Зардўштийлик дини - Dinshunoslik asoslari - Referatlar

Зардўштийлик дини

Yuklangan vaqt:

20.09.2019

Ko'chirishlar soni:

0

Hajmi:

74 KB

Ko'chirib olish

Зардўштийлик дини Режа: 1. Зардўштийлик дини 2. Моний таълимоти (216-277 йиллар) 3. Моздак таълимоти (470-529 йиллар )

Зардўштийлик дини. «Авесто» - энг ноёб ёзма манба Шарқ, хусусан Туркистон билан Эрон халқларининг фал-сафий фикрлари тарихини зардўштийлик дини ва унинг ёзма манбаси бўлган «Авесто» китобисиз тасаввур этиб бўлмайди. Мазкур дин ва «Авесто» тўғрисида Шарқ ва Ғарб олимлари жуда кўп яхши маълумотлар қолдирганлар. Масалан, марҳум академик Иброҳим Мўминов «Авесто» Туркистон, Эрон, Озарбайжон халқларининг шу мамлакатларни араблар томо-нидан босиб олгунга қадар (VII-VIII асрлар) бўлган даврлари-да яратилган фалсафий, руҳий, этнографик, табиатшунослик соҳаларидаги билимларнинг ёзма манбаси, деб ҳисоблайди. Шарқ халқлари орасида жуда машҳур бўлиб келаётган «Шоҳнома» достонининг муаллифи Абдулқосим Фирдавсий эса ўзининг «Шоҳнома»си ва «Гуштоп» достонининг алоҳида бобларини «Авесто»га бағишлаган, Туркистон ва Эрон халқларининг ислом дини кириб келгунгача бўлган дини зардўштийлик дини эди. Бу диннинг асосчиси пайғамбар Зардўшт деган хоразмлик олим эди. Зардўшт Шарқнинг донишмандлар пешвоси, биринчи файласуфи, нотиғи, шоири, дин қонуншуноси ҳисобланган. Тадқиқотчи олимларнинг кўрсатишича, Зардўшт эрамиздан олдинги VI асрда яшаган. У Хоразм ҳокимлигига қарашли чорвадорлик билан шуғулланган Спитама уруғидан бўлган. Отасининг Паурушаспа, онасини эса Дугдава деб аташган. Болалигиданоқ от ва туя боқиш билан шуғулланган. Зардўшт чорвадор қавмлари орасида юриб, уларнинг урф-одатлари, диний расм-русумларини ўргангач, ҳар хил эътиқоддаги кишилар билан суҳбатлашган. Маълумки, қадимги ота-боболаримиз турли-туман дин-ларга сиғинишган, улар билан боғлиқ бўлган кўпгина маросим-ларни бажаришган. Зардўшт бу қадар кўп динларга сиғиниш ўз халқини бирлаштиришга халақит қилишини тушунган. У қаби-лалар орасида тез-тез содир бўлаётган низо, қирғин уруш-ларнинг негизи ҳам диний эътиқод масаласи билан боғлиқ эканини ҳис қилган.

Турлича дунёкарашдаги кекса кишилар билан бўлган суҳбат, баҳслар натижасида Зардўшт кўп худоликнинг зарарини тўла тушуниб етади ва йигирма ёшида ўзининг нортуясига миниб (Зардўшт - сариқтуя эгаси демак- дир) қишлоқма-қишлоқ, шаҳарма-шаҳар кезиб юриб, яккахудо-лик ғоясини тарғиб этади. У уч ўғил, уч қизи билан оиласини хавф остида колдириб, ягона худо - Ахурамазда ҳақидаги таълимотларни, тасаввурларни шакллантириб тартибга солади. У қабила, уруғчилик эътиқодларига қарши якка худолик ғоя-сини тарғиб қилишни асосий мақсад қилиб қўяди. Бу ишда Зардўшт инсон руҳиятига яқин турадиган халқ шеъриятидан усталик билан фойдаланган. Зардўшт илгари сурган ғоянинг асосини икки босқич ташкил қилади: мутлоқ ғоя - Ахурамаз-данинг яккаю-ягоналигини тан олиш. Яхшилик билан ёмонлик, ростгўйлик билан ёлғончилик, зулмат билан нур ўртасидаги доимий кураш ҳақидаги таълимот. Зардўшт таълимоти тобора халққа кучли таъсир ўтказаётганини сезган мухолифлари унга қарши қатъий курашга киришадилар. Ҳаёти хавф остида қолган Зардўшт бир гуруҳ тарафдорлари билан Эронга қочиб ўтади ва ўз таълимотини узил-кесил шакллантиради. Зардўшт шоҳ Гуштаспнинг вазири Фрашаштраннинг қизи Кавовига уйланган бўлиб, унинг Иставатра, Урвататнара, Хваречитра исмли уч ўғли ҳамда Френи, Трити, Поуричиста исмли уч қизи бўлган. Эронда Доро 1 ҳукмронлик қилган даврларда (эрамиздан аввалги 522-486 йиллар) сосонийлар сулоласининг расмий дини зардўштийлик бўлган. Фирдавсий билан Берунийнинг тасвирича, Зардўшт биринчи бўлиб ўз диний таълимотини Эрон шоҳи Гуштаспга асослаб бериб, унинг эътиборини қозонади. Гуштасп фармонига кўра Зардўшт 1300 бобдан иборат панднома - «Авесто»ни олтин тахтачаларга ёзиб шоҳнинг оташқадаси (олов ёниб турадиган ибодат уйи) хазинасига топширган. Шундан сўнг шоҳ пайғамбарнинг ихлосманди сифатида янги диннинг фидоий тарғиботчисига айланган.

Бу борада Амударёнинг иккала соҳилидаги юртларнинг ҳокими Аржанс акаси Гуштаспнинг аждодлар эътиқодидан қайтишда айблаб, унга қарши уруш эълон қилади. Тенгсиз урушда Аржанс ўлдирилади. Натижада Эронда ҳам, Туронда ҳам оташпарастлик - зардўштийлик дини тўла жорий этилади. Зардўштнинг илтимоси ва шоҳ Гуштасп-нинг фармонига асосан Эрон ва Турон мамлакатларининг барча шаҳар ва қишлоқларида оташқадалар - ибодатхоналар қурилади ва уларда ибодат маросимлари мунтазам адо этила бошланади. Ана шундай оташқадалардан энг каттаси Бухорода эди. Моҳируз деган мачит илгари зардўшт ибодатхонаси бўлган. Зардўшт 77 ёшида ибодат пайтида кўп худолик тарафдори Братавахш томонидан чопиб ўлдирилди. Аммо унинг таълимоти исломгача кўпгина шарқ мамлакатларида муқаддас диний эътиқод бўлган эди. Ҳозир ҳам жанубий Ҳиндистонда 100 мингдан зиёд, шимолий Эронда бир неча минг киши зардўштийлик эътиқодига амал қилади. Марказий Осиё (Туркистон) халқларининг турли маросимларида ҳозир ҳам оташпарастлик динининг анъана-ларини учратиш мумкин. Баъзи удумлар юзасидан шам ёқиб қўйиш, тўйларда гулхан ёқиб, унинг атрофида базм уюшти-риш, келинни кўчада гулхан ёқиб кутиб олиш ва уни олов атрофидан айлантириб ўтиш, чавандозларнинг катта гулхан алангасидан сакраб ўтишлари, қабрлар устига чироқ ёқиш ва бошқа расм-русумлар оташпарастлик билан боғлиқдир. «Авесто» зардўштийлик динининг муқаддас китоби бўлиб, унинг дастлабки 1300 боби Зардўшт томонидан эрамиздан аввалги 548-529 йилларда ёзилган. Кейинчалик Эронда оташ-парастлик дини уламо-коҳинлар томонидан тўлдирилиб, тако-миллаштирилди. Бу китоб 12 минг ҳўкиз терисидан ишланган терига ёзилган. Македониялик Александр Македонский шарқни забт этганда «Авесто»нинг нодир нусхасини Элладага (Греция-нинг шимолий қисми) олиб кетган, керакли бобларини грек тилига таржима қилдирган, қолган бобларини эса куйдириб ташлаган.

Эрамизнинг биринчи асрида ашконийлар ҳукмдори Валагес Аршакид ва III асрда Ҳусрав Парвиз, шопури Хурмузд даврларида «Авесто» бир неча бор кўчирилган, қайта тиклан-ган(бир қисми холос). Кўп йиллар «Авесто» китоби ёзилган жой, мамлакат қаер-далиги олимлар ўртасида кўп тортишувларга сабаб бўлиб келди. Лекин «Авесто»да Марв, Бақтрия, Хирот, Сўғд, Нисо, Хоразм , Сеистон, Амударё атамалари мавжудлигини ҳисобга олиниб «Авесто»нинг Туркистонда (Туронда) ёзилган, деган хулосага келинди (XX асрнинг 80-йилларида), чунки, «Авесто»да Амударё ҳақида мулоҳазлар кўп учрайди. 7-асрда араблар Эронни босиб олган вақтда зардўштийликка садоқатли бир неча минг маҳаллий аҳоли жанубий Ҳиндистонга қочиб кетадилар. Улар ўзлари билан «Авесто»нинг тўртдан бир қисмининг энг нодир нусхаларини, маданият, эътиқодга доир ёдгорликларини ҳам олиб кетганлар. 1723 йили инглиз олими Жорж Боужа «Авесто»нинг бир нусхасини Оксфорд колледжининг кутубхонасига олиб бориб топширади. Бир неча йил оташпарастлар орасида юриб, уларнинг қадимги тили ва одатларини ўрганган француз олими Анкетиль Дюпперан 1711 йили «Авесто»нинг бир қисмини сўз боши, асл матн ва таржимаси билан нашр этади. Бу ишлар оқибатида Ғарбий Европада «Авесто»га қизиқиш ва уни ўрганиш авж олиб кетади. Ҳозирги даврда «Авесто»нинг қўлёзмаси Ҳиндистондаги Бомбей шаҳрида Кома шарқшунослик илмгоҳида сақланмоқда. Бу илмгоҳ зардўштийларнинг маданий маркази бўлиб, шу жамоа маблағига ишлайди. « Авесто» 1615 йилда Парфиёна ёзувида кўчирилган бўлиб, 672 бетдан иборат. Бизга етиб келган «Авесто» қуйидаги қисмлардан иборат: 1. Ясна - ибодат пайтида ижро этиладиган матнлар. 72 бобдан иборат бўлган бу қисмнинг 17 боби Зардўшт қўшиқлари - Гот мадҳияларидан иборат. 2. Яшт - оташпарастларнинг худони тавсиф этадиган махсус оҳанглар асосига қурилган мадҳиялари.

3. Вендидод - девларга, зулмат тимсолига қарши қонунлар мажмуаси. Мазкур бўлимда диний қонунларнинг матни, қадимги достонлар, афсоналарнинг мазмуни, парчалар сақланган афсонавий қаҳрамонларнинг исмлари зикр этилган. 4. Вис парад - Бутун борлиқ худоники. Ибодатлар тўплами, ибодат қоида-тартиблари. «Яшт» ҳамда «Вендидад»да Зардўштнинг шахсияти, руҳий олами, ижтимоий келиб чиқишига оид даллилар, зардўштийликнинг тарқалиши йўлидаги зиддиятлар ҳақидаги маълумотлар мавжуд. «Авесто» зардўштийликнинг муқаддас китоби бўлиши билан бирга, у илм-фан, ҳаётнинг барча соҳалари бўйича му-каммал маълумот берадиган улкан, энг қадимги манба ҳисоб-ланади. Грек олими Плиний (эрамиздан аввалги 3-асрда яшаган) «Авесто»ни 2 миллион байтдан иборат ғоят муҳим китоб деган эди. Биз «Авесто»дан Туркистон, Эрон, Озарбайжон халқларининг энг қадимги марсимлари, урф-одатлари, расм-русум, эътиқод ибодатлари пайтида айтадиган қўшиқлари, диний маросимларда ижро этиладиган махсус қўшиқлари, минглаб халқлар оҳанглари ҳақида маълумотлар оламиз. Бундан ташқари китобда қадимги халқ оғзаки ижодига тааллуқли достонлардан парчалар мавжуд: Жамшид, Каюмарс, Митра, Анахита, Ардивиссура, Заххак, Фаридун, Баҳром сингари кўплаб тарихий шахслар образлари, асотирлар билан боғлиқ атамалар тўғрисида хабарлар мавжуд. Шунингдек, «Авесто»да «Мавзуи сухан» - алоҳида хижо ва қофияли шеър ҳақида ҳам маълумот берилган. Унда чорвачилик, деҳқончилик, ҳунармандчилик, савдо-сотиқ билан боғлиқ жуда кўп лавҳалар, мулоҳазалар баён этилган. Халқига ҳамиша ғамхўр бўлган пайғамбар Зардўшт қурғоқчилик келиб, кўплаб чорва моллари қирилиб кетаётга-нидан ташвишга тушган ҳолда, бу офатдан қутқаришни илтижо қилиб худо Ахурамаздага ёлворади. «Авесто»да эрамиздан аввалги 2 минг йилдан янги эранинг VII асригача бўлган даврдаги Турон ва Эрон халқлари тарихига доир, Сирдарё ва Амударё соҳилларида яшайдиган

халқларнинг ижтимоий турмушига оид маълумотлар берилган. Чунончи, китобда аждод-авлодларимизнинг касб-кори, савдо-сотиғи, қўшни халқлар билан сиёсий ва маданий алоқалари, тижоратлари баён қилинган. Ҳар бир касб, ҳунар эгасининг жамиятда тутган ўрни алоҳида қайд этилган. Деҳқонлар билан чорвадорлар жамият моддий бойликларини яратувчи кучлар сифатида таърифланган. Бундан ташқари, мазкур китобда иқтисодий ҳаёт, география, астрономия, илми-нужум, ижтимоиёт, биология, фалсафа ва тиббиётга доир кўплаб қимматли маълумотлар мавжуд. «Авесто»даги тиббий далиллар ота- боболаримизнинг табобатга доир қарашлари рим, юнон ва араб табобатидан кўҳна ва узоқ тарихга эга эканлигини кўрсатади. Ундаги тиббий маълумот кўпроқ «Вендидод»нинг турли жойларида учрайди. Ундаги тиббий фикрларни қуйидагича баён этиш мумкин: 1. Ташрех (анатомия) ва мижоз (физиология). 2. Касалликлар ҳақидаги маълумотлар. 3. Беморликни олдини олиш воситалари. 4. Беморларни даволаш йўллари. 5. Табибларнинг аҳлоқи ва табобатга оид баъзи қонун-қоидалар. «Авесто»да инсон организми-танаси мушак, суяк, тери, асаб, бадан жуни, томир ва қонга (асаб ва мия ерга, бадан туки дарахтга ўхшатилган), бадандаги томирларни қора қонли томирлар, қизил қонли томирлар ва оқ, яъни қонсиз томирлар (асаб) га бўлишган. Баданнинг қуввати эса жон, виждон, равон (тан), идрок ва азалий (қадимий) руҳ каби 5 қисмга бўлинган. Мижозни эса ҳарорат (иссиқлик), рутубат (совуқлик), бурудат (намлик) ва қуруқликка бўлишган. «Жигар қон манбаи бўлиб, ўнг томонда жойлашган», дейилади. «Авесто»да ер, сув, замин, уй ҳайвонлари, бадан, кийим-кечаклар, озиқ-овқатларни тоза тутиш ва сақлашга алоҳида эътибор берилган. Унда қабристонларни шаҳар ва қишлоқлардан узоқроқ жойларда ташкил қилиш, уларни девор билан ўраб қўйиш, мурдани ювадиган (ғассол) кишилар махсус гигиенага риоя қилиши, мурда теккан кийим, палос, ерларни қатрон қилиш

хусусида фикрлар мавжуд. Инсон ёки ҳайвон жасади тушган сой, ариқ, ҳовуз, қудуқларни бир неча марта қатрон қилиш (сувга тўлдириб бўшатиш) таъкидланган. «Унинг (ариқ) устига уч марта ёмғир ёғиб ўтсин, сўнгра у олдингидек инсон ва ҳайвон ичадиган ариққа айланади» - деб ёзилган. Ахурамазда: ўт-ўланлар ҳамда мевали дарахтлар экилган, сувлари ҳамиша равон бўлган замин энг яхши ердир. Аёл ва фарзандлари сарсон ва саргар- дон юрадиган (рўшнолик тополмайдиган) ер энг ёмон замин-дир, деб таълим берган, дейилади ана шу манбада. Ерни, сувни ифлос қилган шахслар 400 қамчи уриб жазога тортилганлиги хабар қилинган. «Авесто»да авлодаларимиз экология талаб-ларига жиддий эътибор берганликлари, касалликларнинг олдини олишга оид маълумотлар бор. Атроф-муҳит тозаликларини сақлаш ва касалликларнинг олдини олиш воситаларини қуйидаги гуруҳларга бўлиш мумкин: 1. Аҳлатларни беркитиш, ифлос жойларни тупроқ, шағал, қум билан кўмиб ташлаш - шу йўл билан микробларни ўлдирилиб ёки камайтирилган, тарқаб кетишга йўл қўйилмаган; 2. Олов (оташ), иссиқлик ва совуқлик йўли билан йўқотиш. «Авесто»да олов - покловчи ва офатни кеткизувчи восита эканлиги баён қилинган. Олов муқаддас ҳисобланиб, унга сиғинилган. Шу сабабли оташпараст, оловга сиғинувчилар бизнинг аждодларимиз эди; 3. Кимёвий йўл: кул, сирка, шароб, турли гиёҳлар (исфаид, мехак, садаб, пиёз, алоэ, сандал) тутатиш йўли билан. Бу воситалар ҳозир ҳам микробларни йўқ қилишда ишлати-лади. «Вендидод»нинг 5 бобида шамол, ҳайвон, парранда, пашша орқали турли касалликларнинг тарқалиши қайд қилинган. Касаллик тарқатадиган ҳайвон ва ҳашаротларни йўқотишга даъват этилган ҳолда «Авесто»да уй ҳайвонларини асрашга даъват кучли бўлган, «Вендидод»да «овчи итни ўлдирган киши 1000 барсум руҳиятни тетиклаштирадиган ўсимлик барги бериши лозим. Шунингдек, у 1000 та эчкиэмар, 1000 та сув қўнғизи, касал тарқатувчи пашшани ўлдириб, гуноҳини ювиши лозим», дейилган.

«Вендидод»нинг 5 ва 17-бобларида доимий бадантарбия билан шуғулланиш, кунда юз-қўлни бир неча марта ювиш, сочни тоза тутиб, тирноқларни тез-тез олиб туриш тавсия этилади. Инсон меъёри билан доим тўқ юриши, кўпроқ гўшт истеъмол қилиши зарурлиги уқтирилган. «Авесто» да иссиқ-лик, совуқ ҳаво, очлик ва руҳий изтироб, бузилган таомни ейиш, тозаликка риоя қилмаслик, ёмонлик худоси Ахриман юборган қурт, пашша, ёмон ҳаво касалликларнинг асосий манбаи дейилган. Унда 9999 касалликни Ахриман пайдо қилди, дейилади. Эркак зурриёд қолдириш қобилиятига эга бўлса-ю аммо уйланмаса, унга тамға босишар ёки белига занжир боғлаб юришга мажбур қилишар эди. Баъзан бундай эркакни қопга солиб калтаклашган. «Авесто» да яқин қариндошларнинг ўзаро никоҳланиб оила қуриши манъ этилган. Қавм ва уруғ қонини тоза, авлодни бенуқсон сақлаш учун шундай қилинган. Кўп болалик оиалаларга давлат ҳисобидан нафақа тайинлаш лозимлиги қайд этилган, бир йўла 2-3 та фарзанд туққан аёллар мукофот олишга сазовор, деб уқтирилган. «Вендидод»да касалликларни: режим, парҳез, дуо, дори, жарроҳлик йўллари билан даволаш айтилган ва доривор ўсимликларнинг номи берилган: шира, барг, гўшт, дон бута, пиёз, илдиз кабилардан фойдаланиш кўрсатилган. Улар заъфарон, коски, кунжут, кўкнор, зира, пиёз, седана, саримсоқ, қатрон, турп, хурмо, сабзи, беҳи, шакар, асал, зайтун, мойи ва бошқалардан тайёрланган. Жарроҳликда беморга асал шаробига наша қўшиб бериб, беҳуш қилиб кесишган, Гиппократнинг (Буқрот) табиблар қасамёди ҳақида-ги фикрдан бир неча аср аввал «Авесто»да табиблариннг махсус қасамномаси келтирилган: табобат рамзи - илон заҳар солаётган идиш-жом тасвири ҳам илк бор шу китобда тасвир-ланган. Унда қадимги кишиларнинг ўртача умри 800-900 йил бўлиши, айрим одамлар яшаш шароити, муҳитига қараб 1800 йилгача умр кўриши мумкинлиги айтилган.

Хуллас, қадимги аждодларимиз яратган «Авесто» дунёдаги энг қадимий, ноёб билимлар хазинасидир. Унда оламдаги барча диний билимлар, дунёвий, табиий ижтимоий фанлар бўйича кенг мазмунли мулоҳаза ва фикрлар мавжуд. «Авесто» эҳтимол энг биринчи фалсафий асардир, Шарқ ва Туркистон халқлари ижтимоий-фалсафий фикрлари тарихи-нинг чуқур ва бақувват ўқ илдизи «Авесто» саҳифаларига бориб тақалишига ҳеч шубҳа йўқ. Биз доно аждодларимизнинг бой маънавий маданияти, кучли фалсафий ақл- заковати билан ҳар қанча фахрлансак арзийди!!! Моний таълимоти (216-277 йиллар) Маркизий Осиёда эрамиздан аввалги V асрдан янги эрамизнинг IV асригача қулдорлик тузуми ҳукмрон эди. V асрда эса феодализм шаклланди. Моний Эронда 216-277 йилларда яшаган файласуф, монизм таълимотининг асосчиси ва тарғиботчисидир. У 242 йили Эрон подшоси Шопур 1 нинг подшолик тожини кийиш маросимида ўз таълимотини баён қилган. Унинг таълимоти фалсафий мазмунида дуализм мавжуд бўлиб, Моний Само Нури элчиси ҳисобланган. Унинг таълимотида христианлик билан зардўштийлик қоришмаси асос ҳисоблана-ди. У борлиқнинг 2 мустақил субстанция: ёруғлик, яхшилик, руҳ олами билан зулмат, ёвузлик оламининг ўзаро курашини тарғиб этувчи зардўштийлик ғоясини олган, христианликда эса мессионерлик (яъни гуноҳлардан холос этувчи пайғамбар, элчининг келиши, адолатли жамият ўрнатилиши тўғрисидаги) таълимотини олиб ҳар иккисини умумлаштирган. Моний олам иккита деб ҳисоблади. Унингча, биринчи оламда худо, иккинчи олам кураши ҳалокат билан тугайди. Натижада материя енгилиб руҳ озодликка чиқади. Моний таълимотига кўра, бу дунё ёвузлик дунёсидир. Инсон 2 та унсурдан (руҳ - Нур фарзанди ва жисм - зулмат фарзанди) иборат мавжудот бўлгани учун зулмат кучларига қарши курашда нур кучларига ёрдам бера олади. Монийнинг ижтимоий таълимотида пес-симизм, пассивлик руҳи мавжуд.

Моний таълимотида урушмаслик ва мол-дунё йиғмаслик ғояларини тарғиб қилгани учун зардўштий коҳинлари ва Шоҳ Баҳром I Монийни 275 йилда зиндонга ташладилар ва 277 йилда қатл қилдилар. Моний издошлари мамлакатларда кенг тарқалган эди. 296 йилда Рим императори Диоклетиан монийликка қарши фармон (эдикт) эълон қилди. Моний таълимоти майда секталарга ажралиб кетди. Улардан бири моздакийлик деб аталди. Моздак таълимоти (470-529 йиллар) Моздакийлик таълимотининг асосчиси моздакийлар ҳаракатининг раҳбари Маздак халк оммасининг зардўшт коҳинлари ва зодагонларига қарши курашни бошқарган. Бу ҳаракат таъсирини пасайтириш мақсадида Эрон шоҳи Қубод I (488-531) Маздакни қўллаб қувватлаган эди. Маздак Қубод ҳукмронлиги даврида аввал оташгоҳларнинг бирида коҳин, кейинчалик бутун Эрон бўйича бош коҳин бўлган. Коҳинлар ва амалдорларнинг иқтисодий, сиёсий ҳукмронлиги барбод бўлгандан сўнг Қубод I Маздак билан алоқани узган. 529 йили маздакийлар ҳаракати бостирилган. Маздак қатл этилган. Маздакизм диний-фалсафий таълимоти (5-6 асрларда) Эронда кенг тарқалган. Маздак таълимотига кўра оламда бўладиган воқеа, ҳодисалар онгли ва бирор мақсадни кўзлаб ҳаракат қилувчи эзгулик, ёруғлик манбаи билан кўр-кўрона ва тасодифий ҳаракатланувчи қоронғулик (жоҳиллик) манбаи ўртасидаги курашдан иборат. Бу кураш «яхшилик»нинг «ёмонлик» устидан муқаррар ғалабаси билан тугалланади. Маздакизм ижтимоий тенгсизликни йўқотиш учун курашга даъват этган маздакийлар ҳаракатининг мафкураси сифатида хизмат қилган. Маздакийлар ҳаракати бостирилган бўлса ҳам (6 аср) Маздак таълимоти кейинги асрлар давомида Эрон, Марказий Осиё ва Озарбайжондаги деҳқонлар, шаҳар камба-ғалларининг феодал зулмига қарши, кейинчалик Марказий Осиёга Ислом тарқалгач, унга ва араблар истилосига ҳамда хокимиятига қарши (Муқанна, Бобак қўзғолонлари) курашнинг ғоявий байроғи бўлиб хизмат қилди.

Фойдаланилган адабиётлар: 1. Абдуқаҳҳор Иброҳимов, Хайриддин Султонов. Ватан туйғуси. Нарзулла Жўраев . Тошкент. «Ўзбекистон» - 1996 й. 2. Қуръони Карим. Алоуддин Мансур таржимаси ва изоҳлари. Тошкент, «Чўлпон» нашриёти. 3. Муқаддас китоб. Инжил. Туркия муқаддас китоб жамияти. 1995 й. 4. Музаффар Хайруллаев. Даврон Шораҳмедов. Маданият ва мерос. Т., 1973 йил. 5. Ҳамиджон Ҳомидов. Зардўшт яратган дин ва маданият. Ёш куч. 7-8 сонлари. Т. , 1992 йил. 6. Искандар Жадид. Биз қандай ибодат қиламиз? Германия.

O'xshashlar

Конфуцийлик дини

Жахон динлари хакида тушунча

Диннинг келиб чиқиши ибтидоий жамиятдаги динлар

Монотеистик ва жаҳон динлари

Миллий динлар