logo
  1. Bosh sahifa
  2. Referatlar
  3. Botanika
  4. ДНК Биосинтези

ДНК Биосинтези

Yuklangan vaqt:

20.09.2019

Ko'chirishlar soni:

0

Hajmi:

40 KB
Ko'chirib olish
www.arxiv.uz Режа: 1. ДНК синтезининг ярим консервантив синтез эканлиги ҳақида тушунча 2. Репликасома системаси. www.arxiv.uz Таянч сўзлар: репликация, репликация айриси, ДНК-полимераза. 1956 йили Америка олими Артур Корнберг бир занжирли ДНК дан матрица сифатида фойдаланиб, унинг қўш занжирини синтез қиладиган ДНК-полимераза ферментини очди. 1950 йиллар охирида М.Мезельсон ва Ф.В.Шталь оқилона экспериментлар қилиб, ҳар бир янги ДНК молекуласининг ҳар бир занжири олдиндан мавжуд (тайёр) молекуладан, иккинчиси эса янгидан синтез қилинган эканлигини очиқ-ойдин тасдиқлаб берди. Бундай механизм ярим консерватив синтез деб аталади, чунки ҳар бир бола ДНК да фақат битта она занжир сақланади. Олинган натижалар репликациянинг консерватив усулини тўла инкор қилади, чунки акс ҳолда, бир бола ДНК си иккала бошланғич занжирни тутиши, бошқаси эса иккита янги синтезланган занжирдан иборат бўлиши керак эди. Кейрнс ДНК репликациясининг моделини таклиф қилди. Бу моделнинг асосий хусусияти шундан иборатки, ДНК молекуласи репликация бошланишининг нуқтаси деб аталадиган специфик участкага эга. Мана шу ерда ДНК структурасини қатъий аниқ жойда ёядиган махсус шарнир механизми борки, у бир вақтда репликация қилиш учун икки занжирни хам очади. Ҳосил бўлган репликация “айириси” қўш занжир бўйлаб икки занжирнинг нусхаси олинмагунча харакат қилади. Сўнгра эукариот ДНК репликацияси бир вақтда жуда кўп (уларнинг сони мингдан ҳам ортиқ) нуқталарда бошланиши тасдиқланди. Бундай нуқталарнинг ҳар биридан бир вақтда қарама-қарши томонларга қараб иккита репликатив айри харкатда бўлади. Натижада бутун эукариот хромасоманинг репликацияси жуда тез ўтади. ДНК репликацияси асосан А.Корнберг кашф этган 1 ДНК-полимераза ферменти таъсирида ўтади. www.arxiv.uz ДНК полимераза янги дезоксирибонуклеотидларнинг α-фосфатини ДНК нинг тайёр занжирининг эркин 3′ –гидроксил группасига боғланишини катализлайди, бинобарин, ДНК синтези 5′- 3′ йўналишида боради. ДНК таркибида ҳар бир янги фосфодиэфир боғ ҳосил бўлиши учун зарур энергия олдмоддалар-дезоксирибонуклеозид 5′- трифосфатларнинг α- ва β- фосфат группалари орасидаги пирфосфат боғларнинг узилиши билан таъминланади. ДНК репликацияси учун фақат ДНК-полимераза ферментининг ўзи етарли эмас. Бугунги кунда ҳам репликация жараёнинг тўла ва аниқ тасвири йўқ, бу жараёнда маълум функцияни бажарадиган йигирмадан ортиқ фермент ва оқсиллар иштирок этса керак. Репликациянинг ўзи бирин-кетин кечадиган бир қанча босқичлардан иборат. Бу босқичларнинг хаммаси жуда катта тезликда, олий даражада аниқ ўтади. ДНК нинг қўш спирали зич ўралган тузилма ва кодлайдиган асослар бураманинг ичида бўлганидан репликация қиладиган ферментлар матрицанинг нуклеотидлар қаторини “ўқиши” учун она ДНК сининг занжирлари хеч бўлмаса калта бил бўлимида ечилган бўлиши лозим. Қўш занжир ўрамининг ёзилиши-ечилиши ва иккала занжир янгидан қўшилиб кетмаслиги учун уларни бир-биридан маълум масофада тутиб туриш вазифасини бир нечта махсус оқсиллар бажаради. Хеликаза (helix- бурама сўзидан олинган ) номли ферментлар ДНК нинг калта участкаларини ёзади, ажралган занжирлар қайтадан қўшилиб кетмаслиги учун ДНК- боғловчи оқсиллар: репликация жараёнида занжирлар жуда тез ечилишидан узилиб кетмаслиги учун топоизомераза (прокариотларда гираза, hiras- айланиш сўзидан) ва яна бир қатор фермент ва оқсиллар, матрицалар ва инициаторлар иштирок этади. Занжирларнинг ёйилишида ҳар бир қўш асослар ажралиши учун икки молекула АТФ нинг гидролиз энергияси сарф бўлади. Умуман, ДНК нинг ёйилиши ДНК репликациясининг энг қизиқарли ва энг муракаб муаммоларидан биридир. Йигирмадан ортиқ репликатив ферментлар ва факторлардан иборат тўла комплекс ДНК – репликаза системаси ва қисқача реплисома деб www.arxiv.uz аталади. E.coli ҳужайраларда маълум даражада бир-биридан фарқ қиладиган учта ДНК-полимеразамавжуд. Улар I, II,III полимеразалар деб белгиланади. I ва II полимеразалар бола занжирининг узайишини таъминлашидан ташқари, экзонуклеазалик активлигига ҳам эга, яъни ДНК молекуласининг ҳар икки учидан хам охирги нуклеотидларни ажрата олади. E.coli ҳужайрасида ДНК занжири элонгациясига асосан III ДНК – полимераза жавоб беради. II ДНК полимеразанинг функцияси хозирча аниқланмаган. ДНК молекуласининг ҳар иккалла занжирининг бир вақтда репликация қилиниши бир қатор янги муаммоларни келтириб чиқаради. Улардан бири ДНК – полимеразалар янги мономерларни фақат ДНКнинг 3′ учига боғланишини таъминлашлари аниқланди. 1969 йилда япон олими Р.Оказаки ҳар иккалла занжир бир вақтда репликация қилинганда, бир занжир узлуксиз, иккинчи янги занжир эса калта фрагментлар шаклида синтезланишини кашф этди. Узлуксиз синтезланадиган занжир “бошловчи”, узилиб синтезланадиган “колок” занжир деб аталади. Сўнгра Оказаки фрагментларининг синтези учун томизги (затравка) сифатида РНК нинг кичик бўлакчалари керак эканлиги ҳам маълум бўлди, чнуки ДНК- полимеразнинг ўзи занжирни инициирлай олмайди. Рибонуклеазид трифосфатлардан 5′- 3′ йўналишидаги боғланиш примаза деб аталадиган фермент ёрдамида тузилади. РНК затравка калта бир занжирли РНК бўлиб, унинг 3′ учига изчиллик билан дезоксирибонуклеотид қолдиқлари бирикади. Репликация бир неча инициация нуқталарида бошланади ва ҳар бир репликация айириси иккала томонга ҳаракат қилади. Қўш спиралнинг айирилиши занжирнинг биттасини танлаб, унга уланадиган “айирувчи оқсиллар таъсири” туфайли боради. Ҳосил бўлган 1000-2000 та нулеотидддан тузилган Оказаки фрагментлари, сўнгра лигаза ферменти ёрдамида бир-бирига уланади. Тран с крипция www.arxiv.uz Генлар транскрипцияси РНК ҳосил бўлишига олиб келади. РНК нинг ҳамма турлари ядрода синтезланади. ДНК матрициасида кечадиган ҳамма синтезлар ДНК да ёзилган ахборотга мувофиқ амалга ошади. РНК нинг барча турлари тРНК, рРНК ва мРНК синтезланишида, асосларнинг комплементар бўлиши принципига биноан, ДНК асосларининг тартиби РНК асослари тартибини белгилайди. Полинуклеотид занжир фақат рибозонуклеотид трифосфатлардан синтезланади ва бу жараёнда анорганик пирофосфат молкулалари ажралиб чиқади. РНК синтези бир неча босқичда: а) инициация (бошланғич), в) полимеразация ва з) терминация (тугаш). www.arxiv.uz Адабиётлар: 1. Спирин А.С. Молекулярная биология. Структура рибосомы и биосинтез белка. М. «Высшая школа». 1986 г. 2. Спирин А.С. Молекулярная биология. Структура и биосинтез нуклеиновых кислот . М. «Высшая школа». 1992 г. 3. Тўрақулов Ё.Х. Молекуляр биология. Т. “Ўқитувчи” 1993 й. 4. Тўрақулов Ё.Х. Биохимия. Т. Ўқитувчи. 1998 й.

O'xshashlar

Фотосинтез ва пигментлар фотосинтезнинг ёруғлик реакциялари
Микроспорогенез ва оталик гаметофитининг ривожланиши чангчининг тузилиши
Ядро
Ўсимликларни тупроқдан озиқланиши
Макроспорогенез ва оналик гаметофитининг ривожланиши