AБУ НАСР ФАРОБИЙНИНГ ПСИХОЛОГИК ҚАРАШЛАРИ - Psixologiya - Referatlar

AБУ НАСР ФАРОБИЙНИНГ ПСИХОЛОГИК ҚАРАШЛАРИ

Yuklangan vaqt:

20.09.2019

Ko'chirishlar soni:

0

Hajmi:

124 KB

Ko'chirib olish

A БУ НАСР ФАРОБИЙНИНГ ПСИХОЛОГИК Қ АРАШЛАРИ Режа 1 . Фаробий инсон ва инсоннинг руҳий жараёнлари тўғрисидаги 2. Тафаккур ва нутқ ҳақида 3. Тафаккурнинг ўзига хос хусусиятлари ҳақида 4. Фаробийнинг “Фозил кишилар шаҳри” асаридаги психологик ғоялар.

АДАБИЁТЛАР 1 . М.Хайруллаев Фаробий руҳий процесслар ва таълим тарбия тўғрисида 2. Хошимов К ва б. Педагогика тарихи 3. Ўзбек и стон Миллий энциклопедияси 9-китоб

Фаробийнинг руҳий жараёнлар ҳақидаги таълимоти, яъни психология илмининг ривожланишига қўшган ҳиссалари унинг фалсафий таълимоти билан узвий боғланган. Фаробий таълимотича, тўрт элемент олов, тупроқ, сув, ҳаво яъни содда субстанцияларнинг ўзаро аралашуви, қўшилуви жараёнида мураккаб субстанциялар вужудга келади. Мураккаб субстанцияларнинг шаклланиши ҳам ўзининг маълум тартибига, қонуниятига эгадир. Содда субстанциянинг бирлашувидан аввло минераллар, яъни неорганик жисмлар вужудга келади, сўнг эса ўсимлик олами ташкил топади. Ўсимликлар олами минераллардан фарқ қилиб, ўсиш, улғайиш қобилиятига эгадир. Ўсимликлардан сўнг ҳайвонлар вужудга келади. Ҳаёвонлар ҳаракат қилиш, бир жойдан иккинчи жойга ўтиш, кўпайиш ва сезиш қобилиятига эга. Олам жисмлари ривожланишининг олий босқичи инсоннинг вужудга келишидир. Инсон барча бошқа жисмлар эга бўлган хислатларга эгадир, лекин у бошқа жисмларда бўлмаган қобилият ва кучга, яъни ақл ва сўзлаш қобилиятига эгаки, бу куч уни табиатнинг бошқа жисмларидан ажратиб туради ва унга табиат устидан ҳоким бўлиш имкониятини беради. Фаробий ўсимлик, ҳайвон ва инсонга оид бўлган хусусият ва қобилиятларни бир бутун ҳолда қувват деб атаб, уни ўсиш қуввати, ҳайвоний қувват ва инсоний қувват деб учга ажратади. Ҳозирги илмий терминалогия бўйича, Фаробийнинг қувватлар ҳақидаги классификациясини организмдаги жараёнларни биологик, физиологик-психик ва фикрлаш жараёнларига ажратиш деб тушуниш лозим. Билогик жараён барча тирик организмга, физиологик-психик жараён- ҳайвонларга, ақлий интеллектуал жараён, онг –фақат инсонларгагина хосдир. Фаробийнинг инсон ва инсоннинг руҳий жараёнлари тўғрисидаги фикрлари унинг дунёқараши системасида диққатга сазовор бўлган прогрессив фикрлардандир. У инсондаги руҳий жараёнларни санаб ўтиш билангина чегараланмай, балки бу жараёнларнинг келиб чиқиши, тартиби, ҳар бирининг роли тўғрисида ҳам мулохаза юритди, инсон руҳий қувватлари- психик жараёнлари унинг асарларида анчагина кенг ёритилади. Фаробийнинг инсон ва унинг психикаси ҳақидаги фикрлари “Фозил одамлар шаҳри” , “Масалалар моҳияти”, “Фалсафий саволлар ва уларга жавоблар”, “Жисм ва акциденцияларнинг шаклларга қараб бўлиниши”, “Шарҳлардан”, “Ҳикмат маънолари”, “Ақл маънолари тўғрисида” каби қатор асарларида баён этилган. Фаробий ўзининг психологик таълимотида Ўрта Осиё, Эрон, Ҳиндистон ва Қадимги Грециянинг табиий-илмий билимлар соҳасида, хусусан медицина соҳасида эришган ютуқларига асосланади. Фаробий одам организмини биологик жиҳатдан таҳлил қилиш билан кифояланмай, унинг психикасини таҳлил этишга ҳам ўз асарларида кўп эътибор берди. Фаробий инсоннинг психик жиҳатидан бошқа ҳайвонлардан тубдан фарқ қилишини, асосан, тўғри тушуниб етди. Бу жиҳатдан унинг “ Жисмлар ва акциденцияларнинг бошланғичлар ҳақида ” номли рисоласида баён қилинган қуйидаги фикрлари характерлидир:

“Одамзод бошланғичдан бўлмиш қувватлар,- масалан, сўзлаш қуввати, танлаб олиш, ҳаёл қуввати, сезиш қувватларидир. Булардан сўзлаш қуввати, шундай қувватки, унинг ёрдамида инсон билим ва ҳунар эгаллайди, унинг ёрдамида хулқ-атвордаги хунук ва гўзал ҳаракатларни ажрата билади, унинг ёрдамида бажарилиши зарур бўлган ва бўлмаган ишларни адо этади, шу билан бирга, зарарли ёки фойдали нарсани, лаззатли ва аччиқ нарсаларни фаҳмлайди... Танлаб олиш хосиятига келсак, бунинг ёрдамида инсон бирор нарсани истайди ёки ундан қочади, унга берилади ёки ундан жирканади, ундан таъсирланади ёки тортинади. Бунинг натижасида нафрат ва мухаббат, дўстлик ва душманлик, қўрқинч ва қўрқмаслик, ғазаб ва розилик, шаҳват ва миннатдорчилик каби ҳис-туйғуга оид ҳолатлар пайдо бўлади. Ҳаёл этиш хосияти эса – ҳис этилган, сезилган нарсалар кўздан йўқолгандан сўнг, унинг шакли ва образини хотирада сақлаб қолишдир. Уйқу ёки уйғоқлик пайтларида бу образларнинг қўшилиб кетиши ёки бўлиниб, ажаралиб кетиши натижасида уларнинг баъзилари чин ва баъзилари ёлғон бўлади. Ҳис этиш (сезиш маъносида) хусусиятининг фаолияти маълум – бу беш турлидир (яъни кўриш, эшитиш, ҳид сезиш, таъм – маза билиш ва тери сезгиси). Таъм билиш сезгиси билан инсон ширин ва аччиқни бир-биридан ажратади, аммо гўзаллик билан хунукни, зарар билан фойдани ажрата олмайди. Фаробий ўз дунёқарашида нарса, ҳодисларни билиш, инсон ақлини билим билан бойитиш, уни илмли, маърифатли қилиш учун хизмат қилувчи психик жараёнларга алоҳида эътибор беради. Инсоннинг билиш жараёнлари ҳақидаги таълимот Фаробий асарларида анчагина изчил ва мукаммал ишланган таълимотлардан ҳисобланади. У инсондаги билишнинг барча босқич ва даражалари ваш у вазифа учун хизмат қилувчи барча руҳий жараёнларга алоҳида-алоҳида тўхтаб ўтади. Унинг асарларида билишнинг икки босқичи – ҳиссий били шва ақЛий билиш ҳақидаги жуда асосли ифодаланган фикрлардан ташқарии ҳиссий билининг даражалари, келиб чиқиши, маълум эволюцияси ҳақида ажойиб фаразлар ҳам учрайди. Ўз «Шарҳлар»ида Фаробий билиш жараёнларига ва инсон билимларининг келиб чиқишига умумий баҳо бериб, бундай дейди: «Инсон билимларини ақл ва сезиш органлари орқали қўлга киритади... сезилувчи образлар ҳис этиш орқали, ақлий образлар эса сезилувчи образлар орқали билинади...». Фаробий асарларида ҳиссий билиш учун хизмат қилувчи руҳий жараёнлар ва ақлий билиш учун хизмат қилувчи руҳий жараёнларга ҳам алоҳида-алоҳида тавсиф берилади. «Фозил одамлар шаҳри» ва «Ҳикмат асослари» асарларида бу ҳақдаги фикр ва фаразлар диққатга сазовордир. «Ҳикмат асослари»да бу тўғрида бундай дейилади: «Инсонда, унинг бошланғич вужудга келишида (яъни туғилишида) озиқлантирувчи қувват пайдо бўлиб, унинг ёрдамида инсон овқатланади. Бундан сўнг унда тери орқали сезиш қуввти вужудга келиб, бу қувват ёрдамида инсон иссиқ, совуқ кабиларни сезади. Сўнг эса шундай қувват вужудга келадики, унинг ёрдамида таъм-маза сезилади. Сўнг ҳидни сезишни таъминловчи қувват пайдо

бўлади, ундан кейин эса шундвй қувват вужудга келадики, у орқали ранг, ёруғлик ва барча кўринувчи нарсалар сезилади. Ҳиссий қувватларнинг келиб чиқиши билан инсонда яна шундай қувват ҳам вужудга келадики, у инсонни сезилаётган нарсага ёки диққатини тортади, ёки ундан узоқлаштиради ва шу сабабли инсонда сезилувчи нарсаларга мойил ёки нафрат уйғонади. Бундан сўнг шундай қувват пайдо бўладики, унинг ёрдамида инсонолдин сезилган ва ҳозирда инсон эътиборидан ташқарида бўлган нарсаларнинг образини сақлаб қолади. Бу ҳаёл қувати бўлиб, ҳиссий қабул этилган образларни турли тартибда комбинация қилиш (қўшиш, бириктириш, ажратиш) функциясини бажаради. Бу комбинацияларнинг бир қисми чин, бир қисми эса ёлғон бўлади Бундан кейин инсонда ақлий қувват вужудга келиб, унинг ёрдамида онгли ва абстракт фикр юритади, санъат ва фан ҳақида билимга эга бўлади, ақли етадиган нарсалар билан шуғулланди». Унинг таъкидлашича, ташқи сезгилар нарсаларнинг конкрет хоссалари, образларини бевосита акс эттиради-ю, аммо уни бир бутун ҳолда маъноси, моҳияти билан билиб ололмайди. Бу вазифани фикр қилиш ба жаради. Хуллас, Фаробийда ақлий жараённинг хусусиятларини аниқлашга бўлган интилиш жуда кучлидир. Бу ҳақида қуйида яна тўхтаб ўтамиз. «Масалалар манбаи» (Уснул масоил) рисоласида Фаробий психик жараёнларнинг ажралиши ва уларнинг маълум физиологик органлар, моддий жараёнлар боғлиқлиги тўғрисида жуда ажойиб фикрларни якунловчи тезисни олға суради: «Қабул қилувчи қувватларга, — деб ёзади у, — таиқи қувватлар (яъни беш сезги ) ва ички хислар, хусусан, ҳаёл қуввати, хотира ва эсга тушириш қуввати, фикрлаш қуввати ва одам танасининг қисмларини ҳаракатга келтирувчи, қўрқинч ва ғазабни вужудга келтирадиган қувватлар киради. Бу санаб ўтилган қувватларнинг ҳар бири маълум орган ёрдамида вужудга келади, ҳеч қачон аксинча бўлмайди. Бу қувватларнинг бирортаси ҳам моддадан ажралган ҳолда мавжуд бўлиши мумкин эмас». Фаробийнинг руҳий жараёнларлар тўғрисида юқорида келтирилган фикрлари асосида қуйидаги хулосаларга келиш мумкин. Фаробий ҳозирги психология илми томонидан ўрганиладиган ва инсонда мавжуд бўлган деярли барча руҳий жараёнлар тўғрисида ўз замонаси учун анчагина мукаммал тасаввурга эга бўлган ва уларни асосан турини талқин этган. Психика умуман анчагина ривожланган ҳайвонот оламига ва инсонга хосдир, ўсимлик ва анорганик табиатда психик жараёнлар йўқ. Ҳайвон ва инсон психикаси маълум жиҳатдан умумийликка эга бўлса-да, уларни кескин фарқ қилдириб турувчи маълум хусусиятлар, қувватлар, жараёнлар мавжуд. Фаробий, аввало, барча психик жараёнларни ташқи ва ички қувватлар, яъни одамнинг таиқи органлари би лан боғлиқ бўлган ва улар асосида вужудга келадиган ҳамда шу ташқи органларга бевосита боғлиқ бўлмаган, ташқаридан олинган образлар асосида ички психик жараёнларлар натижасида вужудга келадиган қувватлар деб икки катта гуруҳга ажратади. Ташқи қувватда, яъни бевосита ташқи таъсир нати жасида сезги органлари орқали вужудга келувчи қувватлар беш турлидир. Келиб чиқиши ва мураккаблиги жиҳатидан бу беш турли ташқи ҳувватни Фаробий қуйидагича талқин этади:

1. Тери-бадан сезгиси. 2. Таъм билиш сезгиси. 3. Ҳид билиш сезгиси. 4. Нутқ сезгиси. 5. Кўриш сезгиси. Буларнинг ҳаммасини Фаробий «Қувваи ҳиссия», яъни «ҳиссиёт қуввати» деб атайди ва унинг инсонга ҳам, юқори даражадаги ҳайвонга ҳам хос эканлигини қайд қилади. Бу ташқи қувватлардан бошқа яна ички қувватлар ҳам мавжуд бўлиб, улар қуйидагилардир: 1. Хотира - тасаввур қуввати «қувваи мутахайнила». 2. Ҳаёл қуввати - «қувваи ҳаёлия». 3. Туйғу, эмоция қуввати - «қувваи назъия». 4. Нутқ қуввати -«қувваи нотиса». 5. Кувваи нотиса ичидада мантииқий фикрлаш қув вати —«Қувваи фикрийя». Фаробийнинг таъкидлашича, «Қувваи фикрия: мантииқий операцияларни бажариб, мураккаб нарсаларни билиб олиш учун хизмат қилади («Фозил одмалар шаҳри»). Булардан ташқари, Фаробийда диққат, ҳис-туйғу, ирода каби руҳий жараёнларлар ҳақида ҳам айрим ажойиб фикрлар учрайди, масалан, юқорида келтирилган цитаталарда ҳам Фаробий одам эътиборини бирор нарсага жалб этадиган ёки жалб этмайдиган хамда кишининг ғазаб ва нафратини, яъни ҳис- туйғусини бошқарувчи қувватлар мавжуд эканлигини айтиб ўтади. Фаробийнинг таъкидлашича, ҳайвонда, ташқи беш сезгидан ташқари, хотира ва тасаввур қуввати учраши мумкин. «Ҳикмат маънолари» асарида қўй-қўзи хотирасида бўри образининг тикланиши билан унинг ташвишга тушишини бунга мисол қилиб келтирилади. Ҳаёл қилиш ва сўзлаш, фикр юритиш, ақл қувватини Фаробий фақат инсонгагина хос деб тўғри тушунади. Инсон ўзининг шу қувватлари, қобилиятлари билан ҳайвонот оламидан тубдан фарқ қилади. Ўзининг қатор асарларида сўзлаш ақл— инсонликнинг бошланишидир деб алоҳида таъкидлаб ўтади («Фозил одамлар шаҳри», «Бахт-саодатга эришув ҳақида» ва бошқалар). Фаробий инсон ва ҳайвон психикаси ўртасидаги фарқни ўз замонасининг илми даражасида тўғри тушунди. Унинг психик жараёнларнинг классификация қилишига оид фикрлари ҳам реал ҳақиқатни асосан тўғри ифодалайди, унинг филогенетик ривожланиши, эволюцияси ҳақидаги фаразлари ҳақиқатга яқинлашиш йўлидадир. Фаробий руҳий жараёнларни қандайдир мустақил ҳодиса деб тушунишдан узоқ туради. Унинг фикрича, руҳий жараёнлар бутун ташқи оламдан ажраб қолган ва инсоннинг ўзида ҳеч нарсага боғлиқ бўлмаган ҳолда ўз-ўзидан, тасодифан пайдо бўлиб қоладиган ҳодиса бўлмай, балки улар маълум сабабий боғланиш принципи асосида пайдо бўлади. Уларни вужудга келтирувчи сабаблар инсондан ташқарида бўлиб, инсон атрофидаги моддий -нарсаларнинг сезги органларига моддий таъсири натижасида пайдо бўлади.

Фаробий айтиб ўтган ички қувватлар ҳам шу ташқи нарсаларнинг таъсири натижасида вужудга келган образлар асосида пайдо бўлади. Демак, Фаробий психологияда объект ва субъект муносабатларини тўғри тушунган. Бундан ташқари, унинг психик процесслар тўғисидаги фикрларининг энг муҳим, диққатга сазовор томони яна шундаки, Фаробий психиканинг моддий асоси масаласида илмий позицияда туради, психик жараёнларни организмдаги маълум моддий жараёнлар билан боғлайди. Масалан, сезгиларни моддий органлар: тери, бурун, қулоқ, тил, кўз орқалигина вужудга келади деб билади. «Фозил одамлар шаҳри» асарида Фаробий руҳий-психик жараёнларни бирлаштирувчи моддий - марказ ҳақида қам фикр юритади ва одамдаги физиологик жараёнларлар билан психик жараёнларнинг боғланиш принципларини қидиради.Унинг таълимотича, инсоннинг беш сезги органи беш турли вазифани бажаришга мувофиқлашган бўлиб, улар ташқи муҳитдан олинган хабарларни бир ягона марказга олиб келади ва бу марказда барча хабарлар - образлар умумлашади. Одам организмининг маркази юракдир, чунки юрак бутун тана ва унинг аъзоларини қон билан таъминлайди, қон юрак орқали бутун организмга тарқалади. Иккинчи марказ миядир. Мия ҳам қон билан тирик бўлганлиги сабабли, юракка бўйсунади, яъни юракдан қон олади, лекин шу билан бирга, у бу тун организм ва унинг аъзоларига раҳбарлик қилади, уз буйруғига бўйсундиради, уларни маълум муътадилликда ушлаб туради. Фаробийнинг бу фикрларидан, биринчидан, инсондаги руҳий жараёнлар билан физиологик-анатомик жараёнларлар психика билан организм узаро боғлиқ ҳолда мавжуд, деган хулоса, иккинчидан, юрак инсоннинг биологик ҳаётини, мия эса унинг руҳий-маънавий ҳаётини бошқариб туради, деган хулоса келиб чҳади. Демак, Фаробий руҳий жараёнларни англаш масаласида, асосан, илмийматериалистик нуқтаи назарни ривожлантирди десак бўлади, чунки бу масалаларда у за монасининг диний-идеалистик тасаввуридан жуда узоқлашади ва ташқи олам, муҳит, одам организми ва руҳий жараёнларининг ўзаро сабабий боғланиши, детерми низм принципига асосланади ва моддий олам ҳамда моддий жараёнларни бирламчи, руҳий жараёнларни уларнинг таъсири, натижаси, яъни иккиламчи деб тушу нади. Бундай детерминизм принципи оламни материалистик тушунишнинг асосий хусусиятларидандир. Шуни қайд қилиб ўтиш лозимки, Фаробий руҳий жараёнларни психолог сифатида эмас, балки файласуф сифатида талқин этади, чунки Фаробий даврида психология ҳозиргидек мустақил фан ҳисобланмай, балки умумий фалсафий билимлар системасига кирган эди. Фаробий файласуф сифатида руҳий жараёнларниларни, аввало, инсоннинг объектив реалликни билиши нуқтаи назаридан, бу билиш жараёнининг инсон билимларни бойитиш, маърифатли бўлишдаги роли жиҳатидан ўрганишга ва талқин этишга ҳаракат қилди. Шунинг учун ҳам унинг асарларида сезгилар ва ақлий билиш, фикрлаш каби жараёнларга жуда катта эътибор берилади ва боиқа психик жараёнлар, масалан, хотира, тасаввур, диққат, туйғу-ҳис, инсоннинг ирода, қобилият, малака каби индивидуал хислатлари билиш процесслари билан борлиқ ҳолда қисман ёритилади.

Фаробий, юқорада кўриб ўтганимиздек, билиш процессининг икки босқичини ҳиссий ва ақлий билишни жуда аниқ ифодалайди, уларнинг узвий боғлиқлигини, акқлий билиш ҳиссий билишсиз вужудга келмаслигини алоҳида таъкидлаш билан бирга, уларнинг билиш жараёнидаги хусусиятларига эътибор бериб, ўзаро фарқларини, тафовутларини ҳам кўрсатади. Фаробийнинг ақлий билиш хусусиятлари, фикрлаш хоссалари ҳақидаги таълимотига ҳам алоҳида тўхтаб ўтмоқ лозим, чунки бу, биринчидан, унинг психологияга оид таълимоти ҳақидаги тасаввурни тўлдиради, иккинчидан, бу унинг таълим-тарбия соҳасидаги қарашларининг моҳиятини ва аҳамиятини тушуниб олиш учун зарурдир. Фаробийнинг ақлий билиш ва унинг ҳиссоий билишдан фарқи ҳамда фазилатлари тўғрисидаги фикрлари «Фалсафий саволлар ва уларга жавоблар», «Илмларнинг келиб чиқиши тўғрисида», «Шарҳлар», «Эвклид китобининг муқаддимасига шарҳлар», «Ҳикмат асослари», «Масалалар манбаи» каби асарларида ва логикага оид катор рисолаларида баён этилган. Аввало «Фалсафий саволлар ва уларга жавоблар» рисоласига мурожаат этайлик. Бу рисола фақат ақлий билиш билан ҳиссий билишнинг фарқини аниқлаш жиҳатидангина эмас, балки умуман масаланинг қўйилиши ва ҳал этилиши нуқтаи назаридан ҳам характерлидир. Бу рисола савол-жавоб шаклида тузилган бўлиб, Фаробийга берилган саволларнинг характери ҳар хилдир. Бу саволларга берилган жавоблар ўзининг қисқа ва мазмунли бўлиши билан ажралиб туради: «Улардан бири (Фаробийдан) нарсалар образларининг яна неча хил йўл билан вужудга келиши ҳақида сўрадилар. У айтди: нарсалар образларининг ифодаланиши уч хил йўл билан бўлади. Улардан бири — образнинг сезгида ифодаланиши, иккинчиси – ақлда ифодаланиши; учинчиси эса — жисмда (ёки нарсада) ифодаланишидир. Жисмда ифодаланишига келганимизда, бу — бирор жисмнинг ёки нарсанинг иккинчисига таъсири натижасида вужудга келади. Бу — бир жисмнинг ўзидан ташқарида бўлган иккинчи жисм образини ўзлаштиришдан иборатдир. Масалан, темир олов билан яқинлашганда олов образини ўзлаштиради, яъни қизийди. Бундай ҳолларда ифодаланувчи ифодаловчига ўхшашдир. Жисм образларининг сезгида ифодаланишига келганимизда, бу — жисмларнинг (инсон) сезгиларига таъсирсиз пайдо бўлмайди ва бу ифодаланиш жисмларнинг ҳолатига оид бўлиб, жисм (материяси) билан боғланиш натижасида вужудга келади.(Ж'исм) образининг ақлда пайдо бўлишига келгани мизда, бунда ақлдан ташқарида бўлган жисмнинг образи материя билан ва жисм ҳолати билан боғлиқ бўлмаган мустақил ҳолда вужудга келади, демак, жисмсиз ва унга оид булган барча нарсалардан ташқари (абстракт) ҳолда вужудга келади». 27 саволга берган жавобида Фаробий ақлий тасаввур нарсаларининг моддасиз образини билишдан иборат эканлигини яна таъкидлайди. Демак, сезиш конкрет ва моддий нарсанинг бевосита таъсири натижасида ҳосил бўлади, ақл орқали билиш конкрет моддий жисмлар билан боғлиқ эмас, уларнинг бевосита таъсирисиз ва улардан ташқари фақат руҳий образлар асосида вужудга келади. Ақлий билишнинг ўзига хос хусусиятларига ўтишдан олдин, аввало, юқоридаги фикрга баҳо бермоқ лозим. Фаробий ақлий билиш масаласига ўз

рисолаларида кенг ўрин беради, чунки бу масала унинг маърифатпарварлик ғояларининг характери билан бевосита боғлиқдир. Бу жиҳатдан унинг «Ақл маънолари ҳақидаги рисола»си диққатга сазовордир. Бу рисолада ақл — интеллект тушунчасининг ўрта аср Шарқи шароитида турли тоифаларда турли фалсафий ва диний оқимлар тамонидан қўлланиш турлари бирма-бир тасвирлаб ўтилади. Шунинг учун бу рисола Фаробий томонидан ақл ва ақлий жараённинг қандай талқин этилганлигини тушуниб олиш учунгина эмас, балки ўрта аср ижтимоий-фалсафий фикрларида, умуман, ақл деганда қандай маънолар англанилганини билиб олиш учун ҳам муҳим аҳамият кашф этади. Бу рисола ўрта асрдаёқ лотин тилига таржима этилган ва ундан кейинги тадқикотчилар ҳам бу рисолага жуда катта эътибор берганлар. Бу рисолада Фаробий ақл тушунчасининг 6 хил маънода, бир-бирига боғлиқ бўлган олти турли мазмун би лан қўлланилишини таъкидлайди. Лекин Фаробий бу маъноларни бир-бирига зид қўймайди. Бу маънолар бир-бирини тўлдиради ва бойитади, рисоладан ақл ва ақлий жараённинг ниҳоятда бой мазмунга эга эканлиги ва Фаробий шу бой мазмунни ҳар томонлама англаб олишга ҳаракат қилганлиги ҳақидаги хулоса келиб чиқади. Рисолада дунёвий ақл, инсонни худо билан боғловчи космик қл тўғрисидаги мистик мулоҳазалар ҳам учрайди, лекин улар рисолада иккинчи ўринда туради ва ри-соланинг асосий мазмунини тушуниб олишга халақит бермайди. Бу рисоланинг диққатга сазовор бўлган энг муҳим томонларидан бири шуки, Фаробий ақлнинг, бир томондан, психик жараён эканлигини ва, иккинчи томондан, у ташқи таъсирнинг, таълим-тарбиянинг натижаси эканини яхши англайди. Фаробийнинг фикрича, ақл факқат инсонгагина хос бўлган туғма қувват - руҳий куч билан боғлиқдир. Инсон тушуниш, фаҳмлаш, муҳокама қилиш, ўйлаб топиш, фикрлаш қувватига туғилишидан эга бўлади ва уларнинг қандай вужудга келганини ўзи ҳам билмайди, бу хусусиятлар боланинг ўсиб, камолга ета бориши билан ривожланиб боради. Рисоланинг бошқа бир жойида «ақл» ва «ақлли бўлиш» кўп нарсани кўриш, билиш, тажриба орттириб боўриш, турли ҳунарларга ўргана бориш натижасида қўлга киритилиши мумкинлиги қайд қилинади. Биринчидан, ақлнинг туғма бўлиб кўринувчи қувватлар билан боғлиқлиги инсон психик жараёнлари таркибига киради.Иккинчидан, ақлнинг билим, ҳаётий жараёнлар на тижасида бойиб бориши таълим-тарбияга боглиқ. Ақлий жараённинг хусусиятлари Фаробийнинг «Илмларнинг келиб чиқиши тўғрисида» деган асарида ҳамда «Эвклид китобининг муқаддимасига ёзилган шарҳлар» номли рисоласида яхши баён этилган. Бу рисолада Фаробий ақлий билишнинг сезгилардан фарқини аниқлашга ҳаракат қилиб, ақлий жараёнга хос бўлган белгиларни ажратишга интилади. «Илмларнинг келиб чиқиши тўғрисида» номли асарида (1-қисм) Фаробий барча мавжудотни субстанция ва акциденцияга ажратади. Субстанция, унинг талқинида, нарсаларнинг моддасини, асосини билдиради, акциденция эса узгарувчи ташқи белгиларидан иборатдир. Инсон субстанцияни ҳам, акциденцияни ҳам англай-ди, уларнинг образини акс эгтиради. Унинг таъкидлашича, акциденция беш сезги ёрдамида билиниб,

акциденция ва сезги органларини боғловчи ҳеч қандай восита йўқ., яъни акциденция сезги органларига бевосита таъсир этади ва шунинг натижасида кўз рангни кўриб, уни идрок этади, рангларни бир-биридан ажратади; қулоқ товушни эшитади; таъм билиш сезгиси ширин-аччиқни ажратади, сезади ва ҳоказо. Субстанция эса фақат ақл томонидан билиниши мумкин, лекин бундай вақтда акциденция уларнинг ўртасида боғловчилик воситасини ўйнайди, яъни ақл ҳид тарқатаётган қандайдир модданинг мавжудлигини англайди, демак, ақл борлиқни бевосита билади. «Эвклид китобининг муқаддимасига ёзилган шарҳлар»да ақлий жараённинг, тафаккурнинг ўзига хос хусусиятлари ҳақидаги фикр янада чуқурроқ ва кенгроқ баён этилади. Математика ва физика илмлари ва улар томонидан ўрганиладиган объектлар ўртасидаги тафовутни аниқлар экан Фаробий: «Физика мавзу бахси ходисаларни бир бутун ҳолда, уларни барча физик хоссалари — ранги, шакли, юмшоқ.-қаттиқлиги, аччиқ-чучуклиги билан биргаликда олиб ўрганади». Математика эса фақат рақам ва теометрик ҳолатларни урганиб, бу ҳолатлар нарсанинг физик хоосаларидан ва конкрет томонларидан ажратиб олинган мустақил объект сифатида анализ қилинади», деган фикрни олға суради. «Ақл,— деб ёзади Фаробий,— жисмларни бундай хусусиятлардан холи ҳолда текширганда, у фақат жисм-ларнинг моҳияти нимадан иборат эканлигини ва сезгилардан нималар мавҳумлаштирилганини аниқлашга қаратилган бўлади. Жисмни у билан боғлиқ бўлган белгилардан ажратиб олувчи ақл фаолияти шу жисмнинг фақат моҳиятини текшириш учун амалга оширилади». Жисмнинг конкрег томонларидан мавҳумлашиш ва уларнинг қонуниятларини, умумий томонларини билиш ақлга хос деган фикр Фаробийнинг «Фалсафий саволлар ва уларга берилган жавоблар»ида ҳам учрайди. Масалан, ақлий билиш, тушунишнинг механистик ёдлашдан устунлигини таъкидлаб, бундай деб ёзади: «Тушуниш ёдлашдан яхшироқдир, чунки ёдлаш кўп жузъий тушунчалар ва шахслар номини ёд олишдан иборатдир, бунинг (яъни ёдлашнинг) чегараси йўқдир ва у (ёдлаш) ҳеч қачон сўзлар (турларига) ва шахсларга бойиш ва тўлиш чегарасига ета олмайди. Чексизликка интилган кишининг меҳнати фойдасиз меҳнатдир.Тушуниш эса (нарсаларнинг) моҳияти, умумий қоида ва қонунларни билиш билан боғлиқ бўлиб, бунинг (бўлинувчи умумий қоида ва қонунларнинг) ҳисоби ва чегараси бордир. Бундай ҳаракатга интилган киши бефойда меҳнат қилмайди. Одам ўзи ёд олган нарсалари билан бир хил бўлмаган нарсаларга йўлиқса ва у (бундай ҳллда) асосий қоида ва умумий қонунларга таяниб (иш кўрса), қандай нарсаларга дуч келмасин, ўз тушунчаларига асосли ва ишончли равишда мурожаат этиш имкониятига эга бўлади. Кимки буни (яъни тушунишни) у (яъни ёдлаш) би лан таққослаб кўрса, бунинг (яъни тушунишнинг) устун эканлигини билади». Фаробий асарларида инсон психикасининг бошқа масалалари, масалан, ирода, ҳис-туйғу, қобилият, ижод, ихтиёрий ва ихтиёрсиз ҳаракатлар тўғисида ҳам қимматли фикрлар учрайди. Ўзининг «Фозил одамлар шаҳри» асарида Фаробий ирода ва ихти ёрий ҳаракатлар масаласига махсус боб ажратади. Лекин шуни алоҳида қайд қилиш зарурки, Фаробий инсоннинг қайси психик жараёи тўғрисида мулоҳаза

юритмасин, унинг организмдаги маълум жисмоний, физиологик-анатомик жараён билан боғлиқлигини кўрсатиб ўтишга ҳаракат қилади. У одам организмидаги пси хик жараёнлар физиологик жараёнлар билан зарурий боғликқлигини, улар асосида мавжудлигини яхши тушунибгина қолмасдан, ҳатто ташқи таъсирга жавобан вужудга келувчи маълум психик жараёнларнинг организмга, физиологик жараёнларга акс таъсирини тушуниш даражасига ҳам бориб етади. Масалан, «Аристотель категорияларига шарҳлар» рисоласида инсон руҳида бўлган мураккаб жараёнлар: ғазаб, қўрқув, ачиниш ка би туйғуларнинг одам организмига маълум даражада таъсир этиши тўғрисида гапириб, бундай дейди: «Инсон уялган вақтида қизаради, уят бу ерда инсон руҳида вужудга келувчи аффектдир, ундан сўнг организмда маълум ранг вужудга келади. Қўқиш натижасида оқариб кетиш ҳам шу кабидир». Барча руҳий жараёнларни физиологик жараёнлар билан боғлаб тушунтиришга интилиш Фаробийнинг энг муҳим ва диққатга сазовор бўлган хусусиятидир. Бу унинг психология соҳасида илмий позицияда турганлигини кўрсатувчи энг асосий далиллардандир. 1. Фаробий руҳий жараёнларга қ андай таъриф берган? 2. Фаробийнинг «Фозил кишилар шахри» асаридаги психологик ғоялари қ андай? 3. Фаробий билишни неча хил бос қ ичга б ў лган ва улар қ айсилар? 4. Фаробий а қ лий билишнинг ў зига хос қ андай хусусиятларини кўрсатиб берган? 5. А қ лий жараёнларнинг хусусиятлари Фаробийнинг қ айси китобларида баён этилган?

O'xshashlar

Aбу Наср Фаробийнинг психологик карашлари

Психологик маърифий ва психологик профилактика

Психологик профессиография

Психологик профессиография

Психологик мактаблар