Тариқ ва маржумак етиштириш технологияси - Qishloq va o'rmon xo'jaligi - Referatlar

Тариқ ва маржумак етиштириш технологияси

Yuklangan vaqt:

20.09.2019

Ko'chirishlar soni:

0

Hajmi:

34 KB

Ko'chirib olish

Тариқ ва маржумак етиштириш технологияси Режа: 1.Тариқ етиштириш технологияси 2.Маржумак етиштириш технологияси

1.Тариқ ўтмишдошга талабчан ўсимлик, чунки ўсув даврини бошланишида жуда секин ўсади ва фузариозом ҳамда гельминтоспориозом зарарланиши мумкин.Тариқ учун яхши ўтмишдош бўлиб бурчоқ, нўхат, кўк нўхат, беда, жўхори ва полиз экинлари ҳисобланади.Ўзбекистонда такрорий экин сифатида экилганда кузги дон экинларидан Ўтмишдош экинннинг ҳосили йиғилгандан кейин дала суғорилади, хайдалади.Баҳорда борона қилинади, экишдан олдин култивация ўтказилади, бунда бегона ўтлардан дала тозаланади, кейин мола юргизилади. Тариқ 1 ц. дон етиштириш учун 3 кг азот, 1,4 кг фосфор ва 3,4 кг калий сарфлайди.Майсаланиш-тупланиш даврларида тариқ 7-15% унсурларни ўзлаштиради.Тупланиш-гуллаш даврларида 65% ва гуллаш-пишиш даврларида 20% унсурларни ўзлаштиради.Шу хусусиятларини ҳисобга олиб ер хайдашгача 30 кг фосфор ва 30 кг калий солинади.Экиш билан бирга 15 кг NPK тупроқга солинади.Тупланиш-гуллаш даврларида 30-50 кг азот ва 20-30 кг фосфор солинади. Экиш учун ГОСТ талабига жавоб берадиган уруғлар ажратиб олинади.Уруғ куяга қарши ишланади.Уруғнинг унувчанлиги 95% ва тозалиги 99% бўлиши керак. Тупроқ 10 см чуқурликда 12-15°С исиганда экиш мумкин.Такрорий экин сифатида июн-июл ойларида экилади. Унумдор тоза тупроқларга оддий қаторлаб, сув кам, унумдорлиги паст тупроқларда кенг қаторлаб, қатор ораси 45-60 см, ўсимли ораси. Кенг қаторлаб экилганда гектарга 1,5-2,0 млн., оддий қаторлаб экилганда 2-4 млн. дона уруғ 3-5 см чуқурликга экилади. Кенгқаторлаб экилганда қатор ораси 2-3 маротаба ишланади, оддий қаторлаб экилганда қатқалоқга қарши борона қилинади.Тупланиш ва най ўраш даврида суғорилади.Суғориш меъёри 600-800м 3 . Пишиш рўвакнинг юқорги қисмидан бошланади.Бир рўвак 10 кунда пишади. Рўвакда 75% дони етилганда ҳосилни йиғиш мумкин.Кеч ҳосил йиғилса дони тўкилади.

2.Маржумак кузги дон экинлари, дон-дуккакли, техник экинлар, шоли, соя, мошдан бўшаган ерларга экилади.Маржумакдан кейин донли, мойли экинлар ва картошкани экиш мумкин. Маржумак баҳорда ва ёзнинг охирида анғизга экилади. Ўтмишдош экиннинг ҳосили йиғилгандан кейин далада чизел юргизилади, кейин хайдалади, баҳорда борона юргизилади.Такрорий экин сифатида экилганда, аввал суғорилади, кейин ер хайдалади, чизел юргизилади, борона юргизилади ва талаб қилинса мола босилади. Бир центнер дон етиштириш учун 4,4 кг азот, 2,5 кг фосфор, 7,5 кг калий сарфланади.Гуллаш давригача 61 % азот, 62% фосфор, 40% калий сарфланади. Ўзбекистонда бу масала яхши ўрганилмаган. Ўртача 10 т.органик ўғит, 100-150 кг азот ва фософр ва 50-70 кг калий солинади.Бу меъёр ер хайдаганда, экишдан олдин ва ўсув даврида қўлланилади. Уруғлик сифатида меваси- ёнғоқчалар экилади.Ёнғоқчалар сараланади, тозаланади ва касалликларга қарши ишланади. Экиш муддатини шундай қилиб танлаш керакки, гуллаш даврида харорат 25°Сдан ошмаслиги керак.ТашДАУ тажриба хўжалигида 10 августда экилганда 17 ц. дон олинган.(Атабаева). Маржумак кенг қаторлаб ва оддий ёппасига қаторлаб экилади.Гектарига 45-100 кг уруғ экилади ёки 2-5 млн. дона уруғ экилади.Экилгандан кейин қатқалоқ ҳосил бўлса борона юргизилади.Гуллаш даврида 1-2 маротаба култивация ўтказилади. Гуллар яхши чангланиши учун далага асал ари уйлари қўйилади.Дон ҳосили 5-8 ц.га ошади. Ўсув даврида экин 3-4 маротаба суғорилади, суғориш меъёри 700м 3 . Меваларнинг 75% етилганда ҳосил дон комбайнлари билан йиғилади.

Адабиёт : 1.Х.Атабаева-Ўсимликшунослик-Т.Мехнат,2000,275с. 2.Х.Атабаева,М.Талипов- Опўт возделўвания гречихи в Ташкентской области -Ж.С-х.Узбекистана, 1995, 5, с.24.

O'xshashlar

Маккажўхорини етиштириш технологияси

Жўхорини етиштириш технологияси

Буғдой етиштириш технологияси

Маккажўхорини етиштириш технологияси

Шолини етиштириш технологияси