Кунига 50 т озиқа саломасини узлуксиз рафинациялаш технологияси - Сельское и лесное хозяйство - Рефераты

Кунига 50 т озиқа саломасини узлуксиз рафинациялаш технологияси

Загружено в:

25.02.2024

Скачано:

0

Размер:

1468.287109375 KB

Кунига 50 т озиқа саломасини узлуксиз рафинациялаш технологияси Мундарижа Кириш 1. Технологик схемани танлаш ва асослаш 2. Технологик схеманинг баёни 3. Ҳом ашё ва тайёр маҳсулотлар тавсифи 4. Моддий ҳисоблар 5. Буғ ва сув сарфи ҳисоби 6. Ускуналарни танлаш ва ҳисоблаш 7. Ишлаб чиқаришни назорат қилиш Фойдаланилган адабиётлар рўйхати

Кириш Ўзбекистон Республикаси Президенти И.А. Каримовнинг маърузаларида “ресурслар ва энергияни тежайдиган замонавий технологияларни жорий этиш, сифати импорт товарларидан юқори, нархи эса арзон бўлган маҳаллий маҳсулотларни ишлаб чиқариш учун янги технологик усулларни ишлаб чиқиш, озиқ-овқат саноатида сифатли ва барқарор талабга эга бўлган тайёр маҳсулотлар тайёрлайдиган корхоналар ташкил этиш учун энергия тежамкор технологиялар ишлаб чиқиш, ишлаб чиқаришни техник қайта жиҳозлаш борасидаги ишларни изчил давом эттириш” ва шу каби вазифаларга алоҳида тўхталиб ўтилган[1]. Маълумки, ёғ-мой саноати Республикамиз иқтисодиётида муҳим ўринлардан бирини эгаллайди. Унинг ривожланиши ва тараққий этиши иқтисодиётнинг жадал ривожланишига туртки бўлади. Саноатнинг ривожланиши эса бевосита инновацион ғоя ва технологик ишланмаларга боғлиқдир. Саноатнинг бу тармоғида пахта, соя мойлари, мева данаклари ҳамда сабзавот уруғларидан олиниб, атир-упа, фармацевтика ва озик-овкат саноати тармоқларида ишлатиладиган ёғлар, маргарин маҳсулотлари, майонез, кирсовун, атирсовун, техника мақсадлари учун бошқа турли маҳсулотлар ишлаб чиқарилади. Тармок корхоналарида ишлаб чиқариладиган маҳсулотлар, хусусан пахта мойи экспортга чиқарилади. Косон, Гулистон ёғ экстракция қўшма корхоналарида бир кунда 1200 т чигит, Фаргона ёғ-мой ХЖ қуввати кунда 840 т чигит, Қўқон ёғ-мой ХЖ қуввати бир кунда 810 т чигит, “Каттақўрғон ёғ-мой” ХЖ; қуввати бир кунда 950 т чигит, Сурхонозиқовқатсаноат ХЖ бир кунда 800 т хом ашё, Урганч ёғ-мой ХЖ бир кунда 800 т хомашёни қайта ишлайдиган тармоқдаги энг йирик корхоналардир. Тармоқ корхоналарида технологик жараёнларини автоматлаштириш, хорижий фирмалар ускуналари билан жиҳозлаш ишлари давом эттирилмокда. Корхоналарни техникавий жиҳатдан қайта жиҳозлашда Крупп, Скет (Германия), «Альфа-Лаваль» (Швеция), «Жон Браун2», «Карвер», «Краун» 2

(АКШ), «Маццони», «Боллиста», (Италия), Германия, Польша, Украина, Россия фирмалари билан ҳамкорлик яхши самара бермокда. Техник ва озиқа саломаслари маргарин, атир ва хўжалик совунлари, турли техник малҳамлар ва пардоз кремларининг асосий таркибий қисми ҳисобланади, ҳамда қимматли кимёвий хом ашё сифатида ҳам ишлатилади. Маълумки, олинадиган маҳсулот сифати бир қатор омиллар билан бирга бевосита қўлланиладиган хом ашё сифатига ҳам боғлиқ бўлади. Жумладан маргарин маҳсулотларинингсифати ишлатиладиган асосий хом ашё - озуқа саломасининг сифат кўсаткичларига боқлиқ. Ўз навбатида озуқа саломасининг сифати эса таркибидаги ёғнинг ҳамроҳ моддаларини мавжудлиги ва уларнинг миқдори билан баҳоланади. Демакки, ишлатиладиган саломаснинг сифати қанчалик паст бўлса олинадиган маҳсулотнинг сифати ҳам шунчалик паст бўлиши мумкин экан. Курс ишининг мақсади мана шу оралиқ маҳсулот, яъни саломас сифатини ошириш ва рафинациялаш жараёнининг самарадорлигини оширишдан иборат. 3

Технологик схемани танлаш ва асослаш Рафинация деб ёғларни аралашма ва ҳамроҳ моддалардан тозалаш жараёнига айтилади. Озиқ-овқат саноати ёғ ва мойларни, тўғридан-тўғри истеъмол қилиш учун, маргарин махсулотларини тайёрлаш учун, майонез, гидрогенланган ёғлар, совун, глицерин, ёғ кислоталари, олиф ва бошқа маҳсулотлар тайёрлаш учун ишлаб чиқаради. Рафинациянинг тўлиқ цикли фосфолипидларни, мумсимон моддаларни, эркин ёғ кислоталарини, бўёвчи ва ҳид берувчи моддаларни ажратиб олишни ўз ичига олади. Бу мақсадда турли хил усуллар қўлланилади, бу усулларнинг асосида маълум реагентларнинг алоҳида моддаларга нисбатан танлаш хусусияти ётади. Ёғларнинг таркиби асосида ва ёғларни кейинчалик қайси мақсадда ишлатилишига қараб, рафинациянинг керакли усуллари танланади. Агар ёғлар озиқ-овқат учун мўлжалланган бўлса, мавжуд давлат стандартларига асосан ёғлар тўлиқ рафинацияланади ва дезодорацияланади. Ҳар бир ёғ турини рафинация қилиш технологик режимини танлашда унинг ўзига ҳос хусусиятлари инобатга олиниши зарур. Рафинация жараёнига қуйидаги талаблар қўйилади. Ёғнинг глицерид қисмини тўлалигича ўзгармаган ҳолда қолдириш, истеъмолга яроқлилигини сақлаб қолиш, йўқотишларни ва чиқиндиларни камайтириш. Бу муаммоларни ижобий ҳал қилишда мойларни рафинация жараёнини олиб боришдаги энг мақбул шароит катта аҳамиятга эга, яъни натрий гидроксиднинг миқдори, унинг концентрацияси, нейтраллаш жараёнини олиб бориш ҳарорати, аралаштириш тезлиги ва бошқалар. Ёғнинг таркиби, сифати ва қўлланилишига қараб турли рафинация усуллари ишлатилади. Асосий жараёнларнинг характери ва рафинация жараёнига реагентлар таъсирига қараб, улар 3 гуруҳга бўлинади. 1.Гидромеханик (физикавий) 2.Физик-кимёвий (кимёвий) 3. Масса алмашувчи (физ-кимёвий). Юқорида берилган рафинация усулларининг синфланиши шартлидир. Ҳамма аралашмаларни 1 та усул ёрдамида йўқотиш мумкин эмас. Шунинг 4

учун амалда 1та технологик схемага бирлашувчи бир нечта усуллар қўлланилади. Масалан: озиқ-овқат учун ишлатиладиган саломасларни рафинация жараёнига: ишқорли рафинация--- чўктириш---- тиндириш----- центрафугалаш-----оқлаш---дезодорация усуллари киради. Цех унумдорлигини ошириш ва сарф ҳаражатларни камайтириш мақсадида рафинациялашнинг узлуксиз усулидан фойдаланиш мақсадга мувофиқ ҳисобланади. Бундан ташқари узлуксиз усулда даврий усулдагига нисбатан ёғнинг йўқолиши камаяди. Юқорида келтирилган маълумотларга асосланиб рафинациялашнингг узлуксиз усулини танлаймиз. 5

Технологик схеманинг баёни Цехга келаётган рафинацияланмаган саломас 1-тарози орқали 2-бакка келиб тушади. Бакда змеек ўрнатилган бўлиб, унга 0,1-0,15 МПа буғ берилади. 35-45 0 С ҳароратли саломас бакдан 4-насос ёрдамида 3-фильтрдан ўтиб 5- пластинкали иссиқлик алмашгичга келади. Ундан 6- ўлчагич орқали 7-насос ёрдамида 8-дискли аралаштиргичга келади. Аралаштиргичга айни вақтда 30- насос ёрдамида 28-бакдан керакли миқдордаги ишқор эритмаси ҳам берилади. Нейтралланган саломас ва ишқор эритмаси 9-сеператоргша келади ва бу ерда “ёғ-соапсток” фазалари ажратилади. Нейтралланган саломас сеператордан 11-насос ёрдамида пластинкали иссиқлик алмашгичда ўтиб, 90-95 0 С гача исийди ва 12-пичоқли аралаштиргичга биринчи ювишга берилади. Бу ерда саломас массасига нисбатан 10% миқдоридаги 90-95 0 С ли сув билан аралаштирилади. Аралаштиргичдаги “саломас-сув” аралашмаси 13-сепараторга фазаларга ажратиш учун берилади. Саломасдан ажратилган ювинди сув сеператордан 40- ёғ туткичга юборилади. Ювилган саломас 15-насос ёрдамида 14-пластинкали иссиқлик алмашгич орқали иккинчи марта ювиш учун пичоқли аралаштиргичга берилади. Аралаштиргичдаги “саломас-сув” аралашмаси 17-сепараторга фазаларга ажратиш учун берилади. Саломасдан ажратилган ювинди сув сеператордан 40- ёғ туткичга келиб тушади, ювилган саломас эса 18-вакуум қуритиш аппаратига келади. Қуритгичдаги вакуум 19-уч босқичли буғ эжектори ёрдамида ҳосил қилинади. Ажратилган конденсат 42-барометрик қудуққа тушади. Қуритилган саломас 22-насос ёрдамида 23-фильтрпрессдан ўтиб 43саломас йиғгичга йиғилади. Баъзан вакуум қуритгичдан ностандарт саломас чиққан ҳолларда у хомашё бакига ёки 39-қайтган саломас бакига тушади. Рафинацияланган саломас 43-бакдан 44-насос ёрдамида 45-деаээраторга берилади. Бу ерда ёғ пуркаш усулида 100 0 С гача қиздирали ва 46-насос орқали 47-спиралсимон иситгичга берилади. Сўнг ундан 48-спиралсимон иситгичга берилади. Бу ерда саломас дезодорацияланган саломас иссиқлиги ҳисобига 6

қиздирилади. Иситгичдан чиқаётган 160-170 0 С ли ёғ 60-тугал иситгичга келади. Бу ерда ёғ суюқ органик иссиқлик элтгич орқали 220-250 0 С гача қиздирилади. Бу ердан саломас 56-дезодораторнинг юқори тарелкасига тушади ва аста секин қолган 8 та тарелкалардан ўтиб боради. Марказий трубада тутиб қолинган нейтрал саломас томчилари 49-насос орқали 56-дезодораторнинг юқори тарелкасига қайтарилади. Дезодоратордан чиқаётган буғ-ҳаво аралашмаси 57-скрубберга келади. Бу ерда махсус мослама ёрдамида совутилган саломас билан аралашади. Скрубберда ёғ кислоталари буғларининг кўп қисми конденсатланади ва саломасга ютилади. Скрубберда пуркалаётган саломас 51-бак, 52-насос, 53-пластинкали иссиқлик алмашгич(совуткич) ва 57- скруббер системасида циркуляцияланади. Лимон кислота эритмаси 54-бакда тайёрланади ва 55-насос орқали дезодораторнинг 8-чи тарелкасига берилади. 8-тарелкадан чиқаётган дезодорацияланган саломас 59-насос орқали 48иссиқлик алмашгичга биринчи босқич совутишга берилади, сўнг 61исииқлик алмашгичга иккинчи босқич совутишга берилади. Бу ердан ёғ 62фильтрга сўнг 63-тайёр маҳсулот бакига келади. Буғ-ҳаво аралашмаси скруббердан кейин 58-вакуумнасосга сўрилади. Ҳосил бўлган конденсат 42-барометрик қудуққа тушади. 64-насос орқали тайёр саломас реализацияга ёки бошқа мақсадларда қўлаш учун юборилади. 7

8 “Альфа-Лаваль” фирмасининг унумдорлиги 150 т/кун бўлган қурилмасида ѐғларни рафинациялаш нинг технологик схемаси

Хом ашё ва тайёр маҳсулотлар тавсифи Тозаланган ва ҳидсизлантирилган саломаснинг физик-кимёвий кўрсаткичлари Кўрсаткич номи Саломас учун меъёрлар 1 марка 2 марка 3 марка Кислота сони, мг КОН 0.2 0.2 0.2 Намлик ва учувчан моддалар миқдори, % 0.1 0.1 0.1 Никель миқдори, мг/кг 0.7 0.7 0.7 Совун(сифат намунаси) Мавжуд эмас Эриш ҳарорати, 0 С 31-34 32-36 35-37 15 0 С ҳароратдаги қаттиқлиги, г/см 160-320 160-320 550-750 Қаттиқ триглицеридларнинг массавий улуши, 20 0 С да % 29-37 29-40 меъёрланмайди Перекис сони, ммоль/кг 10 10 10 Рафинацияланмаган саломаснинг физик-кимёвий кўрсаткичлари Кўрсаткич номи Саломас учун меъёрлар 1 марка 2 марка 3 марка 4 марка 15-20 0 С ҳароратдаги ранги Оқ рангдан кул ранг тусли сариқ ранггача Оқ рангдан кул ранг тусли жигар ранггача Эриш ҳарорати, 0 С 31-34 32-36 35-37 42-45 Қотиш ҳарорати, 0 С аниқланмайди 29 30 15 0 С ҳароратдаги қаттиқлиги, г/см 160-320 160-320 500-700 800-1000 (20 0 С да) Кислота сони, мг КОН 1.0 1.0 2.0 3.0 Намлик ва учувчан моддалар миқдори, % 0.15 0.15 0.15 0.15 Никель миқдори, мг/кг 10 10 15 15 Қаттиқ триглицеридларнинг массавий улуши, 20 0 С да % 29-37 29-40 45 дан ортиқ аниқланмайди Перекис сони, ммоль/кг 15 15 15 15 9

Моддий ҳисоблар Ҳисоблар 1 тонна рафинацияланмаган саломас учун, сўнгра 1 кг рафинацияланган саломас учун олиб борилади. Ҳисоблаш учун маълумотлар Кислота сони, к.с. = 2 мг КОН Намлик ва учувчан моддалар миқдори, х 1 =0,15% Натрий гидроксиднинг ортиқча миқдори коэффициенти, у=1,1 ёки 10% 4. Нёғнинг соапстокдаги миқдори, Ё н =20% Қуритилган ёғнинг намлиги, х 2 =0,05% Нейтраллаш Ортиқча ишқор миқдори 15%га тенг бўлганда саломасни нейтраллаш учун сарф бўладиган натрий гидроксид миқдори (10% ли). Натрий гидроксид билан боғланган ёғ кислоталар массаси, бу ерда: М Ё.К – саломаснинг ёғ кислоталарини молекуляр массаси (М Ё.К =278) М с – саломас ёғ кислоталарининг натрийли совуни молекуляр массаси (М с =303) М иш – натрий гидроксиднинг молекуляр массаси (М иш =40) 0,713 – калий ва натрий гидроксиднинг молекуляр массалари нисбати. Боғланган ёғ кислоталар билан соапстокга маълум миқдорда нейтрал ёғлар ҳам ўтади. Ўз-ўзини бўшатувчи барабанли сепараторлар ишлатилганда, соапстокдаги умумий ёғ миқдорининг 20-25% ни тишкил этади. Соапстокдаги умумий ёғ миқдори 10

шу жумладан нейтрал ёғ миқдори Сепаратордан чиққан ёғда ўртача совун қолдиғи миқдори: С / м =0,1%=1 кг/т Шундай қилиб, соапстокдаги ёғ чиқиндилари миқдори: С / жк =С / жс – С / м = 13,64-1,0=12,64 кг/т Соапстокнинг чиқиши Белгиланган режимда ишлаётган сепаратордан чиқаётган соапстокдаги умумий ёғ миқдори ўртача 20% ни ташкил этади. Соапстокнинг чиқиши: 11

Ювиш жараёнида ёғ чиқиндилари Ёғдан соапсток ажратилгандан кейин унинг таркибида қолган совунни йўқотиш мақсадида ёғни 2 марта иссиқ юмшоқ сув билан ювилади. Белгиланган меъёрий ҳужжатлар бўйича биринчи ювишга W I = 100кг/т, иккинчи ювишга W 2 = 60кг/т миқдорда сув берилади. Биринчи ювишда ёғнинг таркибидаги 90% совун ювилади, иккинчи ювишда (0,005% дан кўп бўлмаган) миқдорда совун қолади. Биринчи ювишда ишлатилган сув ўзи билан сепаратордан 1-1,5% ёки Ё н =1,3% нейтрал ёғни олиб чиқиб кетади. Иккинчи ювишда ишлатилган сувда 0,2-0,3% ёки ўртача Ё н2 =0,25% нейтрал ёғ бўлади. У ҳолда: Ювинди сувда нейтрал ёғнинг миқдори Совун кўринишида боғланган ёғ миқдори Ёғ тутгичдан ўтаётганда 50% нейтрал ёғ ушлаб қолинади ва жараёнга қайтарилади. Қолган миқдори И / =(Ё н3 +С // м ) – Ё н4 = (1,45+0,95)-0,72=1,7кг/т ҳовлидаги ёғ тутгич орқали рафинация цехи оқава сувларини тозалаш системасига берилади ва нордонлаштириш ёрдамида 60% миқдори тутиб қолинади. Бу ёғ ишлаб чиқариш чиқиндиси ҳисобланади ва техник мақсадда ишлатилади. Ювиш жараёнидаги қайтмас йўқотишлар миқдори: Й I = (Ё н3 + С // м ) – (Ё н4 + V // ) = (1,45+0,95) - (0,7+1) = 0,7 кг/т Ишқорий нейтраллаш ва ювишда бошқа чиқиндиларнинг ўртача меъёри Й 3 = 0,20 кг/т га тенг. Бошланғич кислота сони 2,0 мг КОН бўлган саломасни ишқорий нейтраллашда умумий чиқиндилар миқдори: 12

О = С жс + V // + Й 3 = 12,64 + 1,0 + 0,2 = 13,84 кг/т Ишқорли нейтраллашда, ювиш ва қуритишдаги қайтмас йўқотишлар Бу йўқотишлар қуйидаги жараёнлар натижасида ҳосил бўлади. а) Ювишда юқорида келтирилган ҳисоблар асосида Й 1 = 0,7 кг/т б) Қуритишда яъни рафинацияга берилаётган ёғларнинг намликлари ҳар хиллиги ҳисобига Й 2 = х 1 -х 2 = 0,15 – 0,05 = 0,1%=1,0кг/т в) Ва бошқалар Й 3 =0,2 кг/т Ишқорий нейтраллашда, мойни ювиш ва қуритишда қайтмас йўқотишларнинг умумий миқдори: Й=Й 1 +Й 2 +Й 3 =0,7+1,0+0,2=1,9 кг/т Ишқор билан рафинация қилинган, ювилган ва қуритилган мой миқдори: А р = А r - (О+Й) = 1000- (13,84+1,9) = 984,26 кг/т 1 тонна рафинацияланган мой олиш учун қанча хом пахта мойи сарф бўлишини аниқлаймиз: Ишқорий нейтраллаш жараёнининг баланси Компонентлар 1 т рафинацияланадиган ёғга нисбатан, кг Кунига тонна Рафинацияланмаган саломас 1000 50 Рафинацияланган, ювилган ва қуритилган мой 984,26 49,21 Чиқиндилар: 15,54 0,77 13

Шу жумладан Соапстокдаги ёғ 12,64 0,63 Ёғ тутгичда ушлаб қолинган техник ёғ 1,0 0,05 Бошқа чиқиндилар 1,9 0,95 20% концентрацияли соапсток 63,2 3,16 Қўшимча материаллар сарфи Натрий гидроксид сарфи Натрий гидроксид ёғ кислоталарни нейтраллаш учун сарфланади. Юқорида келтирилган ҳисоботларга асосан эркин ёғ кислоталарни нейтраллаш учун (100% ли) натрий гидроксиднинг сарф миқдори И =1,57 кг/т га тенг. Турли концентрациядаги натрий гидроксид NaOH эритмасининг сарфи қуйидагича ҳисобланади: эритма нинг сарфи: оғирлик бўйича ҳажм бўйича V=И / н /а = 1,57/0,609=2,58 л/т=0,00258 м 3 /т б) Ишчи эритмада натрий гидроксидни концентрацияси 10,9%; NaOH таркиби: оғирлик бўйича а 1 =0,12 кг/л, зичлиги Ишчи эритма сарфи: Оғирлик бўйича ҳажм бўйича V 1 = И // н /а 1 =1,57/0,12=13,08 л/т = 0,013 м 3 /т 14

Фойдаланилган адабиётлар 1. Тютюнников Б.Н. Науменко П.Б., Товбин И.М. и др. “Технология переработки жиров” М. Пишпром 1970. Стр 650. 2. Арутюнян Н.С., Аршиева Е.А., Янова Л.И. и др. “Технология переработки жиров” М. Агропромиздат 1985 стр 367 3. Руководство по технологии получения и преработки растительны масел и жиров Л.В. НИИЖ Т.II, 1973 c. 350., T. III кн1. 1985, кн 2 1977, с. 351 Т. IV 1975, c.544 T. V, 1983 4. Y. Qodirov. « Yog ’- moy mahsulotlari ishlab chiqarish texnologiyasi », Toshkent , « Sharq » nashr ., 2007. 5. P. Ilxamdjanov va boshqalar. « Yog ’- moy sanoati korxonalari qurilma uskunalari », Toshkent , « Sharq » nashr ., 2007. 6. Е.Д. Ситников «Практикум по расчетам оборудования предприятий для производства жиров и жирозаменителей», М., Агропромиздат. 1991. 7. К.Ф. Павлов, П.Г. Романов «Примеры и задачи по курсу ПиАХТ», М., 1976. 15

Похожие

Ем хашак ўтлар

Ўсимлик мойларини тозалаш

Қуёнчилик технологияси

Ўсимликлар ўсув даври хар хил этапидаги озиқа шароитига бўлган муносабатлари

Мўйна ҳайвонларидан маҳсулот олиш ва урчитиш асослари