат аккумулятордан олади. Батареядан истеъмолчиларга ўтувчи ток разряд токи деб аталади. Амперметр стрелкаси разряд токи утаётганда унинг борлигини кўрсатган ҳолда –20 томонга оғади. Стрелкага қараб генератор қисмаларида кучланиш камайганда ТТР контактлари ажралганлигини кузатиш мумкин. контактлар ажралган вақтда амперметр стрелкаси тезда -20 томонга оғади ёки нолда тўхтайди (истеъмолчилар узилганда). Бошқача қилиб айтганда тескари ток релесини амперметр ёрдамида текшириш мумкин. Шундай қилиб, ТТР ишлаганда заряд, тескари ва разряд токи таъсир этади. Агар истеъмолчи лампа бўлса, разряд токи занжири қандай ҳосил бўлишини кузатамиз. Бу занжир қўйидагича бўлади, батареянинг мусбат чиқиши амперметр-лампа масса аккумулятор батареясининг манфий чиқиши.

Истеъмолчиларни батареяга улашда амперметр уларнинг занжирига киритилади, генераторга уланганда эса уларнинг занжирлари фақат ТТР нинг берк контактларидан ўтади. Бинобарин, ТТР нинг берк контактлари аккумулятор батареяси учун фақат заряд занжирини ҳосил қили б қолмай, балки генератордан ток олувчи истеъмолчилар учун ҳам занжир ҳосил қилади. Атроф-муҳит температураси кўтарилиши билан ТТР нинг магнитловчи чулғами янада қизийди, унинг қаршилиги ортади ва ТТР контактлари генератор кучланиши ортганда туташа бошлайди. Бунинг олдини олиш учун магнитловчи чулғам ўрамларининг бир қисми қаршилиги температура ўзгарганда деярли ўзгармайдиган констант симдан, ТТР якорининг осмаси эса термобиметалл пластинадан қилинади. Пластина иккита қатламдан иборат: юқорги қатлам хром никель ёки хром-молибден пўлатдан ясалган, пастки қатлам-ЭИ-36 инвари қотишмасидан ясалган (темир ва никель қотишмаси, 36% никель). Юқориги қатлам қизиганда унинг чизиғий кенгайиш температуравий коэффициенти юқори, пастки қатламники эса паст бўлади. Натижада пластина қизиганда пастки қатлам томонга эгилиб, ТТР якорь осмасининг эгиш кучи камаяди. Бу ҳол ТТР контактларига генератор қисмаларида кучланиш кам бўлганда туташиш имконини беради. Қишда ТТР контактлари аксинча кучланиш ошганда туташади, чунки пластинаюқориги қатлам томонга эгилиб, якорь осмасининг эгилувчанлигини оширади. Кучланиш регулятори (КР) генератор якорининг айланиш частотаси ўзгарганда ёки истеъмолчилар занжирида нагрузка ўзгарганда генератор қисмаларидаги кучланишни стабиллаш учун хизмат қилади. Ростлагич генератор қисмаларидаги кучланишни 13,8-14,8 В атрофида сақлайди. У ярмо, ўзак, магнитловчи чулғам, тўғриловчи чулғам, якор, вольфрам контактлар ва ростлаш пластинасидан иборат. Унинг асосий қисмлари электромагнитли реле ва контактлари бор якордан (вибратор) иборат. Бу типдаги реле электромеханикавий реле деб аталади.

26-расмда соддалаштирилган схемаси келтирилган кучланиш регуляторининг ишлаши билан танишиб чиқамиз. Магнитловчи чулғам КР генератор чўткасига параллел уланган бўлгани учун унинг қисмаларидаги кучланишнинг исталганда ошиши магнитловчи чулғамда кучланишнинг ошишига сабаб бўлади. Бу генераторнинг якори тез сонида айланганда содир бўлади. Кучланиш ошганда магнитловчи чулғамда ток ортади, бу КР контактнинг ажралишига сабаб бўлади. Бу ҳолда генераторни уйғотувчи ток қуйидаги занжир бўйича ўтади: мусбат чўтка резистор уйғотиш чулғами манфий чўтка. Генераторнинг уйғотиш чулғами занжирига резистор уланади, бу генератор ишлаб чиқарадиган э.ю.к. нинг камайишига сабаб бўлади. Генератор қисмаларидаги кучланиш камайганда КР контактлари якорь пружинаси таъсирида туташади ва қаршилик уйғотиш чулғами занжиридан чиқади. Бундай жараён генератор якорининг айланиш сони ўзгарганда узлуксиз содир бўлади. Кучланишнинг тебраниши КР контактининг 1 сек да 120 дан 150 мартгача узилишига ва татишишига сабаб бўлади. Реле-ростлагичнинг умумий схемасида кучланиш ростлагич ишлаганда занжир қандай ҳосил бўлишини кўриш мумкин. КР магнитловчи чулғами зандири: генераторнинг мусбат чўткаси қисма Я-магнитловчи чулғам; 13- мавсумий ростлаш қайта улагичи 14 (ёки резистор)-масса генераторнинг манфий чўткаси. КР контактлари тутушганда генератор уйғотиш чулғамининг занжири: генераторнинг мусбат чўткаси қисма Я-КР нинг текисловчи чулғами-ТЧ ярмоси-ТЧ контактлари ва якори-бириктириш пластинаси-КР ўзаги-КР ярмоси-қисма Ш-генераторнинг уйғотиш чулғами 19-генераторнинг манфий чўткаси. Генераторнинг КР контактлари ажралгандаги уйғотиш чулғамининг занжири: генераторнинг мусбат чўткаси-қисма Я-ТЧ ярмоси-тўғриловчи чулғам 15-тезлаштирувчи резистор 17-қисма Ш-уйғотиш чулғами 19- генераторнинг манфий чўткаси. Бундан шундай хулоса чиқариш мумкин,

генератор қисмаларидаги кучланишнинг ошиши резисторларни генераторнинг уйғотиш чулғами занжирига автоматик улаб чекланади. Ўзгарувчан ток генераторларидаги контакт-резисторли кучланиш ростлагичи ҳам худди шундай ишлайди. Кучланиш ростлагич ишида бир неча резистор иштироқ этади. Улар нихром симдан иборат бўлиб, шиша тола шнурга ўралган ва уларга кремний органик лак шимдирилган. Қисма Ш га уланадиган резистор 16 асосий резистор деб аталади. Унинг вазифаси генераторнинг уйғотиш чулғамида токни камайтиришдан иборат. Резистор 17 тезлатувчи резистор деб аталиб, КР контактларининг ажралиш ва туташиш жараёнини тезлаштиради (контакт-транзисторли кучланиш ростлагични ўрганишда тезлатувчи резисторнинг ишлаши билан танишиб чиқилган эди). Бундан ташқари, КР да у яна бир вазифани бажаради, яъни КР чулғами учун температуравий компенсациялаш резистори ҳисобланади. Атроф-муҳит температурасининг ўзгариши КР нинг ишлашига таъсир этмаслиги учун унинг якори осмаси ҳам термобиметалл пластинадан тайёрланган. Кранинг текисловчи чулғами якорь айланиш сонининг ошишига қарамай ростлагич кучланишини ўрнатилган катталикда сақлайди. Бунда КР контактлари узоқ вақт ажралиб туради ва занжирга уланган резисторлар КР чулғамидаги токни кескин камайтиради. Натижада КР ўзаги текисловчи чулғам ёрдамида магнитсизланиши ва асосий чулғам ёрдамида магнитланиши камаяди. Ўзакнинг магнит оқими якорнинг айланиш сони ошганда ҳам деярли ўзгармайди. КР контактлари ўрнатилган кучланишда ажралади. Ток чеклагич (ТЧ) генераторни уларга кўп истеъмолчилар ёки зарядсизланган аккумулятор батареясини улаганда ҳосил бўладиган ортиқча нагрузкадан ҳимоя қилади. Автотарктор электр жиҳозларида ишлатиладиган истеъмолчилар параллел уланганда истеъмолчилар сони ошган сари

занжирдаги тўла қаршилик камаяди. Занжирда қаршиликнинг ҳар қанча камайиши Ом қонунига кўра, унда ток кўпайишига сабаб бўлади. Генераторга кучли зарядсизланган аккумулятор батареяси уланганда ток жуда кўпаяди. Генератор якорининг чулғами учун ортиқча нагрузка ҳавфли: у жуда қизийди ва унинг изоляцияси тешилади, бу чулғам ўрамларининг массага қисқа туташишига сабаб бўлади. Ток чеклагич тузилиши жиҳатдан кучланиш ростлагичга ўхшаш бўлиб, бироқ ундан ўйғон мис симли (диаметри 2,44 мм) битта чулғами борлиги билан фарқ қилади. Контактлардаги эрозияни камайтириш учун пастки контакт вольфрамдан, юқоригиси 25% кадмий қўшилган кумушдан ясалган. Ток чеклагич қуйидагича ишлайди (26-расмга қаранг). Генератордан истеъмолчиларига ва аккумулятор батареясига келувчи барча ток, яъни нагрузканинг барча токи ток чеклагич орқали ўтади. Ток белгиланган миқдордан ошса (Г214-А генератори учун 15 А дан ортиқроқ) ТЧ ўзаги кучли магнитланади, натижада асбоб контактлари ажралади. Сўнгра уйғотиш чулғамининг занжири иккита параллел тармоққа бўлинади: бирида қаршилик 73 Ом ва иккинчисида 30 Ом. Биринчи занжир: генераторнинг мусбат чўткаси-қисма Я - КР нинг текисловчи чулғами-ТЧ ярмоси қаршилиги 13 Ом бўлган резистор-қаршилиги 60 Ом бўлган резистор-қисма Ш-генераторнинг уйғотиш чулғами-генераторнинг манфий чўткаси. Иккинчи занжир: генераторнинг мусбат чўткасиқисма Я-қаршилиги 30 Ом бўлган резистор- бириктириш пластинаси-КР контактлари-КР ярмоси-қисма Ш-генераторнинг уйғотиш чулғами-генераторнинг манфий чўткаси. Параллел резисторлари генераторнинг уйғотиш чулғами занжирига улаш натижасида ундан ўтувчи ток камаяди, бу ток билан бирга эса умумий кучланиш ва генератор ишлаб чиқарадиган умумий ток ҳам камаяди. 5. Реле-ростлагичга техникавий хизмат кўрсатиш ва уларнинг нуқсонлари

Ҳар ойда реле-ростлагичнинг маҳкамланиши текширилади ва у ифлосдан тозаланади. Реле вақт-вақти билан, бироқ йилига камида бир марта устахонада ёки истисно сифатида машинада текширилади. Реле-ростлагич атроф-муҳит ва асбоб температураси 20  С бўлганда текширилади ва ростланади, чунки ростлаш маълумотларининг барчаси шу температура учун келтирилган. Бу ишларни электромеханик бажаради. Дастлаб якор билан ўзак орасидаги тирқиш ўлчанади: кучланиш ростлагичда ва ток чеклагичда бу тирқиш 1,4-1,5 мм, контактлар ажралганда тескари ток релесида 0,6-0,8 мм бўлиши керак. Тирқиш юқориги контактлар билан ростлаш пластинаси ёрдамида ўрнатилади, винтлар бўшатилгач бу пластинани кўтариш ва тушириш мумкин. Тескари ток релесидаги якорь билан ўзак орасидаги тирқиш якорни кўтариш чеклагичини эгиб ўрнатилади. Бир вақтда 0,4-0,6 мм атрофида бўлиши лозим бўлган контактлар зазори аниқланади. Уни реле стойкасини эҳтиётлик билан эгиб ростланади. Контактлар надфиль билан тозаланиб, сўнг бензин ёки спирт шимдирилган замш билан артилади. Контактлар бир-бирига зич тегиб туриши керак. Реле-ростлагични стенда текшириш учун 30 В шкалали вольтметр (аниқлик класси камида 1,0), 30-0-30А шкалали амперметр (аниқлик класси камида 1,5), 5000 айл  мин гачаградусларга бўлинган тахометр ва реостат керак. Кучланиш ростлагичини текширишда (31-расм) реле-ростлагич қисмаси Б га амперметр орқали реостат 3 уланади, вольтметр эса қисма Б билан масса орасига уланади. Генератор якорининг айланиш сони 3000 айл  мин ва реостат ҳосил қиладиган 6 А нагрузкада вольтметр қайта улагичи мавсумий ростлашнинг З ҳолатидагида 14,1-15,5 В ни, Л ҳолатидалигида эса 13,4 ни кўрсатиши лозим. Агар кучланиш белгиланган миқдорга тўғри келмаса, уни винт 9 ёрдамида якорь пружинасини таранглаб ўрнатилади (28- расмга қаранг). Якорь пружинасининг таранглиги винтни соат стрелкаси

ҳаракати томон бураб оширилади ва КР контактлари ажралган ҳолатда кучланиш ошади. Винтни биргина тишчага бурилиш кучланишни 0,2 В га ўзгартиради. Бошқа реле-ростлагичларда пружина таранглиги якорь пружинасининг пастки учи маҳкамланадиган кронштейнни эгиб ўзгартирилади. Ток чеклагич худди шу каби текширилади ва ростланади. Нагрузка реостат билан аста оширилади. Кучланиш 13-15 В бўлганда нагрузка генератор якори 3000 айл  мин айланганда 15 А дан ошмаслиги лозим. Ток кронштейнни эгган ҳолда ТЧ якорининг пружина таранглигини ўзгартириб ўрнатилади. Тескари ток релеси аккумулятор батареяси уланганда (реостат ўрнига занжирга уланган) текширилади ва ростланади. Амперметр батареясининг мусбат қисмаси билан қисма Б орасига, вольтметр эса реле-ростлагич қисмаси Я билан масса орасига уланади. ТТР контактлари туташганда кучланишни аниқлаш учун генератор якорининг айланиш тезлигини аста ошира бориш керак, бунда амперметр стрелкаси жойидан қўзғалган заҳоти вольтметр шкаласидаги кўрсатишни ўлчаш керак. Кучланиш 11,8-12 В бўлиши лозим. У пружина кронштейнини эгиб ўрнатилади. Тескари токни аниқлаш учун якорнинг айланиш тезлиги аста секинлатилади ва тескари ток амперметрга қараб ҳисобланади. Бу ток 0,5-6А атрофида бўлиши керак. Ток 6А дан ошганда якорь билан ТТР нинг ўзаги орасидаги зазорни (контактлар туташганда) катталаштириш керак. ТТР контактлари туташадиган даражадаги кучланишни бевосита машинанинг ўзида текшириш ва ўрнатиш мумкин. Бунинг учун вольтметрнинг “  ” қисмаси реле-ростлагич қисмаси Я га, “-” эса массага уланиши керак. Двигател тирсакли валининг айланиш сони аста оширилади. ТТР контактлари туташган вақтда вольтметр стрелкаси кетинга (кучланиш камайиши томон) 0,1-0,2 В га оғиши керак. Агар у олдинга оғса (кучланиш ортиши томон) унда ТТР ни ростлаш, яъни кронштейнни эгиб пружинани таранглаш керак.

Кучланиш ростлагичда пайдо бўладиган нуқсонлар натижасида истеъмолчиларнинг таъминлаш занжирида кучланиш кўпайиши ва камайиши мумкин. Қуйидагилар нуқсонларга сабаб бўлиши мумкин: контактларнинг қуйиши ёки ифлосланиши, ростлагич якори пружинасининг бўшаши, якорь билан ўзак орасида кир йиғилиб қолиши, чулғамнинг узилиши. Кучланиш ростлагич текисловчи чулғамининг узилиши генераторнинг чала уйғонишига сабаб бўлиши мумкин. Ток чеклагичидаги нуқсонлар натижасида истеъмол-чиларнинг ростлаш токи ўзгаради. Нагрузка токининг ошиши катта хавф туғдиради, бу якорь чулғамининг яроқсизланишига олиб келиши мумкин. Бунга биринчи навбатда ТЧ даги ўзак билан якорь орасида кир йиғилиб қолиши ёки улар орасидаги зазаорнинг катталашиши сабаб бўлиши мумкин. ТТР контактлари кўпинча бир-бирига яхши тегиб турмаслиги натижасида ўзаро пайвандланади. Бу нуқсоннинг аломатлари: двигател секин айланиб ишлаётганда ёки двигател тўхтаганда амперметр стрелкаси-20 томонга оғади, яъни ТТР нинг узилмаган занжиридан тескари ток ўтади. Бундай ҳолларда батареянинг зарадсизланишдан ва генератор уйғотиш чулғамини қизишдан сақлаш учун реле-ростлагич қисмаси Б ни симдан ёки батареяни массадан масса учиргичи ёрдамида дарҳол узиш керак. Агар бу нуқсон йўлда ёки далада ишлаганда содир бўлса, унда релени узиш керак. Бунинг учун реле-ростлагич қисмалари Б ва Я дан кабинага изоляцияланган симларнинг учи чиқарилган. Двигател ўрта ва тез айланишларда ишлаётганда заряд занжири ҳосил қилиш учун улар уланади, секин айланишда ишлаётганда батарея зарядсизланмаслиги учун узиб қўйилади. Чунки бу ҳолда ток чеклагич ишламайди, бунда генераторни нагрузка ошиб кетишидан эҳтиёт қилиш, яъни дарҳол кўп истеъмолчилар улаш керак эмас. Бузуқ кучланиш ростлагични ёруғлик кучи 21 кд бўлган лампа билан алмаштириш мумкин. У реле-ростлагич қисмалари Я ва Ш орасига уланади. Лампа генератор қисмаларида кучланишнинг ошишини бир оз чеклаш учун етарли қаршиликка эга.

Генератор ёки реле-ростлагичнинг созлигига ишонч ҳосил қилиш учун учта қисманинг ҳаммаси уланади. Заряд токининг ҳосил бўлиши ва генератор якори айланиш сонининг ошиши билан унинг аста ортиб бориши (амперметрга қараб текширилади) генератор соз бўлса-да, бироқ реле- ростлагич шикастланганини билдиради. Агар заряд токи ҳосил бўлмаса, унда нуқсонни генератор ёки симдан қидириш керак.

Фойдаланилган адабиётлар 1. Миллий истиқлол ғояси: асосий тушунча ва тамойиллар. Тошкент. “Ўзбекистон“, 2000. 2. Махмудов Автомобилларнинг электр ва электрон жихозлари Тошкент Истиқбол 2003 йил 3. Маматов Х. Автомобиллар (Автомобиллар конструкцияси асослари). 1-қисм, Тошкент “Ўзбекистон“, 1995й. 4. С.Қодиров Тико автомобилининг тузилиши ва носозликларини аниқлаш Тошкент. Истиқбол 2003 йил 5. Чижков В. Электрооборудование автомобилей. Москва. “Транспорт“ 1993г. 6. Ютт В. Е. Электрооборудование автомобилей. Москва. “Транспорт“ 1989г. 7. Гуревич.А.М. “Тракторў и автомобили“ Москва. Колос. 1993г.

O'xshashlar

Ўзгарувчан ток генераторлари

Автомобилларининг электр жиҳозлари

Электр жиҳозлар схемалари

Электр жиҳозлар схемалари

Темир йўлларда тортувчи ҳаракат таркиби ҳақида маълумотлар. Локомотивлар ва локомотив хўжалиги