Юк станциялари

Юк станциялари

Yuklangan vaqt:

20.09.2019

Ko'chirishlar soni:

0

Hajmi:

173.5 KB

Ko'chirib olish

Юк станциялари Режа: 1. Юк станцияларини вазифалари ва таснифи – ортувчи, туширувчи, қайта юкловчи ва ҳам ортувчи ва ҳам туширувчи станциялар; 2. Юк станцияларининг умумий ва ноумумий фойдаланиш жойлари; 3. Станцияларда бажариладиган юк ва тижорат операциялари; 4. Станцияларда юк ва тижорат операцияларини бажариш учун техник воситалар.

Юк станцияларини вазифалари ва таснифи Юк ва тижорат операцияларини бажариш учун темир йўл транспортида ортиш – тушириш машиналари ва қурилмалари, идишли – донали, оғир вазинли ва сочилувчан юклар омборлари, контейнер пунктлари, кўтарилган йўллар ва тушириш эстакадалари, саралаш платформалари, тез бузилувчан юкларни ва ҳайвонларни ташишда хизмат кўрсатиш учун қурилмалар, торози хўжалиги, товар идораси ва шу каби юк хўжалиги техник воситалар мавжуд бўлиб, улар асосан юк саройларида ва темир йўл шохобча йўлларида мужассамлаштирилган. Юк саройлари темир йўл станцияларида (қуйида станциялар деб юритилади) жойлашган бўлади, темир йўл шохобча йўллари эса рельсли излар орқали станцияларга туташади. Станция русча стоять сўзидан олинган бўлиб бу жойда, яъний станцияда поездлар ва вагонлар турли операцияларни бажаришда тўхтаб туришини билдиради. Станциялар бажариладиган иш характерига мувофиқ – йўловчи , юк ва бирлашган станцияларга бўлинадилар. Юк станцияларида асосан юк ва тижорат операциялари ва у билан боғлиқ бўлган қатор техник операциялар бажарилади. Бажариладиган операцияларнинг характе- ри бўйича юк станциялари қуйидаги турларга бўлинадилар: ортувчи – асосан юкларни оммавий ортувчи ва кам миқдорда юкларни туширувчи станциялар. Бу станцияларда оммавий ортиш асосан кўмир шахталарининг, маъдан конларининг, минерал қурилиш материаллари карьерларининг, бойитиш фабрикаларининг, тайёрловчи элеваторларнинг ва бошқа корхоналарнинг темир йўл шохобча йўлларида амалга оширилади; туширувчи – юкларни ортишга нисбатан тушириш кўпроқ бўлган станциялар. Бундай станциялар кўпинча йирик саъноат ва маъмурий

марказларда барпо этилиб, бу жойларга ташиб келтириладиган хом-ашё, ёқилғи ва озиқ-овқат маҳсулотлари, олиб чиқиб кетиладиган тайёр маҳсулотларга қараганда анчагина зиёд бўлади. Бу станцияларга электр станцияларнинг, универсал ва махсус база ва омборларнинг, озиқ-овқат, енгил ва қайта ишлаш саноати корхоналарининг темир йўл шохобча йўллари туташган бўладилар. қайта юкловчи – юкларни кенг изли темир йўл вагонларидан тор изли темир йўл вагонларига ва аксинча ҳамда бир транспорт туридан бошқа транспорт турига қайта юкловчи (биридан тушириб иккинчисига ортиш) станциялар. Қайта юклаш станцияларига чегара станциялари, портлардаги станциялар ҳамда кенг ва тор изли темир йўллар туташган пунктлардаги станциялар мансуб бўладилар . ортувчи ва туширувчи – юкларни ортиш ва тушириш миқдорлари тахминан бирдай бўлган станциялар. Йирик темир йўл узелларида станциялар алоҳида турдаги юкларни: кўмирни, ўрмон материалларини, ғаллани, қурилиш материалларини, идиш-ўровли ва донали юкларни, контейнерларни ва ҳ.к. юкларни ортишга, туширишга ёки ортиш – туширишга ихтисослаштирилади. Юк ва тижорат операциялари бажариладиган станцияларни темир йўл амалиётида тариф станциялари (ДС тарифные) ибораси билан ҳам айтилади. Бу станциялар, ўзлари жойлашган худудлардаги корхоналарнинг ва аҳолининг ташишга бўлган эҳтиёжларидан келиб чиққан ҳолда, барча ёки фақат баъзи бир юк ва тижорат операцияларини бажариш учун очиқ бўлишлари мумкин. Масалан, баъзи бир станциялар контейнерларни ва оғир вазнли юкларни жўнатувчилардан ташишга қабул қилиб олишлари ва шу станцияга етиб келган ана шундай юкларни олувчиларга топширишлари мумкин, бошқалари эса темир йўл шохобча

йўлларидан вагонланган жўнатмаларни ташишга қабул қилиб олишлари ва тушириш учун етиб келган вагонланган жўнатмаларни темир йўл шохобча йўлларига топширишлари мумкин, учинчилари эса ўрмон материалларини тушириб, олувчиларга топширишлари мумкин ва ҳ.к. 8. 2. Юк станцияларининг умумий ва ноумумий фойдаланиш жойлари . Уставининг 6-банди станциянинг ортиш – тушириш жойларига бағишланган бўлиб унда, юкларни ортиш ва тушириш темир йўлнинг тасарруфидаги станция омборларида ва майдонларида ( умумий фойдаланиш жойлари ), ҳамда корхона, ташкилот, муассасаларнинг тасарруфидаги рельс ёни омборларида, майдонларида ва бошқа жойларда ( ноумумий фойдаланиш жойлари ) бажарилиши, белгилаб қўйилган. 8.1-расмда умумий ва ноумумий фойдаланиш жойларининг юк станциясига туташиш чизмаси кўрсатилган. Уставнинг 52- бандида эса бу жойларда ортиш – тушириш ишларини бажариш кимларнинг зиммасига юклатилганлиги белгилаб қўйилган. “ Юкларни вагонларга ортишни ва улардан туширишни: а) темир йўли - керакли қурилмалар ва механизмларга эга бўлган умумий фойдаланиш жойларида амалга оширади, хавфли, тез бузилувчан юклар ва юкларни ташиш Қоидаларида кўрсатиб ўтилган бошқа юклар бундан мустасно; б) юк жўнатувчилар ва юк олувчилар – ноумумий фойдаланиш жойларида, ҳамда умумий фойдаланиш жойларида – хавфли ва тез бузилувчан юкларни, ҳом ҳайвон маҳсулотларини, оғир вазинли (бир жойда 0,5 тоннадан зиёд) ва ногабарит юкларни, махсус ҳаракатдаги составда қуйма, сочма ва тўкма ташиладиган юкларни ва юк

жўнатувчиларни ёки юк олувчиларни кузатувчиси назоратида ташиладиган юкларни, амалга оширадилар. Юк жўнатувчилар ёки юк олувчилар билан алоҳида шартнома бўйича, темир йўли ноумумий фойдаланиш жойларида ушбу модданинг “б” пунктида кўрсатилганидан бошқа юклари ортиш-туширишни бажаришни ўзига олиши мумкин. Темир йўлининг кучи ва воситаларида бажарилган юкларни ортиш ва тушириш учун юк жўнатувчилар ва юк олувчилар тузилган шартномага мувофиқ ҳақ тўлашлари шарт (мажбур) ”. Умумий фойдаланиш жойлари асосан темир йўлининг тасарруфидаги станцияларининг юк саройлари бўлиб, уларда юкларни жўнатувчилардан қабул қилиш учун йўллар (автойўлаклар, ортиш- тушириш темир йўллари) ва юк қурилмалари (ёпиқ омборлар, ёпиқ платформалар, очиқ платформалар, очиқ майдонлар ва ҳ.к.), техник ва маъмурий-маиший бинолар, ортиш-тушириш машина-механизмлари ва уларни таъмирлаш ҳамда соз ва шай ҳолатни таъминлаш учун устахоналар мавжуд бўлади. Юк саройлари йирик аҳоли пунктларига хизмат кўрсатувчи юк станцияларида барпо этилади. Бундай йирик аҳоли пунктларидаги саноат, қурилиш ва савдо корхоналари, ташкилотлари ва муассасаларига (қуйида корхоналар деб юритилади), турли-туман юклар темир йўл транспортида ташиб келтирилади ва улардан жўнатилади. Қатор корхоналар иқтисодий нуқтаи назаридан ўз темир йўл шохобча йўлларига эга бўлмаганлиги боис, уларнинг адресларига вагонларда етиб келган хом-ашё, комплектловчи деталлар, асбоб-ускуналар ва озиқ-овқат маҳсулотлари тушириш учун станцияларнинг юк саройларига олиб кириб берилади . Юклар вагонлардан туширилиб, омбор ва очиқ майдонларда вақтинча (юк олувчилар юкларни ташиб кетиш билан боғлиқ бўлган операцияларни

бажаргунларигача ва тегишли хужжатларни расмийлаш-тиргунларигача) сақланиб, сўнгра автотраспортларга ортилиб юк олувчиларнинг омборларига ташиб кетилади . Худди шунингдек ўз темир йўл шохобча йўлига эга бўлмаган юк жўнатувчи корхо-

I-бош йўл; 2-йўловчи поездлар учун йўл; ҚҚЖП-қабул қилиш-жўнатиш парки; СП-саралаш парки; 3-ангар тусидаги ёпиқ омбор; 4-контейнерлар, оғир вазнли ва узун бўйли юклар учун икки консолли чорпояли кран билан жиҳозланган очиқ майдон; 5-бевосита «вагон- автомобиль» варианти бўйича юкларни ортиш-тушириш учун очиқ платформа; 6-хавфли юклар учун ёпиқ омбор; 7-аккумулятор батареяларни зарядлаш жойи ва механизмларни таъмирлаш устахонаси; 8-маъмурий-маиший бино; 9-кириш-чиқиш дарвозаси; 10—кириш-чиқиш назорат пункти; 11-вагон тарози; 12-белги «Темир йўл шахобчаси чегараси»; 13-чиқариб қўйиладиган йўл; 14 ва 15-составни тортиш йўллари; ЛХ-локомотив хўжалиги. 8.1-расм. Юк станциясидаги умумий (юк саройи) ва ноумумий (ТЙШ–темир йўл шахобчаси) фойдаланиш жойлари А Б

налар ишлаб чиқарган маҳсулотларини автортанспортларга ортиб станциянинг юк саройига ташиб келтиради. Юк саройига ташиб келтирилган юклар автотранспортдан омбор ва очиқ майдоналарга туширилади ва вақтинча (юк жўнатувчи тегишли хужжатларни расмийлаштириб, юкларни ташиб келтириш билан боғлиқ бўлган операцияларни бажаргунларигача) сақланиб, сўнгра вагонларга ортилиб, юк саройидан жўнатиш учун станцияга олиб чиқиб кетилади . Ноумумий фойдаланиш жойлари асосан корхоналарга алоҳида хизмат кўсатувчи темир йўл шохобча йўллари бўлиб , бу йўллар умумий темир йўл тармоқлари билан узлуксиз рельсли излар орқали боғланишда бўладилар. Темир йўл шохобча йўлларининг иқтисодий аҳамияти шундан иборатки, улар умумий темир йўл тармоқларини бевосита ишлаб чиқарувчи ва истеъмол жойлари билан боғлаб туради. Темир йўл шохобча йўллари асосан ҳалқ хўжалигининг йирик: ёқилғи-энергетика, минерал хом ашё, минерал қурилиш материаллари, металлургия, металлни қайта ишлаш, кимё, ғалла ва бошқа саъноат корхоналарига хизмат кўрсатиш учун қурилади. Бу йирик саъноат корхоналаридан катта миқдорларда юклар темир йўл транспортида жўнатилади ва аксинча уларга етиб келади ёки ҳам жўнатилади ва ҳам етиб келади. Баъзи бир бундай йирик саъноат корхоналарида жуда катта миқдорларда ишлаб чиқарилган маҳсулотларни умумий фойдаланиш жойлари (станциянинг юк саройи) га автотранспортда ташиб келтириб, вагонларга ортиб жўнатишни ақлга сиғдириб ҳам бўлмайди. Жуда кўплаб йирик саноат корхоналари борки, иқтисодий жиҳатдан улар ўз темир йўл шохобча йўлларига эга бўлишлари мақбул бўлади. Ҳозирда жуда кўп миқдордаги юкларни темир йўл шохобча йўлларида юк жўнатувчилардан темир йўли ташишга қабул қилиб олади ва юк олувчиларга темир йўл темир йўл шохобча йўлларида топширади.

8. 3. Станцияларда бажариладиган юк ва тижорат операциялари . Йирик ҳажмли юк станцияларида қуйидаги: юк операциялари – ортиш, тушириш, қайта юклаш, саралаш, сақлаш, юкларни массасини аниқлаш учун омбор ичида юкларни ташиш ва тижорат операциялари – юкларни ташишга қабул қилиш, тортиш, юкларни топшириш, ташиш ҳужжатларини расмийлаштириш, юк жўнатувчиларни ва юк олувчиларни вагонларни яқинлашишиб келиши, етиб келиши ва ортиш – тушириш жойларига олиб кириб бериш ҳақида хабар бериш, йўқолган ва етиб келмаган юкларни қидириш (қуйида юкларни қидириш деб юритилади), молия ва касса ҳисоботи, ташиш кира ҳақларини аниқлаш, жўнатувчилар ва олувчилар билан ҳисоб – китоб қилиш бажарилади. Бундан ташқари юк станцияларида – ҳаракат графиги бўйича поездларни станцияга қабул қилиш ёки станциядан ўтказиб юбориш, етиб келган поезд составларга ишлов бериш, составларни тарқатиш, юк фронтлари бўйича составларни йиғиш, юк фронтларига вагонларни олиб кириб бериш, вагонларни бир юк фронтидан бошқасига ўрнини алмаштириш, юк фронтларидан вагонларни олиб чиқиш, йўналишлар бўйича составларни йиғиш, составларни шакиллаш, жўнатиладиган поезд составларигаа ишлов бериш, станциядан пездларни жўнатиш каби техник операциялари ҳам бажарилади. Айрим ҳолатларда юк станцияларида вагонлар дезинфекация қилинади ва ювилади ҳамда бошқа операциялар бажарилади. Юк ва тижорат ҳамда техник операцияларни бажаришда поездларни ҳаракат хавфсизлиги ва ташишга қабул қилиб олинган юкларни, ҳаракатдаги составларни ва контейнерларни асраш таъминланиши керак. Юк станцияларида юк ва тижорат операцияларни ташкил этишнинг асосий талабларига ва юк станцияларини очиш ёки ёпиш тартибига Уставнинг 8-банди бағишланган бўлиб унда:

- ташиш ҳужжатларини расмийлаштириш ва ташиш ҳақларини ундириш учун темир йўл станцияларида товар идораси ёки кассалари , багаж ва билет кассалари ташкил этилиши. - товар идораси ва кассаларида юк, багаж ва юк багажларни қабул қилиш ва топширишнинг ҳамда сафар ҳужжатлари (билетлар) сотишнинг асосий қоидалари осиб қўйилиши кераклиги; - темир йўл станцияларида заруриятли ҳолларда справкалар бюроси ташкил этилиши; - товар идораси ёки кассаси, юк саройи (райони), контейнер терминали, омборлар ва ҳ.к.лар иш вақтини юк жўнатувчиларга, юк олувчиларга ва йўловчиларга энг яхши хизмат кўрсатиш ҳамда вагонлардан, контейнерлардан энг самарали фойдаланишни инобатга олган ҳолда тегишли темир йўл бўлинмаси бошлиғи белгилаши; - барча ёки баъзи бир юк ва тижорат операцияларни бажариш учун темир йўл станцияларини очиш ёки ёпишни темир йўли белгиланган тартибда амалга ошириши , кўрсатиб ўтилган. Юк ва тижорат операцияларни бажариш учун станцияларини очиш ёки ёпишни темир йўл транспортида ташиш қоидалари ва тарифлар Тўпламида нашр этилади ва темир йўл транспорти бўйича Кенашга кирувчи ҳамдўстлик давлатлари қатнашчилари, Латвия Республикаси, Литва Республикаси, Эстония Республикаси темир йўл маъмуриятларининг юк ва тижорат операциялари бажарувчи барча станцияларига расмий равишда маълум қилинади. Станциянинг атроф район корхоналари ва аҳолисининг ташишга бўлган талаблари ҳамда ундаги тегишли техник қурилмаларнинг мавжудлигига мувофиқ станциялар ҳамма ёки баъзи бир турдаги юк ва тижорат операцияларини бажариш учун очиқ бўлиши мумкин. Масалан, бир станция ташишга фақат очиқ майдонларда сақлаш мумкин бўлган

вагонланган жўнатмаларни қабул қилиши ва топшири мумкин, бошқаси эса фақат темир йўл шохобчаларида ва ноумумий фойдаланиш жойларида вагонланган ва бир бутун вагонга ортиладиган майда жўнатмаларни қабул қилиши ва топшириши мумкин. Станцияларни рўйхати ва уларда ташиш билан боғлиқ бўлган юк ва тижорат операцияларнинг турларини бажариш № 4 Тариф қўлланмасининг 2-китоби, I- бўлимини “ Темир йўл станцияларининг алфавит рўйхати ” да эълон қилинади. 8.1-жадвалда № 4 Тариф қўлланмасининг 2-китобини “Темир йўл станцияларининг алфавит рўйхати” дан 7 та ажратиш пунктларининг алфавит рўйхати намуна сифатида кўрсатилган (Тариф қўлланмаси расмий нашр бўлганлиги боис ундан олинган маълумотлар ўзбек тилига таржима қилинмади). 8.1-жадвал АЛФАВИТНЫЙ СПИСОК раздельных пунктов (станций, разъездов, постов, блокпостов и обгонных пунктов) Наименование пунктаДорога С траница С трока Транзитные пункты и расстояния до них Код 1 2 3 4 5 6 Абамеликово П § 3 Од 43 8 31 Слободка - 12, Рудница - 42 40800 6 Абаша Б § 3 Грз 04 6 60 Сенаки - 14, Самтредиа - 14 57170 6 Абганерово Б § 1, 3 Прив 28 2 40 Волгоград II - 83, Куберле - 211 61240 8

Абдулино П § 1, 3, 4, 5 Кбш 18 4 4 Кинель - 233, Чишмы - 202 65990 2 Абинская П § 1, 4 С- Кав 33 2 4 Краснодар I - 74, Крымская - 12 52350 5 Аблык О § 3 Узбк 39 4 4 Ташкент-Товарный - 115, Хаваст - 252 72270 1 ......... ...... ... ... ......... .... Гулистан П § 1, 3, 4 Узбк 39 1 13 Ташкент-Товарный - 1 2 5, Хаваст - 34 72500 4 Алфавит рўйхатнинг 1-графасида ажратиш пунктнинг номи ва унда бажариладиган юк ва тижорат операцияларини шартли белгиси (П, Б, О, § 1, § 2, § 3, § 4, § 5, § 6, § 7, § 8, § 8н, § 9, § 10, § 10н, Х), 2-графасида темир йўлларнинг қисқартирилган номи, 3- ва 4-графаларда № 4 Тариф қўлланмасининг 1-китобини қайси бетида мазкур ажратиш пункти ҳақидаги ахборот мавжудлиги, 5-графасида ҳар бир ажратиш пунктидан уларга энг яқин бўлган транзит пунктининг номи ва 6-графасида ажратиш пункти идентификациялаш учун қабул қилинган олти рақамли коди кўрсатилган. Шартли белгиларнинг мазмуни № 4 Тариф қўлланмасининг 2- китобини, I- бўлими Умумий ҳолатларда келтирилган (8.2-жадвал). Станциянинг товар идорасида юкларни ташишга қабул қилишни расмийлаштиришда № 4 Тариф қўлланмасининг 2-китоби, I- бўлими “ Ажратиш пункларининг алфавит рўйхатидан ” тайинланган станциянинг номи қидриб топилади ва шартли белгилар бўйича тайинланган станция мазкур турдаги жўнатмалар билан юк ва тижорат операцияларини бажариш учун очиқлиги текшириб кўрилади. 8. 2 -жадвал Условные обозначения коммерческих ( грузовых и пассажирских)

операции производимых на раздельных пунктах Условные обозначения Производимые коммерческие операции П Продажа билетов на все пассажирские поезда. Прием и выдача багажа Б Продажа билетов на все пассажирские поезда. Прием и выдача багажа не производятся О Посадка и высадка пассажиров на (из) поезда пригородного и местного сообщения. Прием и выдача багажа не производятся § 1 Прием и выдача повагонных отправок грузов, допускаемых к хранению на открытых площадках станций § 2 Прием и выдача мелких отправок грузов, требующих хранения в крытых складах станций § 3 Прием и выдача грузов повагонными и мелкими отправками, загружаемых целыми вагонами, только на подъездных путях и местах необщего пользования § 4 Прием и выдача повагонных отправок грузов, требующих хранения в крытых складах станций § 5 Прием и выдача грузов в универсальных контейнерах массой брутто 3,3 (5) и 5,5 (6) т на станциях § 6 Прием и выдача грузов в универсальных контейнерах массой брутто 3,3 (5) и 5,5 (6) т на подъездных путях § 7 Запрещаются прием и выдача легковоспламеняющихся грузов на станциях § 8 Прием и выдача грузов в универсальных контейнерах массой брутто 20 и 24 т на станциях § 8н Прием и выдача грузов в универсальных контейнерах массой брутто 20 и 24 т на подъездных путях § 9 Прием и выдача мелких отправок грузов, допускаемых к

хранению на открытых площадках станций § 10 Прием и выдача грузов в универсальных контейнерах массой брутто 24 (30) и 30 т на станциях § 10н Прием и выдача грузов в универсальных контейнерах массой брутто 24 (30) и 30 т на подъездных путях Х Грузовые и пассажирские операции не производятся 8.1-мисол. Гулистан станциясида бажариладиган тижорат операцияларини турлари аниқлансин: № 4 Тариф қўлланмасининг 2-китоби, I- бўлимини “Темир йўл станцияларининг алфавит рўйхати” дан Гулистан станциясини номини қидириб топамиз. Станция Гулистан П § 1, 3, 4 Демак Гулистан станциясида қуйидаги тижорат операциялари бажарилади: П – Продажа билетов на все пассажирские поезда. Прием и выдача багажа (барча йўловчи поездларга билетлар сотиш. Багажларни қабул қилиш ва топшириш); §1 – Прием и выдача повагонных отправок грузов, допускаемых к хранению на открытых площадках станций (станциянинг очиқ майдонларида сақлашга ижозат этилган вагонланган жўнатмаларни қабул қилиш ва топшириш); §3 – Прием и выдача грузов повагонными и мелкими отправками, загружаемых целыми вагонами, только на подъездных путях и местах необщего пользования (фақат темир йўл шохобчаларида ва ноумумий фойдаланиш жойлрида вагонланган ва бир бутун вагонга ортиладиган майда жўнат-маларни қабул қилиш ва топшириш);

§4 – Прием и выдача повагонных отправок грузов, требующих хранения в крытых складах станций (станциянинг ёпиқ омборларида сақлашни талаб этувчи вагон-ланган жўнатмаларни қабул қилиш ва топшириш). Худди шунингдек умумий фойдаланиш жойларида тушириш бўйича станцияларни ишлаши белгиланган ихтисослаштирилишига мувофиқ темир йўл узелидаги станцияларга вагонланган жўнатмани адреслашни тўғрилигини ҳам текшириш керак. № 4 Тариф қўлланмасининг 2-китобининг Умумий ҳолатларида узелларга киритилган станцияларни рўйхати келтирилган. 8. 4. Станцияларда юк ва тижорат операцияларини бажариш учун техник воситалар. Юк станцияларининг техник воситалари юк ва тижорат ва у билан боғлиқ бўлган техник операцияларини норматив ҳужжатларда белгиланган тартибларда ва технологик жараёнларда назарда тутилган муддатларда тез ва соз бажаришни ҳамда поездларни ҳаракат хавфсизлигини ва ташишга қабул қилинган юкларни, ҳаракатдаги составларни ва контейнерларни асрашни таъминлаши керак. Юк станцияларининг техник воситалар билан жиҳозланиши уларнинг вазифаси, иш ҳажми, маҳаллий вагон оқимларининг етиб келиши ва жўнашининг тури ва характери ҳамда уларнинг юк пунктлари, шу жумладан умумий ва ноумумий фойдаланиш жойлари бўйича тақсимла-ниши, саноат корхоналари, базалар, қайта юклаш пунктлари темир йўл шохобча йўлларининг туташиши ва уларнинг техник жиҳозланиши билан аниқланади. Юк ва тижорат операцияларини бажариш учун мўлжалланган станцияларда (8.1-расмга қаралсин) қабул қилиш – жўнатиш парки (ҚҚЖП),

саралаш парки (СП), составни тотриш (14- ва 15-) йўллари ва чиқариб қўйиладиган (13-) йўллар ҳамда ортиш – тушириш иншоотлари ва қурилмалари, ёпиқ омборлар (3) ва очиқ платформалар (5), контейнер майдони (4), оғир вазинли ва бошқа юклар учун майдонлар, сочилувчан юкларни тушириш учун эстакадалар ва кўтарилган йўллар, вагонлардан автотранспортларга бевосита ёки омбор орқали қайта юклаш қурилмалари, ғилдиракли техникаларни ва бошқа юкларни тушириш учун платформалар ва майдонлар назарда тутилиши керак. Юк қурилмалари ва йўллар бир жинсли юкларни қайта ишлаш учун ихтисослаштирилган майдонлар билан биргаликда бир юк районида концентрация қилинади. Баъзида станция худудида айрим турдаги юкларни қайта ишлаш учун бир нечта ихтисослаштирилган юк районлари қурилади. Поезд ҳужжатларини расмийлаштириш ва ишлаш, поездлар, вагонлар ва юкларни яқинлашишиб келиши ҳақида ҳар томонлама информацияларни тўплаш, юк станцияси ишини оператив режалаш учун маълумотларни тайёрлаш поезд ахборотларини ва ташиш хуж-жатларини ишлаш бўйича станция технологик марказида (станционный технологический центр по обработки поездной информации и перевозочных документов, қуйида СТЦ деб юритилади) амалга оширилади. Юк станцияларида автоматика, телемеханика ва алоқа, ёритиш ва сув таъминоти қурилмалари, баъзида эса маневр локомотивларини экипировка қилиш учун қурилмалар, вагонларни ортишга тайёрлаш пунктлари, вагонларни тозалаш ва ювиш учун йўллар, тозалаш иншоотлари ва бошқалар мавжуд бўлади. Булардан ташқари юк станцияларида ортиш – тушириш машиналарига хизмат кўрсатиш ва таъмирлаш учун пунктлар, маъмурий – маиший ва техник хизмат биноси, вагон тарозиси ва бошқа қурилма ва иншоотлар назарда турилади. Очиқ ҳаракатдаги состав (платформа, ярим очиқ вагон) ларга ортилган юкларни габаритлигини текшириш учун ортиш йўлининг чиқаверишида габарит дорвозаси ўрнатилади. Дорвозани ичида энсиз тахтача (планка) лар

осилаган бўлиб юклаш габаритининг қиёфаси чегараси контурни яратиб туради. Юклаш габарити қиёфаси чегарасини ташқарисига чиқадиган ногабарит юклар алоҳида (махсус) сафар тартибларига риоя қилиб ташилади. Юкларнинг ногабаритлиги ҳақида юклаш габаритини назорат қилувчи электрон тизим сигнал беради. Сигнал берувчи элекртон тизимда, барча шароитларда юқори ишончлиликни таъминловчи, лазерли ва инфрақизил датчиклардан фойдаланилган. Бундан ташқари ЭҲМ га электрон габарит довозасидан кириб келаётган сигналларни ундаги махсус дастур, юк ортилган ҳаракатдаги состав конструкция қисмларини ҳаракат пайтидаги чайқалишлардан рўй берадиган габаритдан тасодифий ташқарига чиқишини, аниқ ажратади. Ногабарит юкларни ва ногабаритлик даражасини аниқлашни ЭҲМ амалда инсон иштирокисиз бажаради. Станцияга кириб келаётган поезд составидаги юкли ва бўш вагонларни ҳолатини (вагон ва контейнер томининг бутунлигини, ёпиқ вагонларни устки юклаш туйнуклари қопқоқларининг ҳолатини, очиқ ҳаракатдаги составларга ортилган юкларнинг маҳкамлаш воситаларининг созлигини, ярим очиқ вагонларни кузовлари ички сиртлари ва қисмларини ва шунга ўхшаш тижорий ҳолатларни) кўрикдан ўтказиш учун станция бўғизида прожекторли ёритиш қурилмаси билан жиҳозланган кузатиш минораси ва нуқсонли вагонларни ёки юк қолдиқлари мавжуд вагонларни аниқлаб олиш учун махсус қурилма ўрнатилади. Бу мақсадлар учун, 40 км/соат тезликдаги объектдан қисқа масофада аниқ тасвирга олишни имкониятини берувчи такомиллаштирилган конструкциядаги теливизион камерали саноат телевидениясидан фойдаланиш мумкин. Юк станцияларида технологик жараёнларни бошқариш учун телефон алоқасидан, поезд ва маневр радио алоқасидан, телеграф алоқасидан, паркларга ўрнатилган радиокарнайдан, диспетчерлик танлама алоқасидан, тарқатиладиган ва шакилланадиган поездларнинг ҳужжат пакетларини етказиб берувчи пневматик почтадан кенг фойдаланилади.

Стрелкаларни ва сигналларни бошқариш, поезд ва маневр маршрутларини тайёрлаш учун маршрутли – релейли марказлаштиришдан (маршрутно – релейной централизации, қуйида МРЦ деб юритилади) фойдаланилади. Хозирда МРЦ янги электрон элементлар базасидан фойдаланиш ҳисобига такомиллаштирилмоқда ва АСУГС (автоматизированная система управления грузовой станцией – юк станцияларини бошқаришнинг автоматлаштирилган тизими) билан мувофиқлаштирилмоқда. АСУГС ни ишлаб чиқаришда қўллаш сабабли станциянинг асосий бошқариш хизматчилари автоматлаштирилган иш жойи (автоматизированного рабочего место, қуйида АРМ деб юритилади) воситаларига эга бўладилар. Юк станциясида турар жой бинолари ва тўкилувчан, чангланувчан, кимёвий ва бошқа юклар сақлаш омборлари ўртасида санитар – ҳимоя зонаси мавжуд бўлиши керак.

O'xshashlar

Юк станциялари

Юк ва тижорат ишларини бошқариш асослари

Юк ва тижорат ишларини бошқариш асослар1

Юк ва тижорат ишларини бошқариш асослари

Юк ва тижорат ишларини бошқариш асослар1